Əli Kərimlinin "vətənpərvər" oğlunun Klifton sərgüzəştləri

Bakı:

15 °C

72 %

10 m/s

Əlaqə

AZ RU EN

Ana səhifə / Siyasət / Əli Kərimlinin "vətənpərvər" oğlunun Klifton sərgüzəştləri

Əli Kərimlinin "vətənpərvər" oğlunun Klifton sərgüzəştləri

25.05.2012 [00:28]

AXCP sədri xəyanət qarşılığında əldə etdiyi pulları ailəsinin dəbdəbəli həyatla təmin olunmasına xərcləyir
Hər zaman özünü “demokratiya mücahidi” kimi qələmə verən Əli Kərimli haqqında daim bir sıra KİV-lərdə məlumatlar dərc olunur, onun antimilli siyasəti və bunun qarşılığında bəzi xarici dairələrdən pul vəsaiti aldığı bildirilir. Əgər Əli Kərimli xarici fondlardan dövlətinə və xalqına xəyanət qarşılığında pul almırsa, bəs görəsən, onun keçirdiyi dəbdəbəli həyat necə maliyyələşir? Yeri gəlmişkən, Əli Kərimlinin oğlu Türkel Kərimli İngiltərədə yaşayır. Demək ki, Əli Kərimli xəyanət qarşılığında aldığı pullarla oğluna xaricdə rahat şərait yaratmağa nail olub...
“Gündəlik Bakı” qəzetinin məlumatına görə, Əli Kərimlinin oğlu Türkel Kərimli Birləşmiş Krallığın Klifton şəhərindəki Bristol Universitetində oxuyur, özü də hüquq fakültəsində: “Bu günlərdə bununla bağlı əlimizə keçən bir sıra faktlar heyrətlənmək üçün əsas yaradır. Təəccüblüdür, heç bir yerdə işləmədiyini bəyan edən, işləmədiyinə görə də, hər hansı gəlir mənbəyi olmayan, xarici pasportsuz qalmış Əli Kərimlinin oğlu Avropa dövlətlərində necə, hansı vasitələrlə təhsilini davam etdirir? Türkel Kərimli ilə bağlı ötən gün əldə etdiyimiz faktlarda bu gəncin Avropadakı günlərinin heç də pis keçmədiyi məlum olur. AXCP sədrinin oğlu əyləncəli tədbirlərə qatılır, deyir-gülür, şənlənir, Əli Kərimli isə kasıb balalarını mitinqlərdə döydürür. “Gündəlik Bakı”nın redaksiyasına daxil olan fotolarda da aydın görünür ki, Türkel Kərimli türklər demişkən, “kız arkedeşlərinin” əhatəsində olarkən kefi kök olur. O, şəkillərdəki dostlarının dairəsində əllərini yuxarı qaldıraraq şənlənəndə AXCP sədri onlarla, yüzlərlə gənci küçələrə, qanunsuz mitinqlərə çıxarıb, onları döydürür, həbs etdirirdi”.
“Gündəlik Bakı” AXCP sədrinə haqlı bir sual ünvanlayır: 1993-cü ildən heç bir yerdə işləməyən Əli Kərimlinin aylıq xərcləri minimal hesabla 2500-2800 manat təşkil edən oğlu Birləşmiş Krallıqdakı Bristol Universitetinin hüquq fakültəsində hansı pulla təhsil alır?
Qəzet bildirir ki, bütün bunlar qaranlıq, şübhəli məqamlardan xəbər verir və “Azadlıq” qəzetinə ayrılan vəsaitlərin mənimsənilməsi ilə bağlı deyilənlərin həqiqətə uyğun olduğunu sübut edir. Əli Kərimli idarə etdiyi təbliğat vasitəsi kimi yararlandığı “Azadlıq” qəzetinə ayrılan vəsaitləri çox asanlıqla ələ keçirir, müxbirlərin halal qazanclarına, boğazlarına ortaq olur: “Fakt - vaxtilə “Azadlıq” qəzetinə satirik yazıları ilə çıxış etmiş, sonradan bir neçə il müddətinə həbs olunmuş Mirzə Sakit (Zahidov) bu mətbu orqanın üzünə həsrət qalanda “sandığı açıb, pambığı tökmüşdü”. Satirik yazar qeyd etdi ki, Avropanın media ilə bağlı institutlarından “Azadlıq” qəzetinə ayrılan böyük miqdarda pul vəsaitindən ona da pay düşürmüş. Amma Mirzə Sakit bu günə kimi həmin pulun üzünə həsrət qalıb. Maraqlıdır, həmin pulları kim və hara xərcləyib? Cavab aydındır”.
Qəzetin araşdırmaları başqa bir maraqlı məqamı da üzə çıxarıb. Məlum olub ki, AXCP sədrinin xaricdə kef çəkən övladının sosial şəbəkələrdəki 600-dən artıq dostlarının yalnız 8-9 faizi azərbaycanlılardır. Onun dostlarının arasında Maykl Qrey, Sanford Hui, Elizabet Hudson, Taşie Cekson, C.c. Mallet, Cemma Amos kimi qızlar, oğlanlar da var. Bu “dostlar” çılpaq şəkillərini öz profillərində yerləşdiriblər və Türkel bəylə sosial şəbəkələr vasitəsilə dostluq edir, ünsiyyət qururlar. Aralarında bəziləri də var ki, çimərlik paltarında çəkdirdikləri şəkilləri öz profillərinə yerləşdiriblər. Türkel Kərimlinin ünsiyyət üçün ən çox önəm verdiyi ingilislər və digər avropalılar onun maraq dairəsi haqda təsəvvürlər üçün geniş imkanlar yaradır.
Məqalə “Gündəlik Bakı” qəzetində dərc olunmuş material əsasında hazırlanıb

Paylaş:

Baxılıb: 1062 dəfə