Akademik Arif Paşayev Odessa Milli Rabitə Akademiyasının fəxri doktoru adına layiq görülüb

Bakı:

25 °C

65 %

12 m/s

Əlaqə

AZ RU EN

Ana səhifə / Siyasət / Akademik Arif Paşayev Odessa Milli Rabitə Akademiyasının fəxri doktoru adına layiq görülüb

Akademik Arif Paşayev Odessa Milli Rabitə Akademiyasının fəxri doktoru adına layiq görülüb

16.04.2011 [11:18]

Dünən Azərbaycan Milli Aviasiya Akademiyasında (AMAA) bu ali təhsil ocağının rektoru, tanınmış alim, akademik Arif Paşayevin Ukraynanın A.Popov adına Odessa Milli Rabitə Akademiyasının (OMRA) fəxri doktoru seçilməsi ilə əlaqədar tədbir keçirilib. AzərTAc xəbər verir ki, tədbirdə OMRA-nın rektoru, professor Pyotr Vorobiyenko rəhbəri olduğu ali təhsil ocağının Elmi Şurasının 2011-ci il 31 mart tarixli qərarı ilə akademik Arif Paşayevə fəxri doktor adının verildiyini bildirib və fəxri doktor diplomunu və mantiyasını ona təqdim edib. Rektor vurğulayıb ki, A.Paşayev bu akademiyanın məzunu olub. Onun təhsil aldığı ali təhsil müəssisəsinin fəxri doktoru seçilməsi bu akademiya üçün böyük əhəmiyyət daşıyır. Eyni zamanda, P.Vorobiyenko akademik A.Paşayevə simvolik olaraq onun tələbə bileti və qiymət kitabçasını da bağışlayıb. Qeyd edib ki, bu hadisə həm AMAA və OMRA arasında əməkdaşlıq əlaqələrinin, həm də Azərbaycan və Ukrayna dostluğunun daha da möhkəmlənməsinə xidmət edəcək.
Odessa Milli Rabitə Akademiyasının yüksək fəxri adına layiq görülməsinə görə bu ali təhsil ocağının professor-müəllim heyətinə təşəkkürünü bildirən akademik A.Paşayev vurğulayıb ki, təhsil aldığı, mütəxəssis kimi yetişdiyi akademiyanın fəxri doktoru olması onun üçün böyük şərəfdir. A.Paşayev əmin olduğunu bildirib ki, bundan sonra da iki təhsil ocağı arasında əlaqələr yüksələn xətt üzrə davam edəcək. Tədbirdə iştirak edən Ukrayna Azərbaycanlıları Konqresi sədrinin müavini Oleq Krapivin akademik A.Paşayevə bu təşkilatın fəxri üzvü seçilməsi ilə bağlı ona diplom və xatirə hədiyyələri təqdim edib. Sonra qonaqlar Azərbaycan Milli Aviasiya Akademiyasının hava gəmilərinin uçuş istismarı kafedrasının dosenti, uzun illər Azərbaycanın mülki aviasiya sistemində fəaliyyət göstərmiş qocaman aviator Vitali Tarasovun 75 illik yubileyi ilə bağlı tədbirdə iştirak ediblər. Tədbiri giriş sözü ilə açan “Azərbaycan Hava Yolları” Qapalı Səhmdar Cəmiyyətinin birinci vitse-prezidenti Sabir İlyasov yubilyarın 50 ildən artıq Azərbaycanın mülki aviasiya sistemində çalışdığını qeyd edib. Vitse-prezident onu da əlavə edib ki, V.Tarasov hazırda akademiyada ixtisaslı kadrların hazırlanmasında fəal iştirak edir.
Akademiyanın rektoru, akademik Arif Paşayev yubilyarı təbrik edərək V.Tarasovun Azərbaycan mülki aviasiyasının inkişafına töhfələrini yüksək qiymətləndirib. Sonra A.Paşayev akademiya adından hədiyyə olaraq V.Tarasova “Chevrolet Niva” avtomobilinin açarını və sənədlərini təqdim edib.

Paylaş:

Baxılıb: 1183 dəfə