İzmir Ekonomik Universiteti özəl universitetlər arasında dördüncü yeri tutur

Bakı:

14°C

77%

2m/s

Əlaqə

AZ RU EN

Ana səhifə / Sosial / İzmir Ekonomik Universiteti özəl universitetlər arasında dördüncü yeri tutur

İzmir Ekonomik Universiteti özəl universitetlər arasında dördüncü yeri tutur

23.04.2010 [09:53]

Təqaüd proqramları vasitəsilə universitetə tələbə daxil olarsa, o təhsil haqqını ödəməyəcək, üstəlik universitetin yataqxanasında pulsuz qalacaq və ayda 350 türk lirəsi təqaüd alacaq
İzmir Ekonomik Universiteti (İEU) 2001-ci ildə İzmir Ticarət Palatası tərəfindən yaradılıb. Bu gün dünyanın bir çox nüfuzlu universitetlərilə əməkdaşlıq edən İEU yaradıldığı müddətdə 300 tələbə ilə işə başlayıb. Universitet fəaliyyət göstərdiyi zaman kəsiyində ətrafında 7000-dən çox tələbə toplaya bilib. İzmir Ekonomik Universiteti də Bakıda keçirilən təhsil sərgisində öz xidmətlərini təklif edən təhsil ocaqları arasında yer alıb. Məlum olduğu kimi, Türkiyədə bütün özəl universitetlər ödənişlidir. Amma İzmir Ekonomik Universiteti digərlərindən fərqli olaraq tədaüd proqramları ilə ödənişi bir qədər neytrallaşdırmış olur. Belə ki, illik 8200 dollar təhsil haqqını tələbələr bu universitetdə 2 dəfəyə ödəyə bilərlər. Əgər ödənişli təhsil alan tələbə ikinci il yüksək göstəricilər göstərərsə, universitet təhsil haqqının 50 faizini bağışlayacaq. Amma bununla yanaşı, universitetin özünün xüsusi təqaüd proqramları da vardır. Əgər bu təqaüd proqramları vasitəsilə universitetə tələbə daxil olarsa, o təhsil haqqını ödəməyəcək, üstəlik universitetin yataqxanasında pulsuz qalacaq və ayda 350 türk lirəsi təqaüd alacaq. Bu və ya digər xüsusi təhsil proqramları ilə diqqəti cəlb edən İzmir Ekonomik Universitetinin sərgidəki təmsilçiləri-öyrənci işlər müdiri Nərgiz Filiz və Fənn Ədəbiyyat fakültəsinin dekanı, Matematik Bölüm Başkanı prof.dr. İsmihan Bayramoğlu ilə söhbətləşdik.
Universitetin yaranmasından danışan prof.dr. İsmihan Bayramoğlu bildirib ki, İzmir Ekonomik Universiteti özəl universitetlər arasında dördüncü yeri tutur: “Universitetimizin hazırda 5 fakültəsi var. Bunlara iqtisadi və idarəetmə elmləri, kömpüter elmləri, fənn ədəbiyyatları, sənət və dizayn, kommunikasiya fakültələri daxildir. Bu fakültələr daxilində iqtisadi və beynəlxalq əlaqələrdən tutmuş, riyaziyyat, dizayn, “pablik relayşn”, psixologiya, hətta, sosiologiyaya qədər ixtisas sahələri mövcuddur”.
Azərbaycanlı tələbələrin İzmir Ekonomik Universitetində təhsil almaq şanslarından söz açan prof.dr. İsmihan Bayramoğlu vurğulayıb ki, hazırda Azərbaycandan bu universitetdə az tələbə təhsil alır: “Bu sərgidə iştirak etməyimizin əsas səbəbi də məhz, azərbaycanlı tələbələrin bizim universitetdə təhsil almalarına şərait yaratmaqdır. Biz istəyirik ki, İzmir Ekonomik Universitetinə Azərbaycandan daha çox tələbə cəlb edək. Bizim tələbələrimizin 20 faizinə təqaüd verilir. Hətta, xarici ölkələrdən təhsil almaq üçün universitetimizə gələn və yüksək göstəriciləri olan tələbələrə də təqaüd veririk. Belə tələbələrdən biri də məhz, azərbaycanlıdır. O, beynəlxalq iqtisadi əlaqələr fakültəsində oxuyur”.
