Ümummilli lider Heydər Əliyev müasir, müstəqil Azərbaycan dövlətinin qurucusudur

Bakı:

16°C

77%

1m/s

Əlaqə

AZ RU EN

Ana səhifə / Siyasət / Ümummilli lider Heydər Əliyev müasir, müstəqil Azərbaycan dövlətinin qurucusudur

Ümummilli lider Heydər Əliyev müasir, müstəqil Azərbaycan dövlətinin qurucusudur

03.05.2012 [01:05]

Əli Əhmədov: Heydər Əliyevin daxili və xarici siyasəti nəticəsində dövlətçilik konsepsiyası uğurla həyata keçirilib
Dünən Bakı Dövlət Universitetində (BDU) ümummilli lider Heydər Əliyevin anadan olmasının 89-cu ildönümünə həsr olunmuş “Heydər Əliyev məktəbi” mövzusunda tədbir keçirilib. AzərTAc xəbər verir ki, universitetin rektoru, Milli Məclisin deputatı, akademik Abel Məhərrəmov Ulu öndər Heydər Əliyevin Azərbaycan xalqı qarşısında göstərdiyi misilsiz xidmətlərindən danışıb. Ulu öndərin daxili və xarici siyasətindən söz açan rektor bildirib ki, bu gün Azərbaycanın qazandığı bütün uğurlarının əsası məhz Heydər Əliyev tərəfindən qoyulub. Müqəddəs şəxsiyyət olan dahi rəhbərin bütün fəaliyyəti yalnız xalqın xidmətinə yönəlib. Onun dərin düşüncəsi, ideyaları, qurub-yaratdıqları, siyasət, iqtisadiyyat, elm, təhsil və digər sahələrdə həyata keçirdiyi islahatlar, möhtəşəm layihələr, xalqımızın rifahına, işıqlı gələcəyinə xidmət edib. Hər bir azərbaycanlı Onun zəngin irsini öyrənməli, gələcək nəsillərə çatdırmalıdır.
A.Məhərrəmov deyib ki, xoşbəxt o xalqdır ki, onun ümummilli lideri var. Xalq o vaxt daha da xoşbəxtdir ki, həmin siyasi kurs ölkədə uğurla davam etdirilir. Akademik ümummilli liderin elmin, təhsilin inkişafına hər zaman böyük diqqət və qayğı ilə yanaşdığını, Ulu öndərin siyasi kursunun Onun layiqli davamçısı, Azərbaycan Prezidenti İlham Əliyev tərəfindən uğurla davam etdirildiyini bildirib.
Yeni Azərbaycan Partiyası (YAP) Sədrinin müavini-İcra katibi, Milli Məclisin deputatı Əli Əhmədov dövlətimizin formalaşması, inkişafı və dünyada tanınması istiqamətində ümummilli liderin əvəzsiz rolundan söz açıb. Qeyd olunub ki, Ulu öndər Heydər Əliyev tərəfindən milli ideologiyamızın mükəmməl konsepsiyası işlənib hazırlanıb. Əli Əhmədov bildirib ki, Heydər Əliyevin daxili və xarici siyasəti nəticəsində dövlətçilik konsepsiyası uğurla həyata keçirilib. Azərbaycanda sabitliyin qorunub saxlanılması, ölkənin bütün sahələrində tətbiq olunan uğurlu islahatlar Onun dövlətçilik konsepsiyasının ideyaları sayəsində gerçəkləşib.
Belə bir konsepsiya Heydər Əliyev tərəfindən hazırlanıb və getdikcə təkmilləşdirilib. ölkə iqtisadiyyatın liberal qaydada formalaşması, azad sahibkarlıq ideyalarının yaranması və həyata keçirilməsi dövlətçilik konsepsiyasının əsasını təşkil edib. Nəticədə milli mənəvi dəyərlərə əsaslanan yeni dövlət modeli formalaşıb və əsası qoyulub. Müasir Azərbaycan cəmiyyətinin, onun humanizm, milli-mənəvi dəyərlərinin formalaşması Ulu öndərin əsas xidmətlərindən olub. Onun yaratdığı müasir Azərbaycan dövləti bu gün xalqa, onun milli maraqlarına şərəflə və ləyaqətlə xidmət edir. Heydər Əliyevin müasir Azərbaycan dövlətini yaratmaq konsepsiyası özünəməxsusluğu ilə seçilir. Ulu öndərin konsepsiyası əsasında həyata keçirilən ciddi liberal və demokratik islahatların nəticəsində siyasi cəhətdən güclü dövlət yaradılıb. Heydər Əliyev müasir Azərbaycan cəmiyyətinin və onun mənəvi-əxlaqi dəyərlərinin formalaşması missiyasını da öz üzərinə götürmüş milli liderdir.
Diqqətə çatdırılıb ki, Azərbaycanın Avropanın nüfuzlu “Eurovision” mahnı yarışmasında qalib gəlməsi, BMT Təhlükəsizlik Şurasına qeyri-daimi üzv seçilməsi, 2020-ci il Yay Olimpiya Oyunlarının ev sahibliyinə namizədliyini irəli sürməsi ölkəmizin özünə inamının bariz nümunəsidir. Bu, həmçinin Heydər Əliyev siyasi kursunun layiqli davamçısı Prezident İlham Əliyevin uğurla həyata keçirdiyi daxili və xarici siyasətin nəticəsidir.
Tədbirdə AMEA Tarix İnstitutunun direktoru, Milli Məclisin deputatı Yaqub Mahmudov və digərləri Ulu öndərin zəngin həyat və fəaliyyətindən söz açıblar.

Paylaş:

Baxılıb: 891 dəfə