İsa Qəmbər niyə adi jurnalistə uduzdu?

Bakı:

17°C

67%

5m/s

Əlaqə

AZ RU EN

Ana səhifə / Siyasət / İsa Qəmbər niyə adi jurnalistə uduzdu?

İsa Qəmbər niyə adi jurnalistə uduzdu?

09.11.2010 [09:25]

Xalqın gözü tərəzidir, kimi seçdiyini yaxşı bilir
Noyabrın 7-də keçirilən parlament seçkiləri yüksək seçici fəallığı ilə müşayiət olundu. Seçkilərdə iştirak edən, layiq bildikləri namizədə səs verən ölkə seçicilərinin iradəsi əsasında IV çağırış Azərbaycan Respublikasının Milli Məclisinin üzvləri seçildi. Seçkinin ilkin nəticələrinə görə, radikal müxalifət-AXCP-Müsavat seçki bloku seçicilərdən səs ala bilməyib.
Hələ seçkidən öncə müxalifətin xalqdan səs ala bilməyəcəyi məlum idi. Amma hər dəfə çıxışlarında bunu inkar edən, özlərini “ən şanslı” adlandıran blok rəhbərləri İsa Qəmbər və Əli Kərimli seçki marafonunda geridə qaldılar. Ə.Kərimlini öz keçmiş əqidədaşı Fərəc Quliyev üstələdisə, İsa Qəmbər “Lider” televiziyasının əməkdaşı Etibar Hüseynovdan geri qaldı. Ənənəvi şəkildə seçkinin nəticələrini tanımayacağı haqqında bəyanatlar verən, xalqın iradəsi ilə barışmaq istəməyən bu qüvvələr görəsən, hansı səbəblərdən uduzduğunu, xalqdan səs ala bilmədiyini anlayırmı?
Məsələn, Müsavat partiyasının sədri İsa Qəmbər özünü hər zaman müxalifətin bir nömrəli siması kimi cəmiyyətə təqdim edir. Amma bu seçki bir daha sübut etdi ki, xalq artıq bu insanları birmənalı şəkildə dəstəkləmir. İ.Qəmbər bir jurnalistə uduzmaqla bir daha siyasi cəhətdən bitdiyini təsdiqlədi.
Bəli, bu gün seçkinin nəticələri açıqlandıqdan sonra yalandan haray salan, Azərbaycanda gedən demokratik seçki prosesinə kölgə salmağa çalışan İsa Qəmbər ermənilərlə əməkdaşlıq müqaviləsi bağlayanda bilməliydi ki, Azərbaycan xalqı bu növbəti satqınlığının qarşısında onu özünə vəkil etməyəcək. Təbliğat-təşviqat dövründə yalandan küçələrdə gəzərək görüş adı altında küçədə dayanan insanlarla şəkil çəkdirib gözdən pərdə asmağa çalışan İ.Qəmbərin ermənilərlə əməkdaşlıq etməsi xalqımız tərəfindən birmənalı şəkildə ikrah hissi ilə qarşılandı. Əlbəttə ki, xalqın gözü tərəzidir. İsa Qəmbərin gözü isə Qərbdədir və “Sem dayı”sının əmrlərini elə gözüyumulu yerinə yetirmək üçün müntəzirdir.
Təbii ki, İ.Qəmbərin 1992-ci ildə hakimiyyətdə olduğu zaman etdikləri də xalqın yadından çıxmayıb. Kürsü savaşı ucbatından ölkəni qan çanağına çevirən, vətəndaşları qarşı-qarşıya qoyan, Azərbaycanı seperatçılıq meydanına döndərən İsa Qəmbər görəsən, hansı üzlə xalqın qarşısına çıxıb ondan mandat istəyirdi?
özünü psevdomilliyyətçi kimi qələmə verən İsa Qəmbər və onun rəhbərlik etdiyi “siyasi dilənçilərin” hər zaman Qərbdə özünə dayaq axtarması hamıya bəllidir. Maraqlıdır ki, “bu dayaqlar” Müsavatın xəyanət damarını yaxşı bilir və ondan məharətlə istifadə edirlər. Bir neçə il bundan öncə Avropa Liberal Partiyasının sıralarına daxil olan Müsavat partiyası qondarma erməni “soyqırımı”nı tanıyan, cinsi azlıqların hüquqlarının müdafəsi ilə məşğul olan bir qurumla əməkdaşlıq etdiyini bilmirdimi? Və ya bir neçə ay öncə əli Azərbaycan xalqının qanına batmış ermənilərlə “qardaşlıq” müqaviləsi bağlayan İsa Qəmbər hesab edirdi ki, Azərbaycan xalqı bu addımına görə ona təşəkkür edəcək? Əsla. Siyasi karyerası dövründə yalnız ona-buna yarınan, xalqının və dövlətinin maraqlarını öz şəxsi ambisiyaları üçün qurban verənlərin aqibəti İsa Qəmbərdən yuxarı olmur.
Bəli, özünü “müxalifət lideri” qismində görən İsa Qəmbər növbəti dəfə məğlub oldu. İ.Qəmbər özü də dərk edir ki, onun siyasi həyatı sona yetib. çünki ən əsası xalq İ.Qəmbər və onun kimilərinin əsl simasını görür. Bu səbəbdən də, əgər bu insanların ən azından özlərinə azacıq da olsa, hörmətləri qalıbsa, üzüsulu siyasətdən getdiklərini bəyan edib, çıxıb gedərdilər...
Pərviz SADAYOÄžLU

Paylaş:

Baxılıb: 874 dəfə