İzmir Ekonomik Universitetində təhsilin ingilis dilində olduğunu söyləyən prof.dr. İsmihan Bayramoğlu deyib ki, universiteti bitirən tələbələr ingilis dili ilə yanaşı, digər bir xarici dili də bilmiş olurlar: “Yəni, bizim universitetdə tədris prosesi ingilis dilində aparılır. Amma bununla yanaşı, universitet özü tələbələrin daha bir xarici dil bilməsini istəyir və məcburən digər dili də öyrədirik. Bizim universitetdə eyni zamanda, yeni daxil olan tələbələrə ingilis dili kursları da keçirik ki, onlar tədris prosesi zamanı heç bir çətinliklərlə qarşılaşmasınlar”.
Tələbələrin aldığı nəzəri biliklərin təcrübədə tətbiqi məsələsindən danışan prof.dr. İsmihan Bayramoğlu söyləyib ki, bunun üçün universitetdə araşdırma mərkəzləri fəaliyyət göstərir: “Eyni zamanda, İzmir Ekonomik Universitetini yaradan İzmir Ticarət Palatasının bir çox sənaye və xidmət sahələri var ki, tələbələr orada təcrübə keçirlər. Sonradan isə, işləmək bizim universitetin məzunları üçün problem olmur. çünki, onların mənimsədikləri ixtisas üzrə həm nəzəri, həm də praktiki bilikləri olur”.
Sərgidə iştiraklarının məqsədi barədə söz açan Nərgiz Filiz deyib ki, biz burada azərbaycanlı tələbələrə İzmir Ekonomik Universitetinin tədris, təqaüd proqramları haqqında məlumat vermək, öyrəncilərlə üz-üzə görüşmək və onları universitetimizdə təhsil almağa cəlb etmək niyyətindəyik: “Bizim universitetdə baracıqlı tələbələr əsas ixtisasa yiyələndikdən sonra onlar digər ixtisas sahibi olmaqla, iki diplomu birdən almaq şansı qazanırlar. Yəni, bir tələbə psixologiyanı ixtisas olaraq mənimsəyib diplom alırsa, digər tərəfdən sosiologiya elminin də mənimsənilməsi prosesində iştirak edib təhsilə yiyələnirsə o zaman, bu tələbə iki diplom sahibi olur. Doğrudur, ixtisasdan kənar elm sahəsinin öyrənilməsi zamanı dərslərin sayı az olur. Amma bir mütəxəssis kimi, həmin tələbə istədiyi yerdə işləyə bilir. Dünya təcrübəsindən irəli gələrək söyləyirik ki, bu sistem məzunların daha asan iş tapmasına gətirib çıxarır”.
Dünyanın nüfuzlu universitetlərilə qurulan əməkdaşlıqdan danışan Nərgiz Filiz vurğulayıb ki, İzmir Ekonomik Universitetinin dünyanın, xüsusilə də, Avropanın bir çox universitetlərilə əlaqələri var: “Bununla yanaşı, universitetimizin ABŞ-ın Nyu-York Dövlət Universiteti ilə ortaqlıq münasibətləri mövcuddur. Yəni, bizim universitetin tələbələri biznes idarəçiliyi, iqtisadiyyat, kompüter mühəndisliyi və “pablik relayşn” ixtisaslarına yiyənlənmək üçün proqrama daxil olarkən, avtomatik olaraq, Nyu-York Dövlət Universitetinin eyni ixtisas üzrə proramının iştirakçısına çevrilirlər. Beləliklə də, həmin tələbə iki ilini bizim universitetdə, iki ilini isə Nyu-York Dövlət Universitetində oxuyur və diplomunu alır”.
Universitetin infrastruktur şəraitindən danışan Nərgiz Filizin sözlərinə görə, universitetin lyuks binası və yataqxanası var: “İzmir Ekonomik Universitetində təhsil almaq üçün tələbələrə hər cür şərait yaradılıb. Hətta, universitetə daxil olmuş hər bir tələbəyə leptop hədiyyə olunur. Texnika ilə işləmək bacarığını artırmaq məqsədilə hər bir tələbənin bir kompüteri olur”.
Xüsusi bir məqamı qeyd edən Nərgiz Filiz bildirib ki, universitetə tələbə qəbulu, başqa ölkələrin dövlət imtahanının nəticələri ilə də aparılır: “Əvvəllər universitetə birbaşa göstərilən istiqamət üzrə tələbələr daxil olurdusa, iki ildən artıqdır ki, bu prosesdə bir müstəqil sistem formalaşdırılıb. Yəni, tələbələr artıq hansı universitetdə oxumaq istədiklərini özləri seçirlər”.
Ramil VƏLİBƏYOV

Paylaş:

Baxılıb: 1402 dəfə