Heydər Əliyev
yeni azerbaycan logo

Ana səhifə / Sosial / Dövlət Rəssamlıq Akademiyasında 15 İyun - Milli Qurtuluş Gününə həsr olunmuş tədbir keçirilib

Dövlət Rəssamlıq Akademiyasında 15 İyun - Milli Qurtuluş Gününə həsr olunmuş tədbir keçirilib

15.06.2019 [10:17]

Dünən Dövlət Rəssamlıq Akademiyasında Nərimanov rayon İcra Hakimiyyətinin, Yeni Azərbaycan Partiyası (YAP) Nərimanov rayon təşkilatının və Rəssamlıq Akademiyasının birgə təşkilatçılığı ilə 15 İyun - Milli Qurtuluş Gününə həsr olunmuş tədbir keçirilib.
Tədbirdə Nərimanov rayon İcra Hakimiyyətinin başçısı Abdin Fərzəliyev, YAP Nərimanov rayon təşkilatının sədri Təmraz Tağıyev, Rəssamlıq Akademiyasının rektoru Ömər Eldarov, hüquq-mühafizə orqanlarının rəhbərləri, rayon ictimaiyyətinin nümayəndələri, idarə, müəssisə və təşkilatların rəhbərləri və fəal gənclər iştirak ediblər.
Tədbirdə Nərimanov rayon İcra Hakimiyyətinin başçısı Abdin Fərzəliyev 1993-cü ilin may-iyun aylarında Azərbaycanda yaranmış kəskin ictimai-siyasi vəziyyət və kriminal şəraitin ölkəni iflic vəziyyətə salmasından danışaraq, həmin dövrdə vəziyyətin son dərəcədə təhlükəli xarakter aldığını, ciddi siyasi hakimiyyət böhranının yarandığını, ölkənin fəlakət qarşısında qaldığını bildirib. Qeyd edib ki, həmin dövrdə Ulu Öndər Heydər Əliyev kimi qətiyyətli, dünya miqyasında tanınan və xalqı Öz arxasınca aparmağa qadir olan lider hakimiyyətə gəlməsəydi, hadisələr olduqca təhlükəli və gərgin bir məcrada davam edə bilərdi.
Daha sonra çıxış edən Rəssamlıq Akademiyasının rektoru Ömər Eldarov və YAP Nərimanov təşkilatının sədri Təmraz Tağıyev qeyd ediblər ki, Ümummilli Lider Heydər Əliyevin yenidən siyasi hakimiyyətə tarixi qayıdışının 26-cı ildönümü ölkəmizin hər yerində, habelə respublikamızın hüdudlarından kənarda böyük coşqu və təntənə ilə qeyd edilir.

Paylaş:
Baxılıb: 592 dəfə

Xəbər lenti

Hamısına bax

Siyasət

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31