31 Mart hadisələri XX əsr tarixinin ən faciəli və dəhşətli səhifələrindəndir

Bakı:

24 °C

88 %

3 m/s

Əlaqə

AZ RU EN

Ana səhifə / Sosial / 31 Mart hadisələri XX əsr tarixinin ən faciəli və dəhşətli səhifələrindəndir

31 Mart hadisələri XX əsr tarixinin ən faciəli və dəhşətli səhifələrindəndir

31.03.2017 [16:42]

31 Mart soyqırımı və ya Mart hadisələri -1918-ci ilin 30 mart və 3 aprel tarixi arasında Bakı şəhərində və Bakı quberniyasının müxtəlif bölgələrində, eləcə də Şamaxı, Quba, Xaçmaz, Lənkəran, Hacıqabul, Səlyan, Qarabağ, Naxçıvan və digər ərazilərdə Bakı Soveti və bolşevik-daşnak erməni silahlı dəstələrinin azərbaycanlılara qarşı törətdikləri qırğındır. Bu soyqırım Azərbaycan xalqı və dövlətçiliyinin tarixində baş vermiş faciəli hadisələrə milli yaddaşın təzahürüdür. Azərbaycanlıların kütləvi surətdə qırğını, repressiyalara məruz qalması, doğma yurdlarından sürgün edilməsi və didərgin salınması XX əsr tarixinin ən faciəli və dəhşətli səhifələrindəndir.
Təssüflər olsun ki, bədnam qonşumuz tarix boyu öz destruktiv siyasətindən əl çəkməyərək xalqımıza qarşı hər zaman məkirli, çirkin münasibət bəsləyib. Amma bütün faciələr kimi xalqımızın başına gətrilən bu faciə də tarixin qanlı səhifəsindən silinməyib və silinməyəcək də. Sevindirici hal ondan ibarətdir ki, xalqımız müstəqillik qazandıqdan sonra öz tarixi keçmişinin obyektiv mənzərəsini yaratmağa nail olub. Belə ki, Ulu öndər Heydər Əliyev xalqımızın başına gətrilən bütün faciələr kimi 31 mart soyqırımına da dünyanın güc strukturları, beynəlxalq təşkilatları tərəfindən hüquqi-siyasi qiymət verilməsinə səy göstərmişdir. 1998-ci il martın 26-da Ümummilli lider Heydər Əliyev tərəfindən imzalanmış “Azərbaycanlıların soyqırımı haqqında” Fərman tarixi həqiqətlərin araşdırılması və dəyərləndirilməsi baxımından mühüm sənəddir, hansı ki, bu sənəd 31 mart həqiqətlərinin bütün dünya ictimayyətinin gözü önünə sərilməsi baxımından çox mühüm aktdır.
Ulu öndər Heydər Əliyevin bu yöndə siyasəti məhz Cənab Prezident İlham Əliyev tərəfindən uğurla davam etdirilir. Prezident İlham Əliyevin rəhbərliyi ilə sürətlə inkişaf edən Azərbaycanın müasir dövrdə öz haqq səsinin dünyaya çatdırılmasında bizim kimi təhsilli, elmli gənc nəslin üzərinə çox böyük bir məsuliyyət düşür. Dövlətimizin xüsusi diqqəti, Heydər Əliyev Fondunun və gənclərimizin aktiv fəaliyyəti nəticəsində azərbaycanlıların soyqırımını tanıyan ölkələrin sayı getdikcə artır. Bu bizim uğurumuzdur, bu Azərbaycan xalqının uğurudur, bu cənab İlham Əliyevin ətrafında bir yumruq kimi birləşən Azərbaycan gəncliyinin uğurudur. Mən bir gənc olaraq əminəm ki, törədilən qanlı hadisələrə görə ermənilər tarix qarşısında cavab verməli olacaqlar. Bu günün çox da uzaqda olmadığına bütün Azərbaycan gəncliyi kimi mən də inanıram. Tarix heç zaman unudulmur, həm də yazılır. Erməni vəhşilikləri Azərbaycan tarixinin qanla yazılmış səhifəsi olsa da, güclü Azərbaycan yerləşdiyi bölgədə söz və nüfuz sahibi olmaqla bütün problemlərin öhdəsindən hər zaman uğurla gəlmək iqtidarındadır.
Əli Pənahov
YAP Gənclər Birliyi ofisinin rəhbəri

Paylaş:

Baxılıb: 636 dəfə