Heydər Əliyev
yeni azerbaycan logo

Ana səhifə / Sosial / “Nar” mobil operatoru yeni vizual görünüşünü təqdim edib

“Nar” mobil operatoru yeni vizual görünüşünü təqdim edib

09.04.2015 [10:03]

İki gün əvvəl “JW Marriott Absheron Baku” hotelində düzənlədiyi möhtəşəm tədbirdə fəaliyyətini yeni vizual görünüşü ilə davam etdirdiyini ictimaiyyətə elan edən “Nar Mobile” mobil operatoru aprelin 7-də KİV nümayəndələrinin görüşünə gələrək, yeni “Nar” brendini təqdim edib. “Hilton Baku” mehmanxanasında keçirilən mətbuat konfransında çıxış edən “Azerfon” MMC-nin baş icraçı direktoru Kent Maknili “Nar” brendinin və “Nar Bağı” kreativ platformasının fəlsəfəsi haqqında jurnalistlərə ətraflı məlumat verib, mobil operatorun keçdiyi inkişaf yolundan danışıb. O, “Nar” ticarət nişanının yeni mərhələyə addım atmağa hazır olduğunu xüsusi vurğulayaraq, brendin daha böyük hədəflərə doğru addımladığını bildirib.
“Nar” mobil operatorunun keçdiyi inkişaf yolu bir uğur hekayəsidir. Bu, komanda ruhunun hakim olduğu kollektivimizin hər bir fərdinin uğurudur, bizim ümumi qələbəmizdir. Fəaliyyət göstərdiyimiz illər ərzində biz daima şəbəkəmizi təkmilləşdirməyə, abunəçilərimizə münasibliyi və müxtəlifliyi ilə seçilən tarif planlarını və innovasiyaları təqdim etməyə, o cümlədən müştəri xidmətlərimizin səviyyəsini yüksəltməyə can atmışıq. Artıq yeni mərhələyə qədəm qoyuruq və daha yüksək nəticələrə doğru inamla irəliləyəcəyik”, - deyə Kent Maknili vurğulayıb.
Mətbuat konfransında iştirak edən rabitə və yüksək texnologiyalar nazirinin müavini İltimas Məmmədov da mobil operatorun rəhbərliyini və bütün əməkdaşları təbrik edib, “Nar” ticarət nişanının Azərbaycanın rabitə bazarında daha da çox yeniliklər gətirəcəyinə əminliyini bildirib.
Tədbir daha sonra “Nar” Mətbuat klubunda davam etdirilib. Bu il də Mətbuat klubunda keçirilən birinci görüş həmişə olduğu kimi, istirahət formatında təşkil edilib. Qeyri-rəsmi şəraitdə və şən əhval-ruhiyyədə keçən görüşdə ilk dəfə olaraq lotereya da oynanılıb və jurnalistlərə müxtəlif hədiyyələr təqdim edilib. İndiyədək keçirilən bütün görüşlərdə iştirak etmiş və hər zaman aktiv olmuş 5 jurnalistə “Nar” Mətbuat klubunun daimi üzvü” sertifikatı təqdim olunub.
Səlim LOĞMANOĞLU

Paylaş:
Baxılıb: 707 dəfə

Xəbər lenti

Hamısına bax

YAP xəbərləri

YAP xəbərləri

YAP xəbərləri

YAP xəbərləri

YAP xəbərləri

İqtisadiyyat

YAP xəbərləri

Gündəm

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30