Azərbaycanın birinci xanımı Mehriban Əliyeva ölkəmizdə fəaliyyət göstərən səfirlərin xanımları ilə görüşüb

Bakı:

12 °C

87 %

8 m/s

AZ RU EN

Ana səhifə / Siyasət / Azərbaycanın birinci xanımı Mehriban Əliyeva ölkəmizdə fəaliyyət göstərən səfirlərin xanımları ilə görüşüb

Azərbaycanın birinci xanımı Mehriban Əliyeva ölkəmizdə fəaliyyət göstərən səfirlərin xanımları ilə görüşüb

29.06.2011 [09:37]

Dünən Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva ölkəmizdə fəaliyyət göstərən səfirlərin xanımları ilə görüşüb.
Qonaqları səmimi salamlayan Azərbaycanın birinci xanımı səfirlərin xanımları ilə görüşməkdən məmnunluğunu bildirib.
Görüşdə qeyd olunub ki, Azərbaycanın birinci xanımı ilə görüşmək fikri səfirlərin xanımlarından ibarət qrupun toplantılarından birində səslənib. Qrupun fəaliyyətində xeyriyyəçilik işləri əsas yer tutur və bu məqsədlə də xanımlar Mehriban Əliyevanın rəhbərliyi ilə Heydər Əliyev Fondunun valideyn himayəsindən məhrum uşaqların həyat səviyyəsinin yaxşılaşdırılması istiqamətində apardığı fəaliyyətlə yaxından tanış olmaq istədiklərini bildiriblər. Qrup üzvləri Fondun genişmiqyaslı xeyriyyəçilik fəaliyyəti barədə məlumatlı olduqlarını, lakin aparılan işlər barədə daha çox öyrənmək istədiklərini diqqətə çatdırıblar.
Mehriban xanım Əliyeva Fondun fəaliyyətindən danışıb. Bildirib ki, Fondun əsas amalını xeyriyyəçilik təşkil edir. Qurumun layihələri əhalinin ən zəif müdafiə olunan təbəqələrinə, ilk növbədə xəstə uşaqlara, eləcə də dünyada ən qiymətli nemətdən - valideyn məhəbbətindən və qayğısından məhrum olan uşaqlara kömək göstərilməsinə yönəlib. Fondun nail olduğu əsas məqsəd isə cəmiyyətin diqqətini mühüm məsələlərə cəlb etməkdir.
Heydər Əliyev Fondunun prezidenti səfirlərin xanımlarının diqqətinə çatdırıb ki, Fondun himayəsi altında həyata keçirilən aksiyalar sırasına qaçqın ailələrindən olan uşaqlara kömək, diabet və talassemiya xəstəliklərindən əziyyət çəkən balacalara yardım, respublikamızdakı uşaq evlərinin və internat məktəblərinin əsaslı şəkildə yenidən qurulmasına dair möhtəşəm proqram, Azərbaycanda, əsasən kənd yerlərində yeni məktəb binalarının, səhiyyə müəssisələrinin tikilməsi də daxildir.
Azərbaycanın birinci xanımı qeyd edib ki, Heydər Əliyev Fondu digər ölkələrin problemlərinə də biganə qalmır.
Mehriban xanım Əliyeva ilə görüşdə səfirlərin xanımları Heydər Əliyev Fondunun fəaliyyətini yüksək qiymətləndirdiklərini bildiriblər.
Səfirlərin xanımları Azərbaycanın birinci xanımı Mehriban Əliyeva ilə xatirə şəkli çəkdiriblər.
Səmimi söhbət çay süfrəsi arxasında davam edib.

Paylaş:

Baxılıb: 968 dəfə