Davamlı inkişaf edən əlaqələr

Bakı:

24 °C

88 %

2 m/s

Əlaqə

AZ RU EN

Ana səhifə / YAP xəbərləri / Davamlı inkişaf edən əlaqələr

Davamlı inkişaf edən əlaqələr

13.05.2024 [13:10]

Mayın 8-də Bolqarıstan Respublikasının Prezidenti Rumen Radevin Azərbaycan Respublikasına rəsmi səfər etmiş, səfər çərçivəsində Dövlət başçılarının əvvəlcə təkbətək, sonra geniş tərkibdə görüşləri baş tutmuş, iki ölkə arasında bir neçə önəmli sənədlər imzalanmışdır.

Prezidenti İlham Əliyev mətbuata bəyanatlarla çıxışında Bolqarıstan və Azərbaycanın 2015-ci ildən strateji tərəfdaş olduğunu, bu illər ərzində iki ölkə arasında əlaqələrin sürətlə və uğurla inkişaf etdiyini bildirib.

Ölkə başçısı son vaxtlar Bolqarıstan və Azərbaycan arasında ticarət dövriyyəsinin bir neçə dəfə artdığını diqqətə çatdıraraq, bunun əsas səbəbinin enerji sektorundakı əməkdaşlıq olduğunu vurğulayıb. “Azərbaycan qazının Bolqarıstana ixracı artmaqdadır”- deyən Prezident İlham Əliyev keçən il 1 milyard 250 milyon kubmetr Azərbaycan qazının Bolqarıstan bazarına nəql edildiyini, 2022-ci ildə bu rəqəm cəmi 600 milyon kubmetr olduğunu bildirib. Dövlət başçısı əlavə edib ki, bu ilin sonuna qədər 1,5 milyard kubmetr Azərbaycan qazı Bolqarıstana ixrac ediləcəkdir ki, bu da Bolqarıstanın qaz istehlakının təqribən 50 faizini təşkil edir.

Bolqarıstanın qaz nəqli istiqamətində önəmli tranzit ölkəyə çevrildiyini söyləyən ölkə başçısı hazırda Azərbaycan qazının Bolqarıstan ərazisindən digər qonşu ölkələrə ixrac edildiyinivə gələcəkdə bu ölkələrin sayının daha da artacağını , bütün bunların isə çox güclü ikitərəfli əlaqələrin məntiqi nəticəsi olduğunu bildirib.

Prezident İlham Əliyev gələcəkdə həyata keçirilməsi planlaşdırılan layihələrdən bəhs edib. Dövlətimizin başçısı Azərbaycanın tərəfdaş ölkələrlə, o cümlədən Bolqarıstanla yaşıl enerji sahəsində çox fəal iş apardığını, ölkəmizin Avropa məkanı üçün təkcə neft-qaz təchizatçısı kimi deyil, eyni zamanda, yaşıl enerji təchizatçısı kimi özünü göstərəcəyini diqqətə çatdırıb.

Prezident İlham Əliyev çıxışında digər önəmli istiqamət olan nəqliyyatla bağlı məsələyə də toxunub. Ölkəmizin sərmayəsi sayəsində bir neçə gün bundan əvvəl Bakı-Tbilisi-Qars dəmir yolunun modernləşdirilməsinın tam başa çatdığını və onun ötürmə qabiliyyətinın bir neçə dəfə artırdığını bildirib. Ölkə başçısı qeyd edib ki, bu layihə Orta Dəhlizin önəmli seqmenti kimi təbii ki, mühüm rol oynayacaq. Həm Şərq-Qərb istiqaməti və həm də əks istiqamət üzrə daha böyük həcmdə yüklərin daşınması bizim münasibətlərimizi daha da gücləndirəcək.

Sahib Şükürov

YAP Göyçay rayon təşkilatının sədri

Paylaş:

Baxılıb: 682 dəfə