Akademik Zərifə xanım Əliyevanın anadan olmasının 101-ci ildönümü qeyd edilib

Bakı:

27 °C

69 %

4 m/s

Əlaqə

AZ RU EN

Ana səhifə / YAP xəbərləri / Akademik Zərifə xanım Əliyevanın anadan olmasının 101-ci ildönümü qeyd edilib

Akademik Zərifə xanım Əliyevanın anadan olmasının 101-ci ildönümü qeyd edilib

27.04.2024 [13:21]

YAP İmişli rayon təşkilatında görkəmli oftalmoloq-alim, akademik Zərifə xanım Əliyevanın anadan olmasının 101-ci ildönümü ilə əlaqədar “Gözlərə nur bəxş edən insan” adlı tədbir keçirilib. Tədbirdə YAP İmişli rayon təşkilatının sədri Səfa Ağayev, İmişli rayon Ağsaqqallar Şurasının sədri Saleh Səmədov, İmişli rayonu üzrə Təhsil Sektorunun müdiri Kərim Kərimov, “İmişli Mərkəzi Rayon Xəstəxanası” PHŞ-nin baş direktorunun müavini İsrafil Məmmədov, rayonun səhiyyə, təhsil və mədəniyyət sahəsində çalışan işçiləri və partiya fəalları iştirak ediblər.

İlk olaraq Azərbaycan xalqının Ümummilli lideri Heydər Əliyevin, görkəmli oftalmoloq alim, akademik Zərifə xanım Əliyevanın və ölkəmizin ərazi bütövlüyü uğrunda şəhid olmuş vətən övladlarının xatirəsi bir dəqiqəlik sükutla yad edilib.

Sonra akademikin həyat və fəaliyyəti ilə bağlı hazırlanmış “Gözlərə nur bəxş edən insan” videoçarxı nümayiş olunub.

Tədbiri giriş sözü ilə açan YAP İmişli rayon təşkilatının sədri Səfa Ağayev dünya şöhrətli alimin Azərbaycan tibb elminin inkişafındakı fəaliyyətindən və oftalmologiya sahəsində qazandığı nailiyyətlərdən danışıb. Natiq bildirib ki, böyük dövlət xadiminin qızı, Azərbaycanı müstəqilliyə gətirib çıxaran Ulu Öndərin həyat yoldaşı, hər bir azərbaycanlının Prezidenti İlham Əliyevin anası - layiqli övlad, etibarlı həyat yoldaşı, fədakar ana, peşəkar həkim olan Zərifə xanım təkcə gözlərinə işıq verdiyi, nur bəxş etdiyi minlərin, milyonların deyil bütün Azərbaycanın qəlbində, işığında, nurunda əbədi yaşayacaqdır.

İmişli rayonu üzrə Təhsil Sektorunun müdiri Kərim Kərimov çıxışında qeyd edib ki, Zərifə xanım Əliyeva respublikamızda tibb elminin inkişafına mühüm töhfələr verərək oftalmologiyanın aktual problemlərinə dair sanballı tədqiqatları ilə böyük şöhrət qazanıb.

Çıxış edən “İmişli Mərkəzi Rayon Xəstəxanası” PHŞ-nin baş direktorunun müavini İsrafil Məmmədov akademik Zərifə xanım Əliyevanın gənc nəslin təlim-tərbiyəsində yüksək səviyyəli tibb işçilərinin, layiqli Vətən övladlarının hazırlanmasında, həkim-oftalmoloqların ixtisaslarının ilbəil artırılmasında, professional elmi kadrların yetişdirilməsində böyük xidmətlərindən söz açıb.

Digər çıxış edənlər qeyd ediblər ki, Azərbaycanın görkəmli alimi, tibb elmləri doktoru, professor, Əməkdar elm xadimi, akademik Zərifə Əziz qızı Əliyeva böyük xidmətlərinə, çoxillik elmi – tədqiqat işlərinə görə bir sıra orden və medallara layiq görülüb, Azərbaycanın Əməkdar elm xadimi fəxri adını alıb.

Paylaş:

Baxılıb: 589 dəfə