Heydər Əliyev
yeni azerbaycan logo

Ana səhifə / Sosial / “İdeya qazandı” biznes televiziya layihəsinin çəkilişləri yekunlaşıb

“İdeya qazandı” biznes televiziya layihəsinin çəkilişləri yekunlaşıb

26.12.2013 [09:52]

Dekabrın 25-də “Fairmont Baku” mehmanxanasında “İdeya qazandı” biznes televiziya layihəsinin çəkilişlərinin yekunlaşması ilə bağlı mətbuat konfransı keçirilib.
AzərTAc xəbər verir ki, çıxış edən Gənclər və İdman Nazirliyinin sektor müdiri Fuad Babayev, Azərbaycan Respublikasının Prezidenti yanında Gənclər Fondunun aparat rəhbəri Faiq Qürbətov və layihənin prodüseri Könül Əliyeva “İdeya qazandı” verilişinin əhəmiyyətini yüksək qiymətləndiriblər.
Bildiriblər ki, layihə Azərbaycan-Türkiyə Gənclərinin Dostluq Cəmiyyəti, Gənclər və İdman Nazirliyi, Azərbaycan Respublikasının Prezidenti yanında Gənclər Fondu və “Youth İNC” proqramının təşkilatçılığı ilə həyata keçirilib. Layihənin məqsədi Azərbaycan gənclərini iri sahibkarlarla görüşdürmək, geniş tamaşaçı auditoriyasına düzgün biznes anlayışlarını aşılamaqdır.
Qeyd ediblər ki, layihədə iştirak üçün 371 gənc ərizə ilə müraciət edib. Seçim turlarında 54 iştirakçı investorların qarşısında çıxış etmək hüququ qazanıb. Gələn ilin yanvarından nümayiş olunacaq verilişin gənclər tərəfindən böyük maraqla qarşılanacağı əminliklə ifadə olunub.
Sonra investorların nümayəndələri layihə haqqında fikirlərini bölüşüblər. Həmçinin verilişin videoçarxı nümayiş olunub.
“İdeya qazandı” televiziya layihəsində 5 investor gənclərin ideyalarına sərmayə yatırmaq üçün seçim edir və bu ideyaları həyata keçirməyə vəsait ayırır. Layihədə investor qismində “Paşa Bank”, “Garant Holding”, “Buta Sığorta”, “Veritas Management Systems” və “Red Communications” kimi nüfuzlu şirkətlər təmsil olunur.
Verilişin çəkilişlərini ABŞ-dan dəvət olunmuş rejissor Daniel Kartz həyata keçirib.

Paylaş:
Baxılıb: 1325 dəfə

Xəbər lenti

Hamısına bax

Analitik

Xəbər lenti

YAP xəbərləri

MEDİA

Siyasət

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30