Əmanət sahibləri Prezidentin Fərmanını böyük sevinclə qarşılayıblar

Bakı:

27 °C

46 %

4 m/s

Əlaqə

AZ RU EN

Ana səhifə / Siyasət / Əmanət sahibləri Prezidentin Fərmanını böyük sevinclə qarşılayıblar

Əmanət sahibləri Prezidentin Fərmanını böyük sevinclə qarşılayıblar

30.03.2012 [13:01]

Xəbər verildiyi kimi, Prezident İlham Əliyev “Keçmiş SSRİ Əmanət Bankının Azərbaycan Respublikası Bankının Azərbaycan Respublikasının vətəndaşları olan əmanətçilərinə fərdi birdəfəlik ödəmələrin verilməsi haqqında” Fərman imzalayıb. Fərmana əsasən, 1992-ci ilin 1 yanvar tarixinədək keçmiş SSRİ Əmanət Bankının Azərbaycan Respublikası Bankının əmanətçiləri olan ölkə vətəndaşlarına bu ilin iyun ayından başlayaraq 2013-cü il 31 dekabr tarixinədək birdəfəlik ödəmələr veriləcək.
Xatırladaq ki, əmanətlərin qaytarılması Azərbaycan Respublikası dövlət müstəqilliyini bərpa etdikdən və iqtisadi cəhətdən gücləndikdən sonra mütəmadi gündəmə gətirilən məsələlərdən olub. ölkəmizin son illərdə əldə etdiyi iqtisadi nailiyyətlər, makroiqtisadi sabitlik bu problemin həllinə də imkan verib. Belə ki, Azərbaycan dövlətinin maliyyə imkanlarının artması əhalinin inflyasiya nəticəsində ucuzlaşmış bank əmanətlərinə görə onlara dövlət tərəfindən əlavə yardım ödənilməsi üçün şərait yaradıb. Bu uğurları nəzərə alaraq, Azərbaycan dövləti keçmiş SSRİ Əmanət Bankının Azərbaycan Respublikası Bankının Azərbaycan Respublikasının vətəndaşları olan əmanətçilərinə fərdi birdəfəlik ödəmələrin verilməsini məqsədəuyğun sayıb. Prezidentin sözügedən Fərmanı imzalanmasına ən çox sevinən də məhz SSRİ Əmanət Bankının Azərbaycan Respublikası Bankının əmanətçiləri olub.
Düşünürdüm ki, daha pulumuz batdı
Həmin əmanətçilərdən biri - Azad Bilaloğlu Qazax rayonundandır. O, uzun illərdir ki, atasının Sovet banklarına qoyduğu əmanətinin qaytarılacağı günü gözləyir: “Atam artıq rəhmətə gedib. Onun varisi kimi pulu mən alacam. 7000 rubla görə 760 manat verəcəklər”.
Onun sözlərinə görə, bu qərar onun üçün gözlənilməz olub: “Düzdür, bildiyimə görə, keçmiş SSRİ Əmanət Bankının Azərbaycan Respublikası Bankında saxlanılan bank əmanətləri Azərbaycan dövləti tərəfindən 1993-1997-ci illərdə bir neçə dəfə indeksləşdirilib və onlara görə kompensasiyalar verilib. Əmanətçilərin bir qismi qeyd olunan kompensasiyanı alıb. Ancaq əmanətçilərin böyük bir hissəsi əmanətləri və onlara görə verilən kompensasiyaları almaq hüquqlarından istifadə etməyib. Artıq kifayət qədər böyük vaxt keçirdi. Düşünürdüm ki, daha pulumuz batdı. Təbii ki, Prezidentimizin fəaliyyəti nəticəsində son dövrlərdə ölkəmizin sosial-iqtisadi inkişafında qazanılan uğurlar danılmazdır. Bu da bir həqiqətdir ki, əldə olunmuş makroiqtisadi sabitlik, Azərbaycan dövlətinin maliyyə imkanlarının artması əhalinin sovet dövründən qalan bank əmanətlərinə görə onlara dövlət tərəfindən əlavə yardım ödənilməsi üçün şərait yaradıb. Bu Fərmanı imzalamaqla dövlət başçısı İlham Əliyev bir daha sübut etdi ki, öz sosial siyasətində əhalinin rifahını hər şeydən üstün tutur. ölkənin artan iqtisadi uğurlarında əhaliyə daha çox pay düşməsinə çalışır”.
Mənim üçün bu əmanətin dəyəri çox böyükdür
Səadət Osmanova isə müəllimədir. Sovet hakimiyyəti dağılana qədər bankda 2000 rubl pulu olub: “Qızımın və özümün həyat sığortası idi. Hər ay hər birimizə 17,50 rubl olmaqla 35 manat ödəyirdim. Axırıncı dəfə 2035 manatı əmanət şəklində banka qoydum. Elan olunan qaydalara görə, ən azı 300 manat alacam. İndiyədək keçmiş Sovet respublikaları arasında vətəndaşlarının əmanətlərini qaytaran dövlətlər olub. Bu proseslə yaxından maraqlanırdım. Bizdə də nə vaxt qaytarılacağını səbrsizliklə gözləyirdim. Nəhayət, gözlədiyimiz qərar verildi. Dövlət başçısı İlham Əliyevin həmin Fərmanı imzaladığını eşidəndə çox sevindim. Mənim üçün qəpik-qəpik yığdığım bu əmanətin dəyəri çox böyükdür”.
Səadət xanımın fikrincə, Azərbaycan dövləti əmanətə görə məsuliyyəti üzərinə götürməyə də bilərdi: “Məlum olduğu kimi, Azərbaycan vətəndaşlarının keçmiş SSRİ Əmanət Bankının Azərbaycan Respublikası Bankında əmanətləri yerləşdirdikləri dövrdə qüvvədə olan SSRİ-nin “Banklar və bank fəaliyyəti haqqında” Qanununda və Azərbaycan Respublikasının “Banklar və bank fəaliyyəti haqqında” 1992-ci il 7 avqust tarixli Qanununda Əmanət Bankının öhdəliklərinə görə dövlətin məsuliyyəti nəzərdə tutulmayıb. Buna baxmayaraq, Azərbaycan dövləti belə məsuliyyətli addım atdı. özü də cəmi 1 il yarım ərzində bu prosesi başa çatdırmağı qarşıya məqsəd qoyub”.
RUHİYYƏ

Paylaş:

Baxılıb: 995 dəfə