Buxarestdə Ümummilli lider Heydər Əliyevin abidəsinin ucaldılması Rumıniyada Ulu öndərin xatirəsinə böyük ehtiramın göstəricisidir

Bakı:

13 °C

94 %

7 m/s

AZ RU EN

Ana səhifə / Siyasət / Buxarestdə Ümummilli lider Heydər Əliyevin abidəsinin ucaldılması Rumıniyada Ulu öndərin xatirəsinə böyük ehtiramın göstəricisidir

Buxarestdə Ümummilli lider Heydər Əliyevin abidəsinin ucaldılması Rumıniyada Ulu öndərin xatirəsinə böyük ehtiramın göstəricisidir

12.07.2011 [07:28]

Rumıniyanın Demokrat Liberal Partiyasının nümayəndə heyəti YAP-ın Sədr müavini Əli Əhmədovla görüşüb
Rumıniyanın hakim Demokrat Liberal Partiyasının Azərbaycanda səfərdə olan nümayəndə heyəti ilə Yeni Azərbaycan Partiyasının (YAP) mərkəzi qərargahında görüş keçirilib.
AzərTAc xəbər verir ki, YAP Sədrinin müavini-İcra katibi, millət vəkili Əli Əhmədov səfərin Azərbaycan və Rumıniya arasında dostluğun möhkəmləndirilməsinə töhfə verəcəyini vurğulayıb və deyib ki, qarşılıqlı səfərlər əlaqələrin dairəsinin genişləndiyini və həyatımızın bütün sahələrinə nüfuz etdiyini göstərir: “Bu, xalq diplomatiyasının təzahürüdür. Rumıniyanın və Azərbaycanın hakim partiyaları arasında əlaqələrin dərinləşməsi ölkələrimiz arasında dostluq münasibətlərinin inkişafı fonunda baş verir. Buxarestdə Azərbaycanın ümummilli lideri Heydər Əliyevin, Bakıda isə görkəmli rumın bəstəkarı Corce Eneskunun abidələrinin ucaldılması xalqlarımız arasındakı bu münasibətlərin yüksək səviyyəsini göstərir”.
Ə.Əhmədov qeyd edib ki, rumın nümayəndə heyətinin tərkibində siyasətçilərlə yanaşı, tanınmış elm, mədəniyyət, incəsənət xadimlərinin də Azərbaycana gəlməsi ölkələrimiz arasında bu sahələrdə münasibətlərimizin inkişafında xüsusi rol oynayacaq.
Ermənistan-Azərbaycan, Dağlıq Qarabağ münaqişəsi barədə qonaqlara məlumat verən YAP Sədrinin müavini Azərbaycanın ərazi bütövlüyünü dəstəklədiyinə və münaqişənin həllinə ədalətli mövqedən yaxınlaşdığına görə rəsmi Buxarestə və rumın xalqına təşəkkürünü bildirib.
Yüksək qonaqpərvərliyə görə minnətdarlığını bildirən nümayəndə heyətinin rəhbəri, Buxarest şəhərinin 2-ci sektorunun meri, Rumıniya Bələdiyyələr Assosiasiyasının sədr müavini Nekulay Ontsanu Azərbaycanın son illər ərzində bütün sahələrlə əldə etdiyi sürətli inkişafdan məmnun olduqlarını diqqətə çatdırıb. Rumıniyanın Azərbaycanın müstəqilliyini tanıyan ilk dövlətlərdən biri olduğunu vurğulayan qonaq, ölkələrimiz arasındakı əlaqələrin hazırkı yüksək səviyyəyə çatmasında xalqımızın ümummilli lideri Heydər Əliyevin misilsiz xidmətlərini qeyd edib. Bildirib ki, Buxarestdə ümummilli lider Heydər Əliyevin abidəsinin ucaldılması Rumıniyada Ulu öndərin xatirəsinə böyük ehtiramın göstəricisidir.
Qonaq deyib ki, Azərbaycanın və Rumıniyanın bir çox mühüm layihələrdə iştirakı, AGRİ layihəsinin həyata keçirilməsi prezidentlər İlham Əliyevin və Trayan Beseskunun şəxsi dostluğuna əsaslanan münasibətlərimizin yüksək inkişafının nəticəsidir.
Dağlıq Qarabağın Azərbaycan torpağı olduğunu xüsusi vurğulayan N.Ontsanu bildirib ki, Rumıniya bütün beynəlxalq təşkilatlarda Azərbaycanın ərazi bütövlüyünü birmənalı şəkildə dəstəkləyir.
Sonra qarşılıqlı olaraq xatirə hədiyyələri təqdim edilib.
Görüşdə YAP İcra katibinin müavinləri Siyavuş Novruzov və Mübariz Qurbanlı iştirak ediblər.

Paylaş:

Baxılıb: 962 dəfə