YAP Qaradağ rayon təşkilatı Qadınlar Şurasının üzvləri ön xətdə yerləşən "N" saylı hərbi hissədə şəxsi heyətlə görüş keçirib

Bakı:

16 °C

82 %

3 m/s

AZ RU EN

Ana səhifə / Sosial / YAP Qaradağ rayon təşkilatı Qadınlar Şurasının üzvləri ön xətdə yerləşən "N" saylı hərbi hissədə şəxsi heyətlə görüş keçirib

YAP Qaradağ rayon təşkilatı Qadınlar Şurasının üzvləri ön xətdə yerləşən "N" saylı hərbi hissədə şəxsi heyətlə görüş keçirib

27.08.2019 [16:06]

Bu günlərdə Qaradağ rayon İcra Hakimiyyətinin təşkilatçılığı ilə Yeni Azərbaycan Partiyası (YAP) Qaradağ rayon təşkilatı Qadınlar Şurasının üzvləri ön xətdə yerləşən "N" saylı hərbi hissədə şəxsi heyətlə görüş keçirib. YAP Qaradağ rayon təşkilatının Qadınlar Şurasının fəal üzvləri hərbi hissədə yaradılan şəraitlə yaxından tanış olub, xidməti, inzibati binalara, eləcə də əsgər yataqxanaları və yeməkxanalara baş çəkiblər.
Qonaqlar burada əsgərlərin sosial-məişət şəraitinin yaxşılaşdırılması məqsədilə yaradılan şəraitdən, ərzaq, əşya, eləcə də digər təminatların keyfiyyətindən məmnun qaldıqlarını bildirib, dövlət başçısına Azərbaycan Ordusunda xidmət edən övladlarımıza yaradılan şəraitə görə minnətdarlıqlarını ifadə ediblər.
Qeyd olunub ki, ordu quruculuğundakı uğurlar hamımızın gözü önündədir. Azərbaycan Ordusunun gücünün, döyüş əhval-ruhiyyəsinin artırılması, müasir hərbi texnika ilə təchiz olunması, əsgərlərin, hərbi qulluqçuların məişət şəraitinin yüksəldilməsi Silahlı Qüvvələrin Ali Baş Komandanının göstərdiyi diqqət və qayğının məntiqi nəticəsidir. Görüşdə Prezident, Ali Baş Komandan İlham Əliyevin fəaliyyəti sayəsində Azərbaycanın möhtəşəm uğurlara nail olduğu, respublikanın müdafiə qabiliyyətinin durmadan möhkəmləndiyi, hərbi-texniki potensialın gücləndirilməsi ilə Azərbaycan Ordusunun Cənubi Qafqazda ən güclü orduya çevrildiyi diqqətə çatdırılıb: "Bu gün Azərbaycan Ordusunun şəxsi heyətinin mənəvi-psixoloji durumu da yüksək səviyyədədir. Azərbaycanın möhkəm nizam-intizamı, yüksək döyüş ruhu ilə seçilən, düşmənə sarsıdıcı zərbə vurmağa qadir olan bir ordusu var. Ali Baş Komandan İlham Əliyevin apardığı ardıcıl siyasətin, diqqət və qayğısının nəticəsidir ki, Azərbaycan Ordusu dünyanın aparıcı 50 ordusu sırasındadır".
YAP Qaradağ rayon təşkilatı Qadınlar Şurasının sədri Hicran Xəlilova da qeyd edib ki, bu gün Prezident İlham Əliyevin rəhbərliyi altında Azərbaycanda demokratik, hüquqi, dünyəvi dövlət quruculuğu prosesi uğurla davam etdirilir. H.Xəlilova bu sahədə qazanılan nailiyyətlərin qürur hissi doğurduğunu, respublikamızda siyasi-iqtisadi və sosial islahatların mütəmadi olaraq həyata keçirildiyini sözlərinə əlavə edib.
YAP Qaradağ rayon təşkilatının sədr müavini Hicrət Qaradağlı bildirib ki, güclü ordu üçün ən əsas şərtlərdən biri də şəxsi heyətin mənəvi-psixoloji vəziyyətidir: "Ölkəmizdə həyata keçirilən uğurlu sosial-iqtisadi siyasətin nəticəsi olaraq xalqımızın maddi rifahına təsir edən bütün tədbirlər Azərbaycan Ordusunun şəxsi heyətində mənəvi-psixoloji ruh yüksəkliyi yaradıb".
Tədbirdə Qaradağ rayon 106, 288 nömrəli məktəblərin və 8 saylı Bakı Peşə Liseyinin şagirdlərinin əsgərlərə ünvanladığı məktublar şəxsi heyətə çatdırılıb.
Daha sonra xidmətdə fərqlənən bir qrup əsgər və zabit YAP Qaradağ rayon təşkilatı Qadınlar Şurası tərəfindən mükafatlandırılıb, hərbi qulluqçulara hədiyyələr təqdim edilib. Rəsmi hissədən sonra gənc müğənnilər – Aydın Sani, Süleyman Niftəliyev, Zaur Əzimli, Zümrüd Məmmədova və başqalarının ifasında konsert proqramı təqdim olunub.

Paylaş:

Baxılıb: 814 dəfə