Təcavüzkara qarşı beynəlxalq hüquqa uyğun addımlar atılmalıdır

Bakı:

25 °C

56 %

9 m/s

Əlaqə

AZ RU EN

Ana səhifə / Siyasət / Təcavüzkara qarşı beynəlxalq hüquqa uyğun addımlar atılmalıdır

Təcavüzkara qarşı beynəlxalq hüquqa uyğun addımlar atılmalıdır

11.02.2011 [10:31]

Mübariz Qurbanlı: Beynəlxalq Böhran Qrupu müharibə təhlükəsindən bəhs edirsə, bu təhlükənin səbəblərini araşdırmalı və reallıqları açıq şəkildə göstərməlidir
“Azərbaycan Dağlıq Qarabağ problemi ilə bağlı sülh yolunu seçib və məsələni sülh yolu ilə həll etmək istəyir. Lakin Prezident İlham Əliyev dəfələrlə bildirib ki, məsələ sülh yolu ilə həll edilmədiyi təqdirdə Azərbaycan beynəlxalq hüququn norma və prinsiplərinə istinad edərək öz ərazi bütövlüyünü və suverenliyini bərpa etmək üçün lazımi addımlar atacaq”.
Bu fikirləri YAP İcra katibinin müavini, Milli Məclisin deputatı Mübariz Qurbanlı deyib. M.Qurbanlı bildirib ki, Beynəlxalq Böhran Qrupu müharibə təhlükəsinin yaxın olduğunu iddia edir, bir tərəfdən də Qərb ölkələri məsələni sülh yolu ilə həll etməyə çağırır. Onun sözlərinə görə, müharibə təhlükəsi varsa, bu təhlükənin yaranmasının əsas günahkarı Ermənistandır. çünki Ermənistanın qeyri-konstruktiv əməlləri Azərbaycanı məsələnin hərbi yolla həllinə keçməyə sövq edir.
“Digər günahkarlar isə Minsk qrupunun həmsədr dövlətləri və müəyyən beynəlxalq təşkilatlardır. Bu gün beynəlxalq hüquqda təcavüzkarın tərifi deyilən anlayış var və belə ölkəyə qarşı sanksiyalar tətbiq olunmalıdır. Ermənistan Azərbaycan torpaqlarına təcvüz edib, 20 faiz ərazimizi işğal altında saxlayır. Bu ərazilərə ermənilər nəzarət edir. Ona görə də, beynəlxalq təşkilatlar BMT-nin qəbul etdiyi sənədlərə uyğun olaraq Ermənistanı təcavüzkar ölkə elan etməli və bu dövlətə qarşı müəyyən sanksiyalar tətbiq etməlidir. Amma bu günə qədər heç bir sankisya tətbiq edilmir. Fakt üçün deyə bilərik ki, ABŞ-ın təşəbbüsü ilə BMT səviyyəsində bəzi ölkələrə qarşı sanksiyaların tətbiq olunur. ABŞ-ın marağı tələb etdikdə bu dövlət BMT “qamçısından” istifadə edərək ölkələrə qarşı sanksiyalar tətbiq edir. Amma çox qəribədir ki, Ermənistana qarşı nəinki hərbi, heç iqtisadi sanksiyalardan istifadə olunmur” - deyə, YAP İcra katibinin müavini qeyd edib.
M.Qurbanlı bildirib ki, Beynəlxalq Böhran Qrupu müharibə təhlükəsindən bəhs edirsə, bu təhlükənin səbəblərini araşdırmalı və reallıqları açıq şəkildə göstərməlidir.
“Biz istəyirik ki, təcavüzkara qarşı beynəlxalq hüquqa uyğun addımlar atılsın. Əgər bu olmayacaqsa, beynəlxalq hüquq kimə lazımdır? BMT Təhlükəsizlik Şurası dünyada sülh və təhlükəsizlik üçün məsuliyyət daşıyır. Amma özünün qəbul etdiyi 4 qətnaməni Ermənistan yerinə yetirmir. Yaxşı olar ki, Beynəlxalq Böhran Qrupu təhlillərini bu istiqamətə yönəltsin” - deyə o, vurğulayıb.

Paylaş:

Baxılıb: 1052 dəfə