"Erməni lobbisi+İran+Əli Kərimli=XƏYANƏT"

Bakı:

10 °C

87 %

7 m/s

Əlaqə

AZ RU EN

Ana səhifə / Siyasət / "Erməni lobbisi+İran+Əli Kərimli=XƏYANƏT"

"Erməni lobbisi+İran+Əli Kərimli=XƏYANƏT"

26.05.2012 [14:35]

Bir qrup gənc Əli Kərimlinin evinin qarşısında aksiya keçirib
Məlum olduğu kimi, son günlərdə İran İslam Respublikasının bir sıra dairələri, hətta dövlət rəsmiləri ölkəmizə qarşı müxtəlif təhdid və təxribat xarakterli bəyanatlar səsləndiriblər. İran tərəfindən səslənən bu bəyanatlara ölkə ictimaiyyəti tərəfindən etiraz olunub və hətta bununla bağlı müəyyən aksiyalar da reallaşıb. Maraqlıdır ki, İranın Azərbaycanın daxili işlərinə qarşımaq cəhdləri, Azərbaycanda reallaşan “Eurovision” yarışmasını hədəfə alan açıqlamalarına AXCP sədri Əli Kərimlidən dəstək gəlib. AXCP sədri bununla bağlı bəyanat verib və bəyanatda İrana qarşı etirazları pisləyib.
AXCP sədrinin bu cür antimilli fəaliyyətinə etiraz edən bir qrup gənc dünən Əli Kərimlinin evinin önündə aksiya keçiriblər. Yüzlərlə insanın qatıldığı aksiyada gənclər AXCP sədrinin dövlətinə, xalqına qarşı tutduğu xəyanətkar mövqeyi pisləyiblər. Aksiya iştirakçıları Ə.Kərimlini Azərbaycanın milli maraqlarını satdığını bildirərək, İranın “molla rejiminə” xidmət göstərməkdə günahlandırıblar. Onun antimilli fəaliyyət apardığı bildirilib. Aksiya iştirakçıları “Xalq Əli Kərimli kimi satqınları bağışlamır”, “Əli Kərimli+molla rejimi=terrorizm”, “Hər yerə işlədin Vətəndən başqa”, “Əli Kərimli+İran mollaları=MİLLİ XƏYANƏT”, “Erməni lobbisi+İran+Əli Kərimli=XƏYANƏT”, “Başının əmmaməsi hanı Əli Kərimli?” və başqa şüarlar səsləndiriblər. çıxış edən gənclər bildiriblər ki, Azərbaycanın iqtisadi-sosial inkişafnın qarşısını almaq üçün xarici dairələrə qulluq etmək, Azərbaycanda keçirilən mədəni tədbirə-”Eurovision” yarışmasına qarşı xarici qüvvələrlə ittifaqa girmək dövlətə və xalqa xəyanətdir: “Biz Azərbaycan gəncliyi “ölkəmizdə bərqərar olan siyasi sabitliyə, iqtisadi inkişafa qarşı olan, bu yolda hər kəsə qulluq göstərən Əli Kərimliyə ar olsun” deyirik. Bu gün Azərbaycana qarşı hədyanlar səsləndirən İran rejimi ilə iş birliyinə gedən Əli Kərimli unudur ki, xalqına xəyanət edənlərə bu xalqın içində yer yoxdur. Əli Kərimli xalqa qarşı olan bütün qüvvələrlə, ermənilərlə iş birliyinə gedir, İran mollaları ilə iş birliyinə gedir. O, xalqdan və dövlətdən başqa hər kəsin, hər bir anti-Azərbaycan dairələrin marağını qorumağa hazırdır. Biz Azərbaycan gəncliyi ölkəmizi xarici maraqların təminatı ünvanına çevirmək istəyən Əli Kərimliyə bildiririk ki, Azərbaycan gəncliyi heç zaman buna imkan verməyəcək. Biz müstəqil Azərbaycanın inkişafının tərəfdarıyıq. Molla rejiminə xidmət edən Əli Kərimliyə ar olsun!”.
Aksiya iştirakçıları ölkə gəncliyinin bu cür xəyanətkar addımları hər zaman ifşa edəcəyini, Əli Kərimlinin apardığı antimilli fəaliyyətə imkan verməyəcəyini qəti surətdə bildiriblər. Vurğulanıb ki, Azərbaycanın son illərdə əldə etdiyi uğurlar, mədəni, siyasi, iqtisadi müstəvidə əldə olunan nailiyyətlər ölkəmizi sevməyən xarici qüvvələr kimi, Əli Kərimlini də narahat edir. Bu səbəbdən də, həmin xarici qüvvələrlə iş birliyinə gedən Əli Kərimli Azərbaycan xalqına və dövlətinə xəyanət edir: “Dövlətimizin suverenliyinə kölgə salmağa çalışan Əli Kərimli anlamalıdır ki, o, Azərbaycan xalqının iradəsinə qarşı addım atır. Xarici güclərlə, radikal təşkilatlarla, Azərbaycan xalqını, dövlətini təhdid edənlərlə, cənubi Azərbaycanda soydaşlarımızın hüquqlarını tapdayanlarla əməkdaşlıq edən Əli Kərimli 1992-ci ildə olduğu kimi dövlətini, xalqını satmaqda davam edir. Amma xalq, Azərbaycan gəncliyi daha buna imkan verməyəcək. Azərbaycan gəncliyi buna “YOX” deyir və biz öz dövlətimizin inkişafını istəyirik”.
çıxış edənlər bildiriblər ki, Əli Kərimli hələ 1992-ci ildə hakimiyyətdə olanda xalqına, dövlətinə xəyanət edib: “Həmin illərdə insanları bir parça çörəyə möhtac etmişdilər, xalqın malını talayırdılar, özlərinə qoçu dəstələri düzəldərək, Qarabağı siyasi oyunların qurbanına çevirdilər. Azərbaycan xalqı tarixində bir dəfə onların ölkəni uçuruma apardıqlarının şahidi olub. Azərbaycan xalqı bir daha buna yol verməyəcək. Xalqına qarşı xarici güclərlə birləşənlərə bu ölkədə yer yoxdur”.
Aksiya polisin müdaxiləsi ilə dağıdılıb. Aksiyanın dağıdılmasında xəsarət alan olmasa da, bir neçə aksiya iştirakçısı polis əməkdaşları tərəfindən saxlanılıb. Qeyd edək ki, aksiyanı bir neçə xarici jurnalist də izləyib.
Nardar BAYRAMLI
Pərviz SADAYOÄžLU

Paylaş:

Baxılıb: 889 dəfə