Qarşılıqlı hörmət və dostluq üzərində qurulan Azərbaycan-Slovakiya əməkdaşlığı

Bakı:

22 °C

55 %

3 m/s

Əlaqə

AZ RU EN

Ana səhifə / YAP xəbərləri / Qarşılıqlı hörmət və dostluq üzərində qurulan Azərbaycan-Slovakiya əməkdaşlığı

Qarşılıqlı hörmət və dostluq üzərində qurulan Azərbaycan-Slovakiya əməkdaşlığı

10.05.2024 [11:16]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Avropa və Asiyanın kəsişmə nöqtəsində yerləşən Azərbaycanın Slovakiya Respublikası arasındakı güclü siyasi əlaqələri siyasi dialoqun təzahürüdür. May ayının 7-də Azərbaycan Respublikasının Prezidenti cənab İlham Əliyevin ölkəmizdə rəsmi səfərdə olan Slovakiya Respublikasının Baş naziri Robert Fitso ilə təkbətək və geniş tərkibdə görüşü, Azərbaycan-Slovakiya sənədlərinin, strateji tərəfdaşlıq haqqında Birgə Bəyannamənin imzalanması mərasimi iki ölkə arasında əlaqələrin yüksək səviyyədə olmasından xəbər verir.

Təsadüfi deyil ki, Azərbaycanla Slovakiya arasında ticarət dövriyyəsi 70 milyon avrodan çoxdur. İki ölkə arasında enerji, kənd təsərrüfatı, elektrik stansiyaları, ətraf mühitin qorunması, inşaat, müdafiə və müdafiə sənayesi sahəsində əməkdaşlıq münasibətlərə yeni impuls verir.

Azərbaycan səkkiz ölkəyə - Gürcüstan, Türkiyə, Yunanıstan, Bolqarıstan, İtaliya, Rumıniya, Serbiya və Macarıstana öz təbii qazını ixrac edir. Slovakiya Azərbaycandan qaz idxal edən doqquzuncu ölkə olacaq. Ölkə Prezidenti cənab İlham Əliyev mətbuata bəyanatında bu məsələyə toxunaraq qeyd edib ki, Azərbaycan qazını Slovakiya bazarına da nəql etmək üçün yaxşı imkanlar yaradılmışdır. Avropa İttifaqı ilə Azərbaycan arasında qaz və enerji sahəsində imzalanmış strateji tərəfdaşlıq Bəyannaməsi icra edilir. Azərbaycan öz təbii qazını Avropa məkanına etibarlı yollarla nəql edir. Avropaya təchizat 2021-ci ildəki 8 milyard kubmetrdən bu il 12 milyard kubmetrə qədər qalxacaq. Bu da Azərbaycanın ümumi qaz ixracının 50 faizini təşkil edir. Bizim planlarımızda 2027-ci ilin sonuna qədər təkcə Avropa İttifaqı məkanına 20 milyard kubmetr qazın nəql edilməsi məsələsi dayanmışdır və mən hesab edirəm ki, biz buna nail olacağıq. Azərbaycanda qaz hasilatı artır, yeni yataqlar kəşf olunur və o yataqlarda istismar artıq başlamışdır. Eyni zamanda bizim genişmiqyaslı "yaşıl gündəliy"imiz də icra edilir və bir çox bərpaolunan külək və günəş enerjisi stansiyalarının inşa olunması bizə qaza qənaət etmək imkanı yaradacaqdır və təbii ki, bu qazın əsas istiqaməti və əsas ünvanı Avropa olacaqdır.

İki ölkənin müxtəlif sahələrdəki yeni əməkdaşlıq imkanlarını yüksək dəyərləndirən Prezident cənab İlham Əliyev bildirib ki, əməkdaşlığımızın bir əlamətdar istiqaməti də azad edilmiş torpaqlarda Slovakiya şirkətinin fəaliyyətidir. Ağdamın Qərvənd kəndinin yenidən qurulması Slovakiya şirkəti tərəfindən icra ediləcək. Bu da təbii ki, həm böyük rəmzi məna daşıyır, çünki əlaqələrimizin səmimiliyinin dərəcəsini göstərir. Eyni zamanda, işğaldan azad edilmiş torpaqlarda ən müasir standartlara cavab verən “Ağıllı şəhər”, “Ağıllı kənd” konsepsiyası əsasında slovakiyalı mütəxəssislər tərəfindən görüləcək işlər, əlbəttə ki, oraya qayıdacaq insanları sevindirəcək.

İmkan düşən kimi böyük məmnuniyyətlə Qarabağa səfər etməyi istəyən Slovakiyanın Baş naziri Robert Fitso öz növbəsində Prezident İlham Əliyevə bildirib ki, Qarabağdakı təşəbbüsümüzü dəstəklədiyinizə görə Sizə təşəkkür edirəm. Bu, "ağıllı kənd" layihəsidir. Bu, çox maraqlı bir layihədir. etmək istərdim və ümid edirəm ki, Siz də tez bir zamanda bizə - Slovakiyaya səfər edəcəksiniz. Orada biz bu irəliləyişlə bağlı müzakirələr apara bilərik. Eyni zamanda biz kiçik hava limanının inşası ilə də maraqlanırıq və enerji sahəsində əməkdaşlıq da bizə maraqlıdır.

Slovakiyanın Baş naziri Robert Fitsonun Azərbaycana səfəri, iki ölkə arasında yeni sənədlərin imzalanması bir daha göstərdi ki, iki ölkə arasında tərəfdaşlıq qarşılıqlı hörmət və dostluq üzərində qurulub.

Paylaş:

Baxılıb: 583 dəfə