Azərbaycan ilə Yaponiya arasında informasiya sahəsində əlaqələrin daha da genişləndirilməsi məsələləri müzakirə edilib

Bakı:

21 °C

88 %

6 m/s

AZ RU EN

Ana səhifə / Xarici siyasət / Azərbaycan ilə Yaponiya arasında informasiya sahəsində əlaqələrin daha da genişləndirilməsi məsələləri müzakirə edilib

Azərbaycan ilə Yaponiya arasında informasiya sahəsində əlaqələrin daha da genişləndirilməsi məsələləri müzakirə edilib

02.04.2014 [09:18]

Yaponiyanın “WorldInvesters TV” internet televiziyasının prodüseri, tanınmış iqtisadçı ekspert Kazuyasu İşida aprelin 1-də Azərbaycan Dövlət Teleqraf Agentliyində (AzərTAc) olub.
AzərTAc-ın baş direktoru Aslan Aslanov ölkələrimiz və xalqlarımız arasında dostluq əlaqələrindən danışıb, bu münasibətlərin inkişafında kütləvi informasiya vasitələrinin, o cümlədən milli xəbər agentliklərinin rolunu vurğulayıb.
Yaponiyalı qonağa AzərTAc-ın keçdiyi inkişaf yolu, müstəqillik illərində qazandığı uğurlar, dövlət siyasətinin informasiya təminatında agentliyin mövqeyi barədə ətraflı məlumat verilib. AzərTAc ilə Yaponiyanın Kyodo News Agentliyi arasında sıx əlaqələrin olduğunu söyləyən baş direktor, hər iki qurumun nüfuzlu beynəlxalq informasiya təşkilatlarında uğurla əməkdaşlıq etdiyini diqqətə çatdırıb. Beynəlxalq aləmdə çox nüfuzlu iki media qurumunun - Asiya və Sakit Okean Ölkələri İnformasiya Agentlikləri Təşkilatının (OANA) XVI Baş Assambleyasının və Xəbər Agentliklərinin V Dünya Konqresinin 2016-cı ildə eyni vaxtda Bakıda AzərTAc-ın ev sahibliyi ilə keçirilməsi barədə qərarların qəbulunda Kyodo News Agentliyinin dəstəyi xüsusi vurğulanıb. Həmçinin agentliklərimizin uğurlu əməkdaşlığının Yaponiya ilə Azərbaycan arasında informasiya sahəsində işbirliyinin genişləndirilməsi baxımından əhəmiyyəti qeyd edilib.
Azərbaycanın sürətli inkişafının Yaponiyada da böyük maraqla izlənildiyini vurğulayan Kazuyasu İşida bunun ölkəmizin Yaponiyadakı dostları tərəfindən məmnunluqla qarşılandığını bildirib. Qeyd edib ki, Azərbaycanın iştirakçısı və müəllifi olduğu Bakı-Tbilisi-Ceyhan, Bakı-Tbilisi-Ərzurum, TANAP və TAP kimi nəhəng layihələrdə Yaponiya şirkətləri fəal iştirak edir və bu, iki dost ölkə arasındakı münasibətlərin inkişafının bariz nümunəsidir.
Azərbaycan haqqında həqiqətlərin beynəlxalq ictimaiyyətə çatdırılmasının vacibliyini qeyd edən Kazuyasu İşida Yaponiya KİV-ləri, o cümlədən prodüseri olduğu “WorldInvesters TV” internet televiziyası ilə AzərTAc arasında əməkdaşlığın bu baxımdan mühüm rol oynayacağını diqqətə çatdırıb.
Görüşdə dost ölkələrimiz arasında informasiya sahəsində əlaqələrin daha da inkişaf etdirilməsi ilə bağlı fikir mübadiləsi aparılıb.

Paylaş:

Baxılıb: 1905 dəfə