Heydər Əliyev
yeni azerbaycan logo

Ana səhifə / Sosial / Bilik Fondu doktor Cavad Heyəti yad edib

Bilik Fondu doktor Cavad Heyəti yad edib

23.05.2015 [09:37]

Azərbaycan Respublikasının Prezidenti yanında Bilik Fondunda doktor Cavad Heyətin 90 illiyi ərəfəsində tanınmış cərrah və türkoloq alimin anım tədbiri keçirilib. Tədbir iştirakçıları doktor Cavad Heyətin həyatına həsr olunmuş sənədli filmə baxıblar.
Daha sonra çıxış edən Bilik Fondunun icraçı direktoru Oktay Səmədov Cavad Heyətin səhiyyədəki, ədəbiyyatdakı rolundan danışıb. Bu şəxsiyyətin ümumilikdə Azərbaycan üçün gördüyü işlərdən söhbət açan icraçı direktor onun irsinin qorunaraq gələcək nəsillərə ötürülməsinin vacibliyini vurğulayıb. Bildirib ki, Bilik Fondunun bugünkü anım tədbiri məhz bu amala xidmət edir.
Akademik Tofiq Hacıyev Cavad Heyətlə bağlı xatirələrini bölüşüb. Doktor Cavad Heyətin nəşr etdirdiyi “Varlıq” dərgisindən, dərginin İran türklərinin milli şüurunun oyanmasında oynadığı roldan danışıb.
Doktor Cavad Heyətin xatirələrini Azərbaycan türkcəsinə çevirən AMEA-nın Əlyazmalar İnstitutunun elmi işçisi Əkrəm Bağırov C.Heyətin xatirələrini tərcümə etdikcə, tanınmış alimi daha yaxından tanıdığını bildirib.
Doktorun ailə dostu Zülfi Baxışəli Cavad Heyətin şəxsi məziyyətlərindən söhbət açıb. Onun Azərbaycanın müxtəlif universitetlərinin fəxri doktoru və professoru, Türk Dil Qurumunun fəxri üzvü, eləcə də, İstanbul Universitetinin fəxri doktoru olduğunu xatırladıb. Tədbirdə AMEA-nın gənc alimləri də Cavad Heyətlə bağlı xatirələrini bölüşüblər.
Anım tədbiri doktor Cavad Heyətin Fəxri xiyabandakı məzarını ziyarətlə başa çatıb.

Paylaş:
Baxılıb: 957 dəfə

Xəbər lenti

Hamısına bax

YAP xəbərləri

Gündəm

İqtisadiyyat

Ədəbiyyat

Analitik

Yeni texnologiyalar

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30