Dövlət Əmək Müfəttişliyi Xidməti ilə həyat sığortası şirkətləri arasında qarşılıqlı əməkdaşlığa dair saziş imzalanıb

Bakı:

14 °C

82 %

4 m/s

AZ RU EN

Ana səhifə / Sosial / Dövlət Əmək Müfəttişliyi Xidməti ilə həyat sığortası şirkətləri arasında qarşılıqlı əməkdaşlığa dair saziş imzalanıb

Dövlət Əmək Müfəttişliyi Xidməti ilə həyat sığortası şirkətləri arasında qarşılıqlı əməkdaşlığa dair saziş imzalanıb

27.12.2013 [09:11]

Azərbaycan Respublikası Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti ilə bir sıra sığorta şirkətləri arasında Tərəfdaşlıq və Əməkdaşlıq haqqında saziş imzalanıb. Saziş əməyin mühafizəsi və istehsalatda bədbəxt hadisə və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanın təmin edilməsi sahəsində sığorta şirkətləri ilə qarşılıqlı faydalı əlaqələrin yaradılmasına xidmət edir.
Nazirlikdən verilən məlumatda bildirilir ki, sazişin imzalanma mərasimində çıxış edən Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəisi İdris İsayev bildirib ki, “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında” 11 may 2010-cu il tarixli Azərbaycan Respublikası Qanununa əsasən, mülkiyyət və təşkilati-hüquqi formasından asılı olmayaraq, bütün işəgötürənlər qanunvericiliklə müəyyən olunmuş qaydada hər bir işçinin istehsalatda bədbəxt hadisə və peşə xəstəlikləri nəticəsində peşə əmək qabiliyyətinin itirilməsi hallarından icbari sığortalanmasını təmin etməlidir.
Bununla bağlı olaraq, aidiyyatı sahəyə dövlət nəzarətini həyata keçirən Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti ilə icbari sığortanın bu növü üzrə lisenziyaya malik sığorta şirkətləri arasında qarşılıqlı səmərəli əməkdaşlığın qurulması zəruridir.
İşçilərin qeyd olunan icbari sığorta növünə cəlb olunması sığorta hadisəsi baş verdikdə onların sosial təminatı, eyni zamanda, belə hadisələr zamanı işəgötürənlərin müəyyən maliyyə məsrəflərindən azad olmaları, digər tərəfdən ölkədə sığorta bazarının inkişafı üçün olduqca vacibdir. Əməkdaşlıq şəraitində aparılacaq işlərdə əsas məqsəd ilk növbədə işəgötürənlər arasında müvafiq məlumatlandırma və təşviqat xarakterli tədbirlərin həyata keçirilməsi olacaq.
Sazişdə istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta müqaviləsinin bağlanmasının təmin edilməsi, icbari sığorta müqaviləsi bağlamayan işəgötürənlərin məsuliyyətinin artırılması, istehsalatda bədbəxt hadisələrin və peşə xəstəliklərinin azaldılması üzrə qabaqlayıcı tədbirlərin müəyyən edilməsi, müəyyən olunmuş qaydada sığorta hadisələrinin araşdırılması, istehsalatda bədbəxt hadisə baş verdiyi hallarda təhqiqat materialları üzrə məlumatların əldə edilməsi və s. kimi əməkdaşlıq sahələri əhatə edilib.
Həmçinin, sənəddə tərəflərin qarşılıqlı razılığı əsasında tələbatdan və istiqamətlərdən asılı olaraq müvafiq əməkdaşlıq formaları (məlumat və sənədlərin mübadiləsi, informasiya ehtiyatları üzrə məlumat bazalarının inteqrasiyası, istehsalatda bədbəxt hadisələrdən icbari sığorta sahəsində qanunvericiliyin tələblərinə əməl olunmasına dövlət nəzarətinin həyata keçirilməsində aşkarlanan qanun pozuntularının aradan qaldırılması və s.) əksini tapıb.
Pərviz SADAYOĞLU

Paylaş:

Baxılıb: 1483 dəfə