UNEC-in Nizamnaməsi və “UNEC-100” İnkişaf Strategiyası kollektivə təqdim olunub

Bakı:

14 °C

88 %

3 m/s

Əlaqə

AZ RU EN

Ana səhifə / Sosial / UNEC-in Nizamnaməsi və “UNEC-100” İnkişaf Strategiyası kollektivə təqdim olunub

UNEC-in Nizamnaməsi və “UNEC-100” İnkişaf Strategiyası kollektivə təqdim olunub

06.09.2019 [08:49]

Azərbaycan Dövlət İqtisad Universitetinin (UNEC) Nizamnaməsi və “UNEC-100” İnkişaf Strategiyasından irəli gələn məsələlərin həlli məqsədilə fakültələrdə görüşlərə start verilib.
UNEC-dən AZƏRTAC-a bildirilib ki, Maliyyə və mühasibat fakültəsinin professor-müəllim heyəti ilə keçirilən görüşdə universitetin inzibati və təşkilatı məsələlər üzrə prorektoru, dosent Şaiq Əsgərov giriş sözü ilə çıxış edib. O, “Publik hüquqi şəxslər haqqında” Azərbaycan Respublikası Qanununa uyğun olaraq, Azərbaycan Respublikası Prezidentinin 2016-cı il 3 fevral tarixli Fərmanın icrasını təmin etmək məqsədilə Nazirlər Kabinetinin müvafiq qərar qəbul etdiyini və 2019-cu il avqustun 22-də “Azərbaycan Dövlət İqtisad Universitetinin (UNEC) Nizamnaməsi”nin təsdiqləndiyini bildirib. Qeyd edib ki, UNEC “Təhsil haqqında” Azərbaycan Respublikası Qanununa uyğun olaraq, müvafiq səviyyələr üzrə ali təhsil, habelə orta ixtisas və əlavə təhsil proqramlarını həyata keçirən, “Elm haqqında” Azərbaycan Respublikası Qanununa əsasən, fundamental, nəzəri-metodoloji, pedaqoji-metodik və tətbiqi elmi tədqiqatlar aparan publik hüquqi şəxsdir. Nizamnaməyə görə, UNEC-in idarə olunmasında dəyişikliklərin əks olunduğunu deyən Şaiq Əsgərov universitetin ali idarəetmə orqanının elmi şura, strateji inkişaf məsələləri üzrə idarəetmə orqanının isə ictimai əsaslarla fəaliyyət göstərən Himayəçilər Şurası olduğunu bildirib.
Tədbirdə Nizamnamədə əks olunan ümumi müddəalar, UNEC-in fəaliyyətinin məqsəd və istiqamətləri, vəzifə və hüquqları barədə professor-müəllim heyətinə məlumat verilib və bu sənəddən irəli gələn məsələlərin yerinə yetirilməsi ilə bağlı kollektiv qarşısında duran vəzifələrdən söz açılıb.
Rektorun müşaviri, dosent Elşən Bağırzadə “UNEC-100” İnkişaf Strategiyası (2019-2030)” barədə təqdimatla çıxış edib. O, elmi şura tərəfindən qəbul edilən İnkişaf Strategiyasında həm ölkə ali təhsil sistemində, həm də dünya ali təhsil bazarında tendensiya və islahatların nəzərə alındığını bildirib. Elşən Bağırzadə UNEC-in missiyası, gələcəyə baxışı və əsas dəyərlərinin yer aldığı strategiyada universitetin SWOT təhlilinin aparıldığını və 2030-cu ilə qədər reallaşdırılması nəzərdə tutulan 7 strateji məqsəd və 31 strateji hədəfin müəyyən olunduğunu qeyd edib. Strategiyada qeyd olunan hədəf və məqsədlərin həyata keçirilməsi üçün konkret fəaliyyət istiqamətlərinin təsbit edildiyini diqqətə çatdıran rektorun müşaviri, strategiyanın uğurlu icrası üçün professor-müəllim heyətinin fəaliyyətinin müəyyən olunan hədəflər istiqamətində qurulmasının vacibliyini vurğulayıb.
Tədbirdə UNEC-in elmi tədqiqat sahəsində yüksək nəticələr əldə etdiyi və bir çox parametrlərə görə ölkədə bu istiqamətdə lider universitet olduğu açıqlanıb. İnkişaf Strategiyasına uyğun görülən tədbirlər nəticəsində UNEC-in 90 yaşında dünyanın ən yaxşı 1000, 100 yaşında isə ən yaxşı 500 universitetindən birinə çevrilməsinin hədəfləndiyi bildirilib.
Sonda mövzu ilə bağlı suallar cavablandırılıb və təkliflər verilib.

Paylaş:

Baxılıb: 621 dəfə