Heydər Əliyev
yeni azerbaycan logo

Ana səhifə / YAP xəbərləri / Sabunçu rayonunda Ulu öndər Heydər Əliyevin anım günü münasibətilə tədbir keçirilib

Sabunçu rayonunda Ulu öndər Heydər Əliyevin anım günü münasibətilə tədbir keçirilib

13.12.2012 [01:49]

Sabunçu rayon İcra Hakimiyyəti və YAP Sabunçu rayon təşkilatının təşkilatçılığı ilə Ulu öndər Heydər Əliyevin anım günü münasibətilə tədbir keçirilib.
Tədbir iştirakçıları öncə Ulu öndər Heydər Əliyevin xatirəsini bir dəqiqəlik sükutla yad ediblər.
Sonra Ulu öndərə həsr olunmuş video filmi izləyiblər.
Tədbiri giriş sözü ilə açan Sabunçu rayon İcra Hakimiyyətinin başçısı Adil Vəliyev bildirib ki, Azərbaycanı XX yüzilliyin sonlarında düşdüyü xaos və anarxiyadan çıxaran, ölkədə ictimai-siyasi sabitliyi təmin edən Ümummilli lider Heydər Əliyev zəngin dövlət idarəçiliyi ənənəsi formalaşdırıb: “Bütün ömrünü dövlətinin, xalqının rifahı, intibahı üçün həsr edən, bu yolda canını belə əsirgəməyən böyük şəxsiyyət Azərbaycanın ən çətin və mürəkkəb dövrlərində hakimiyyətə gələrək dövlətini xilas etmiş, millətinin gələcəyini təmin etmişdir. Ulu öndər öz titanik fəaliyyəti, xalqımıza, dövlətimizə bəxş etdiyi azadlıqlarla əsil xilaskarlıq nümayiş etdirmişdir. Hakimiyyətinin hər iki dövründə xalqa xidmət, vətənə sədaqət Ulu öndər Heydər Əliyevin fəaliyyətinin əsasında dayanıb”.
YAP Sabunçu rayon təşkilatının sədri Mehriban Abasquluyeva bildirib ki, müasir Azərbaycan dövlətçiliyinin, yeni milli ideologiyanın yaradıcı olan Ümümmilli lider Heydər Əliyev “Bizim vətəndaşlıq borcumuz milli-mənəvi dəyərlərimizə, doğma torpağımıza, doğma ana dilimizə, dinimizə, böyük və zəngin tariximizə, millətimizə sadiq olmaqdan ibarətdir” - deyərək milli dəyərlərimizə, düşüncə və ideologiyamıza yeni çalarlar qatıb: “Ümummilli lider Heydər Əliyev tərəfindən əsası qoyulmuş və bu gün Prezident İlham Əliyevin uğurla davam etdirdiyi inkişaf strategiyası öz bəhrələrini verməkdədir. Göründüyü kimi Azərbaycanın stabil, dinamik və sürətli iqtisadi inkişafı onu bütün göstəricilərinə görə regionun lider dövlətinə çevirmişdir”.
Milli Təhlükəsizlik Nazirliyinin Sabunçu rayon idarəsinin rəisi Faiq Nuriyev qeyd edib ki, “Azərbaycanın xoşbəxt gələcəyi vardır” - söyləyən Ümümmilli lider Heydər Əliyevin bu arzusu Onun siyasi və iqtisadi kursunu uğurla və inamla davam etdirən Prezident İlham Əliyevin rəhbərliyi altında reallığa çevrilməkdədir: “Azərbaycanın getdikcə artan iqtisadi nüfuzu və gücü onun beynəlxalq aləmdəki mövqeyini ildən-ilə gücləndirir, əlaqələrini daha da genişləndirir”.
Çıxış edənlər onu da bildiriblər ki, Azərbaycanın bugünkü bütün nailiyyətləri məhz Heydər Əliyevin sayəsində mümkün olub. Əsası Heydər Əliyev tərəfindən qoyulmuş dövlət siyasəti bu gün Azərbaycan Prezidenti İlham Əliyev tərəfindən uğurla davam etdirilir. Bu uğurların əsasını qoymuş Ulu öndər Heydər Əliyevin adı isə qədirbilən Azərbaycan xalqının qəlbində daim yaşayacaq.

Paylaş:
Baxılıb: 1428 dəfə

Xəbər lenti

Hamısına bax

Xəbər lenti

YAP xəbərləri

MEDİA

Siyasət

Gündəm

İqtisadiyyat

MEDİA

44 günün dastanı...

08 Noyabr 09:34

Analitik

Siyasət

Ədəbiyyat

ZƏFƏR NƏĞMƏLƏRİ

08 Noyabr 08:28

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30