Qaradağda 26 İyun - Silahlı Qüvvələr Günü münasibətilə tədbir keçirilib

Bakı:

31 °C

51 %

6 m/s

Əlaqə

AZ RU EN

Ana səhifə / Sosial / Qaradağda 26 İyun - Silahlı Qüvvələr Günü münasibətilə tədbir keçirilib

Qaradağda 26 İyun - Silahlı Qüvvələr Günü münasibətilə tədbir keçirilib

26.06.2019 [11:34]

Yeni Azərbaycan Partiyası (YAP) Qaradağ rayon təşkilatı və rayon Gənclər və İdman İdarəsinin təşkilatçılığı ilə rayon ərazisində yerləşən N saylı hərbi hissədə 26 İyun - Silahlı Qüvvələr Günü münasibətilə tədbir keçirilib. Tədbirdə çıxış edən YAP Qaradağ rayon təşkilatının sədri, Milli Məclisin deputatı Aydın Hüseynov Azərbaycan Ordusunun yaranma tarixindən, Ümummilli Lider Heydər Əliyevin Ordumuzun formalaşmasında və gücləndirilməsindəki xidmətlərindən danışıb. Bildirib ki, Azərbaycan Ordusu ötən 101 il müddətində keşməkeşli və şərəfli yol keçib. Millət vəkilinin sözlərinə görə, Azərbaycan Xalq Cümhuriyyəti elan olunandan sonra parlamentin və hökumətin ən çox diqqət yetirdiyi məsələlərdən biri milli ordu quruculuğu olub. Azərbaycan Xalq Cümhuriyyətinin parlamenti tərəfindən milli ordu quruculuğu sahəsində qanunvericilik bazası yaradılıb: “Lakin Xalq Cümhuriyyəti süqut etdikdən sonra ölkəmizdə ordu quruculuğu prosesi dayanıb. Yalnız Ümummilli Lider Heydər Əliyevin 1969-cu ildə birinci dəfə hakimiyyətə gəlişindən sonra ölkəmizdə hərbi kadrların hazırlanması prosesi geniş vüsət alıb. Müdrik rəhbərin cəsarətli addımları sayəsində Bakıda 1971-ci ildə Cəmşid Naxçıvanski adına Hərbi Lisey yaradılıb. Təsadüfi deyildir ki, C.Naxçıvanski adına Hərbi Lisey Azərbaycanın müstəqilliyinin bərpasından sonra ordu quruculuğunda əsas bazalardan birinə çevrilib”.
Qeyd olunub ki, 1993-cü ilin iyununda Ulu Öndərin ölkəmizdə rəhbərliyə qayıdışından sonra ordu quruculuğu sahəsində irimiqyaslı islahatlara start verilib, Azərbaycan Respublikasının nizami, hərtərəfli təchiz olunmuş, peşəkar kadrlardan ibarət silahlı qüvvələri formalaşdırılıb. Aydın Hüseynov deyib ki, hazırda Ulu Öndərin müdrik siyasətinin alternativsiz davamçısı Prezident, Ali Baş Komandan İlham Əliyev həmin islahatları daha da genişləndirib və nəticədə Azərbaycan Ordusu dünyanın ən güclü orduları sırasındadır. Bu gün Azərbaycan Ordusu istənilən vəzifəni icra etməyə qadirdir.
Tədbirdə çıxış edən digər natiqlər də Ordumuzun keçdiyi inkişaf yolundan, Silahlı Qüvvələrin potensialının və gücünün artırılması istiqamətində görülən tədbirlərin uğurlu nəticələrindən danışıblar.
Sonra hərbi xidmətdə fərqlənən bəzi hərbi quluqçular diplom və fəxri fərmanlarla təltif edilib, onlara hədiyyələr verilib.
Tədbir konsert proqramı ilə davam edib.

Paylaş:

Baxılıb: 587 dəfə