Ermənilərin mitinqi...

Bakı:

24 °C

54 %

3 m/s

Əlaqə

AZ RU EN

Ana səhifə / Siyasət / Ermənilərin mitinqi...

Ermənilərin mitinqi...

30.10.2022 [21:36]

Qondarma rejim belə təxribatlarla sülhə mane olmağa çalışlr

Xəbər verildiyi kimi, Xankəndidə separatçı rejimin "parlamentinin" çağırışı ilə mitinq keçirilib. Azərbaycanın tərkib hissəsi olmaq istəmədiklərini bildirən ermənilər qondarma rejimin Qarabağın heç vaxt müstəqil Azərbaycanın bir hissəsi olmayacağını bildirən bəyanat qəbul ediblər. Sözügedən mitinqdə "dqr" "xarici işlər naziri" David Babayan da iştirak edib.

Ermənilərin mitinq "cəsarəti" isə Valday Diskussiya Klubunda Rusiya prezidenti Vladimir Putinin səsləndirdiyi bəzi fikirlərindən gəldiyi bəllidir. Məlum olduğu kimi Rusiya prezidenti qeyd etmişdi ki, ortada iki "sülh müqaviləsi" var. Qərbin təklif etdiyi sülh müqaviləsində rəsmi Bakının Qarabağ üzərindəki bütün suveren haqqları tanınıb. Beləliklə, qondarma rejim də bu cür mitinqlərlə guya Paşinyana Qarabağ üzərində Azərbaycanın suveren hüquqlarını təmin edən sülh müqaviləsini imzalamaması üçün təzyiq göstərir. Halbuki, oktyabrın 6-da keçirilən Praqa görüşündə Ermənistan Azərbaycanın ərazi bütövlüyünü tanıdığını bəyan edib.

Məsələ ilə bağlı fikirlərini bölüşən hərbi ekspert Ramil Məmmədli bildirib ki, Xankəndi şəhərində bir qrup erməninin təşəbbüsü ilə keçirilən aksiyada səsləndirilən şüarlar və tələblər iki ölkə arasında əldə olunan razılığın, sülh müqaviləsinin imzalanmasının pozulmasına xidmət etməklə yanaşı, həm də təxribat xarakterlidir. O qeyd edib ki, ortada olan əsas təxribat isə təbii ki, Rusiyanı bu məsələdə Azərbaycana qarşı qoymaq cəhdləridir: "Hesab edirəm ki, Rusiyanın Xankəndidəki ermənilərə loyal münasibət göstərməsi, onları dəstəkləməsi Cənubi Qafqazda əsas tərəfdaşı olan Azərbaycanın Moskvaya olan inam və etibarını sarsıda bilər. Düşünürəım ki, rəsmi Moskva bu addımı atmaz. Rusiya yaxşı bilir ki, hazırki vəziyyətdə Qərbdən gələn təzyiqlərin qarşısında duruş gətirməsi üçün Azərbaycan dəstəklənməlidir. Əks təqdirdə isə yeni - həm Qarabağda, həm də Ermənistan ilə Azərbaycan sərhədi istiqamətində müharibə qaçılmaz ola bilər. Belə olan təqdirdə isə itirən Rusiya, Ermənistan və Xankəndidəki ermənilər olacaq".

Hərbi ekspert vurğulayıb ki, qondarma rejim hələ də nələrəsə ümidlidir. Amma Azərbaycanın bu məsələdə mövqeyi qətidir – hər hansı status müzakirə mövzusu deyil. "Cənab Prezident İlham Əliyev Praqada Azərtbaycan televiziyaları üçün müsahibəsində bildirdi ki, Qarabağda yaşayan ermənilər də bizim vətəndaşlarımızdır və bütün Azərbaycan vətəndaşları ilə eyni hüquqa malik olacaqlar. Bu, Azərbaycanın açıq mövqeyidir", -deyə R.Məmmədli əlavə edib.

SADIQ

Paylaş:

Baxılıb: 692 dəfə