AXCP-Müsavat blokunun dəstəklədiyi namizəd YAP-ın namizədinə qarşı qara piar kampaniyası aparır

Bakı:

16 °C

36 %

13 m/s

Əlaqə

AZ RU EN

Ana səhifə / Siyasət / AXCP-Müsavat blokunun dəstəklədiyi namizəd YAP-ın namizədinə qarşı qara piar kampaniyası aparır

AXCP-Müsavat blokunun dəstəklədiyi namizəd YAP-ın namizədinə qarşı qara piar kampaniyası aparır

14.10.2010 [09:29]

Rauf Arifoğlu baş redaktorluğundan sui-istifadə edərək, qəzetində vaxtından əvvəl öz təbliğatını həyata keçirir
Məlumat verdiyimiz kimi, AXCP-Müsavat blokunun namizədləri total saxtakarlığa yol verməklə, seçiciləri aldatmağa çalışırlar. Belə ki, həmin blokun namizədləri DSK-larda qeydiyyatdan keçmək üçün saxtakarlığa yol açan bütün metodlardan istifadə edirlər. Məsələn, ötən sayımızda da qeyd etdiyimiz kimi İsmayıllı rayonunda müxalifətin namizədi imza toplaya bilmədiyi üçün Yeni Azərbaycan Partiyasının (YAP) adından istifadə edib. Lakin bu heç də yeganə fakt deyil. Etibarlı mənbələrdən aldığımız informasiyalara görə, AXCP-Müsavat blokunun Nizami rayonundan dəstəklədiyi namizəd sabiq millət vəkilinin adından istifadə edərək imza toplamağa cəhd göstərib. Sadalanan bu faktlar onu göstərir ki, müxalifətin namizədləri seçki prosesində total saxtakarlığa yol verməklə, insanları aldatmağa çalışırlar.
Bütün bunlarla yanaşı, AXCP-Müsavat blokunun namizədləri tutduqları müəyyən vəzifələrdən sui-istifadə edərək, ən güclü rəqibə-YAP namizədlərinə qarşı qara piar kampaniyası da düzənləyirlər. Buna misal olaraq AXCP-Müsavat blokunun 25 saylı Nizami II seçki dairəsindən dəstəklədiyi namizəd Rauf Arifoğlunun vəzifəsindən sui-istifadə edərək atdığı addımları göstərmək olar. Məlumatlara görə, Rauf Arifoğlu YAP-ın namizədinin nüfuzundan və sosial dəstəyindən çəkinərək, qara piar vasitəsilə nəsə eldə etməyə çalışıb. Daha dəqiq desək, o, baş redaktoru olduğu qəzetin 25 sentyabr tarixli sayında dərc etdirdiyi “4 saylı Vərəm Dispanserinin böyük cinayəti” adlı “məqalədə” də müxtəlif əsassız informasiyalarla YAP-ın namizədinin fəaliyyətinə ləkə yaxmağa cəhd göstərib.
Digər tərəfdən, Rauf Arifoğlu Seçki Məcəlləsinin 75.2 maddəsinin (Seçkiqabağı təşviqat səsvermə gününə 23 gün qalmış başlayır və səsvermənin başlanmasına 24 saat qalmış dayandırılır) tələbini pozaraq rəhbərlik etdiyi qəzetdə özünün təbliğatını aparıb. R.Arifoğlunun qəzetində dəfələrlə yarım səhifəyə yaxın həcmdə şəklini dərc etməsi və şəklin yuxarı hissəsində özünə qarşı hansısa kampaniyanın aparıldığını iddia edən ifadələr yerləşdirməsi, əslində, onun vaxtından əvvəl təbliğata başladığını sübut edir. Bundan başqa, Rauf Arifoğlu imzatoplama mərhələsində plakatlarını binalara, insanların gur olduğu yerlərə “yapışdırma əməliyyatına” da start verib. Şəkillərdən də göründüyü kimi, əllərində R.Arifoğlunun plakatları olan adamlar Naxçıvanski 74 və 78 ünvanlarında iş başında olublar.
Lakin DSK-nın müvafiq qərarından, həmçinin, Nizami rayonunun seçicilərinin sərt təpkisindən sonra Rauf Arifoğlu saxtakar addımlarına bir qədər fasilə verib.
Yeri gəlmişkən, qeyd edək ki, müxalifətin namizədinin qara piar kampaniyası aparmasının, eyni zamanda, YAP-ın fəaliyyətinə kölgə salmaq cəhdlərinin səbəbi onun gücsüzlüyü, zəifliyi, özünəinamsızlığı ilə əlaqədardır. Yəni, Rauf Arifoğlu YAP-ın bütün ölkədə, o cümlədən, Nizami rayonundakı nüfuzunu görərək qara piar kampaniyasına start verib.
ümumiyyətlə, müxalifət YAP-ın gücünü növbəti dəfə namizədlər üçün imzaların toplanmasında müşahidə etdi. Bu düşərgənin təmsilçiləri özlərinin nə qədər gücsüz olduqlarını və seçki kampaniyasını qeyri-dəqiq təşkil etdiklərini də müqayisə əsasında təsəvvür edə bildilər. Məhz bu səbəbdən də, müxalifət müxtəlif saxtakarlıq əməllərinə yol verir və qara piar kampaniyası aparır.
Amma YAP-ın namizədləri nəinki keçmiş fəaliyyətləri və nailiyyətləri ilə qarşıdan gələn seçkilərə gedirlər, onlar, eyni zamanda, növbəti illərdə də Azərbaycan dövlətinə və insanlara xidmət etmək üçün imkan və potensiallarını ortaya qoyaraq qarşıdan gələn seçki kampaniyasına qoşulublar. Düşünürük ki, Azərbaycan vətəndaşları da bunu dəyərləndirərək, YAP-ın irəli sürdüyü namizədləri, bütövlükdə seçki kampaniyasına qoşulmuş namizədlər içində ən çox şanslı namizəd hesab edirlər.
Ramil VƏLİBƏYOV

Paylaş:

Baxılıb: 993 dəfə