BBC öz informasiya manipulyasiyası ilə bütövlükdə Avropaya qarşı...

Bakı:

13 °C

71 %

11 m/s

Əlaqə

AZ RU EN

Ana səhifə / Siyasət / BBC öz informasiya manipulyasiyası ilə bütövlükdə Avropaya qarşı...

BBC öz informasiya manipulyasiyası ilə bütövlükdə Avropaya qarşı...

12.01.2012 [15:58]

BBC transmilli aktorların strateji orientasiyalarına və maraqlarına müvafiq surətdə Avropanın ən mötəbər mədəniyyət müsabiqəsini-“Eurovision”u informasiya manipulyasiyasının obyektinə çevirir
Xəbər verdiyimiz kimi, Avropa Yayım Birliyinin (EBU) bəzi üzvləri ötən ayın sonunda Cenevrədə toplantı keçiriblər. Toplantıda iştirak edən bəzi EBU üzvləri son vaxtlar bir sıra media orqanlarında “Eurovision” müsabiqəsinin siyasiləşdirilməsindən narahatlıq keçirdiklərini dilə gətiriblər. Bəzi üzvlər isə BBC telekanalı ilə bağlı bu ifadələri işlədiblər: “BBC Azərbaycan hökumətinə və Bakıda keçiriləcək “Eurovision” müsabiqəsinə qarşı geniş kampaniya aparır. BBC-nin bu hərəkəti “Eurovision” qurumuna böyük ziyan vurmaqdadır”.
İştirakçılar Daimen McGuinnessin məqaləsinin əvvəlcə dekabrın 17-də, sonra dekabrın 22-də BBC-nin əsas xəbər bülletenində yayımlanmasını, daha sonra isə oxşar mətnlərin “The Times”, “The Telegraph”, “The Week” kimi mətbuat orqanlarında yer almasını misal çəkiblər.
İştirakçılar Bakıda aparılan inşaat işlərinin “Eurovision”la əlaqələndirilməsi və müsabiqədən təzyiq vasitəsi kimi istifadə edilməsi barədə iddiaların əsassız olduğunu bildiriblər. Toplantının sonunda Avropa Yayım Birliyi adından BBC-yə xəbərdarlıq edilməsi qərara alınıb.
Bütün bunlar bir daha ona dəlalət edir ki, BBC öz fəaliyyətində siyasi-ideoloji səciyyəli informasiya manipulyasiyasına istinad edir və müxtəlif milli dövlətlərə qarşı özündə qara piarı, təzyiq elementlərini ehtiva edən siyasət yürüdür. Bundan əvvəl də qeyd etdiyimiz kimi, bəhs edilən qurum beynəlxalq münasibətlər sisteminin müstəqil aktoru olan milli dövlətlərə qarşı müxtəlif məsələlər ətrafında şantaj siyasəti həyata keçirir. ümumiyyətlə, BBC hər zaman konkret imperialist güclərin transmilli maraqlarına müvafiq media fəaliyyəti sərgiləyib. Məhz buna görə də, BBC-nin fəaliyyət mexanizminin əsasında informasiya resurslarının lokal və qlobal şəbəkəsini formalaşdıran transmilli media qurumlarının istinad etdikləri ən müxtəlif metod və vasitələr xüsusi yer tutub. Bunlar sırasında isə siyasi-ideoloji səciyyəli informasiya manipulyasiyası xüsusilə qeyd edilməlidir.
Son olaraq Azərbaycan hökumətinə və Bakıda keçiriləcək “Eurovision-2012” beynəlxalq mahnı müsabiqəsinə qarşı geniş kampaniya aparan BBC öz fəaliyyəti ilə həm də ideoloji təzyiq qrupu qismində çıxış etdiyini bir daha sübut edir.
Bütün bunlarla yanaşı, üzərinə götürdüyü transmilli missiyaya müvafiq surətdə qeyri-obyektiv informasiyalar yaymaqla, qara piar kampaniyası aparmaqla, dolayısıyla, siyasi informasiya manipulyasiyasına istinad etməklə BBC həm də bütövlükdə Avropaya qarşı çıxış edir. BBC-nin “Eurovision” beynəlxalq mahnı müsabiqəsinə qarşı geniş kampaniya aparması isə ona dəlalət edir ki, bəhs olunan qurum dolayısıyla transmilli aktorların strateji orientasiyalarına və maraqlarına müvafiq surətdə Avropanın ən mötəbər mədəniyyət müsabiqəsini informasiya manipulyasiyasının obyektinə çevirir. Bu isə BBC-nin fəaliyyət mexanizminin hansı prinsiplərə, orientasiyalara və maraqlara əsaslandığını göstərir.
NURLAN

Paylaş:

Baxılıb: 934 dəfə