Hüseyn Paşayev: YAP-ın beynəlxalq əlaqələri siyasi partiyaların beynəlxalq təşkilatlarda təmsilçiliyinin yüksək nümunəsidir

Bakı:

23 °C

50 %

6 m/s

AZ RU EN

Ana səhifə / Siyasət / Hüseyn Paşayev: YAP-ın beynəlxalq əlaqələri siyasi partiyaların beynəlxalq təşkilatlarda təmsilçiliyinin yüksək nümunəsidir

Hüseyn Paşayev: YAP-ın beynəlxalq əlaqələri siyasi partiyaların beynəlxalq təşkilatlarda təmsilçiliyinin yüksək nümunəsidir

28.10.2010 [09:22]

“Yeni Azərbaycan Partiyasının (YAP) müxtəlif ölkələrin siyasi partiyaları və demokratik təsisatları ilə qurduğu işgüzar və səmimi münasibətlər ardıcıl olaraq inkişaf edir”. Bunu APA-ya açıqlamasında YAP-ın mətbuat xidmətinin rəhbəri Hüseyn Paşayev partiyanın guya beynəlxalq əlaqələrinin zəif olması barədə mətbuatda yazılanlara münasibət bildirərkən deyib.
H.Paşayevin sözlərinə görə, YAP-ın beynəlxalq əlaqələrində dost və qardaş Türkiyənin, MDB üzvü olan ölkələrin, Avropa və Asiyanın bir sıra aparıcı siyasi partiyaları və qurumları ilə münasibətlər prioritet istiqamət kimi əsas götürülüb: “Yeni Azərbaycan Partiyası Türkiyə, Rusiya, Ukrayna, Gürcüstan, Qazaxıstan, Kanada, Hindistan, çin, Cənubi Koreya, Pakistan, Tacikistan və digər ölkələrin aparıcı siyasi partiyaları ilə uzun müddətdən bəri sıx və qarşılıqlı münasibətlərə malikdir, partiyalar arasında intensiv görüşlər keçirilir, fikir və təcrübə mübadilələri aparılır. Partiyamız 51 ölkənin təmsil olunduğu siyasi partiyaların “Asiya siyasi partiyaları Beynəlxalq Konfransı” (İCAPP) Daimi Komitəsinin üzvüdür. YAP bu kimi nüfuzlu beynəlxalq qurumda təmsil olunmaqla Azərbaycan həqiqətlərinin dünyaya çatdırılması istiqamətində mühüm tribuna əldə edib”.
H.Paşayev YAP-ın Avroatlantik məkanda baş verən siyasi proseslərə təsir imkanlarının genişləndiyini və müxtəlif beynəlxalq qurumlarla inteqrasiya tendensiyalarının dərinləşdiyini də vurğulayıb: “Xüsusilə, Almaniyanın, Fransanın, İtaliyanın, İspaniyanın və digər ölkələrin hakimiyyətdə olan sağ partiyalarını özündə birləşdirən və Avropa Parlamentində çoxluğa sahib olan Avropa Xalqları Partiyası (EPP) ilə münasibətlər keyfiyyətcə yeni mərhələyə qədəm qoyub. Bundan başqa, YAP-la Almaniyanın Xristian Demokrat Birliyi, eləcə də, nüfuzlu Konrad Adenuer Fondu (KAF) arasında birgə layihələrin həyata keçirilməsi planlaşdırılıb”.
O, 2007 və 2008-ci illərdə YAP-ın təşkilatçılığı ilə Bakıda “Sivilizasiyaların dialoqu: siyasi partiyaların rolu” və “Demokratiya və sabitlik naminə: əməkdaşlığın yeni imkanları” mövzusunda konfransların keçirildiyini xatırladaraq, həmin tədbirlərdə dünyanın ABŞ, çin, Rusiya Federasiyası, Türkiyə, Yaponiya, Hindistan, Fransa, Koreya, Ukrayna, İran və s. kimi 60 ölkəsinin hakim partiyalarının və parlament nümayəndələrinin iştirak etdiyini vurğulayıb: “Bu kimi tədbirlər partiyamızın beynəlxalq əlaqələrinin geniş coğrafiyasına və intensiv xarakterinə əyani misal ola bilər. ümumiyyətlə Yeni Azərbaycan Partiyasının beynəlxalq əlaqələrinin coğrafiyası getdikcə genişlənir. Bu əlaqələr eyni zamanda müstəqil Azərbaycan Respublikasının siyasi partiyalar səviyyəsində beynəlxalq təşkilatlarda təmsilçiliyinin yüksək nümunəsidir”.

Paylaş:

Baxılıb: 1196 dəfə