Məhsuldar çoxtərəfli əməkdaşlıq formatı

Bakı:

29 °C

48 %

4 m/s

Əlaqə

AZ RU EN

Ana səhifə / YAP xəbərləri / Məhsuldar çoxtərəfli əməkdaşlıq formatı

Məhsuldar çoxtərəfli əməkdaşlıq formatı

15.11.2024 [17:19]

Əlişah Rəcəbov,

YAP Ağdaş rayon təşkilatının sədri

Bakıda COP29-un Liderlər Sammitinin açılış mərasimində çıxışı zamanı Prezident İlham Əliyev ölkəmizin 30 il ərzində Ermənistanın işğalı ilə üzləşdiyini xatırlatdı. Ölkə başçısı bildirdi ki, BMT Təhlükəsizlik Şurasının otuz il kağız üzərində qalan qətnamələrinin tələblərini Azərbaycan öz gücü ilə icra etdi. Ölkəmizin beynəlxalq səviyyədə tanınmış ərazisinin 20 faizinin otuz ilə yaxın Ermənistan tərəfindən işğalına və bir milyona yaxın azərbaycanlının öz əzəli torpaqlarından didərgin düşməsinə baxmayaraq, həyata keçirilən düşünülmüş siyasət nəticəsində Azərbaycan güclü ölkəyə çevrildi. Dörd il öncə Azərbaycan İkinci Qarabağ müharibəsində tarixi Qələbəni qeyd etdi və beləliklə, öz suverenliyini tam bərpa etdi. Bütün bunlar BMT-nin Nizamnaməsinə, beynəlxalq hüquqa, BMT Təhlükəsizlik Şurasının qətnamələrinə uyğun oldu. Həmin qətnamələr otuz il kağız üzərində qaldı. Azərbaycan həmin qətnamələrin tələblərini öz gücü ilə icra etdi, beynəlxalq hüququ və ədaləti bərpa etdi, Ermənistanın işğalına son qoydu.

Prezident İlham Əliyev Liderlər Sammitinin açılış mərasimində Azərbaycan COP29-a ev sahibliyi edən ölkə kimi seçildikdən sonra hədəfə çevrildiyini və bunun qarayaxma kampaniyası olduğunu da vurğuladı. Ölkə başçısı qeyd etdi ki, özünü müstəqil QHT adlandıranların və bəzi siyasətçilərin ölkəmiz haqqında daha çox dezinformasiyanın yayılması üçün sanki bir-biri ilə yarışa giriblər. Ölkəmizdə 250-dən artıq günəşli günün olmasına baxmayaraq, onlar bizi daha çox neft ölkəsi adlandırırdılar. Əfsuslar olsun ki, ikili standartlar, digər ölkələrə dərs vermək adəti və siyasi riyakarlıq bəzi Qərb ölkələrindəki bəzi siyasətçilər, dövlət nəzarətində olan QHT-lər və feyk-xəbər mediası üçün fəaliyyət metoduna çevrilib. Ölkə başçısı COP29-a qarşı boykot kampaniyası həyata keçirmək istəyənlərin diqqətinə çatdırdı ki, 196 ölkədən 72 min iştirakçı qeydiyyata alınıb ki, onların arasında 80 Prezident, Vitse-prezident və Baş nazir var. Bu isə təbii ki, COP29-a qarşı boykot kampaniyası həyata keçirmək istəyənlər üçün qara xəbərdir.

COP29-un Liderlər Sammitinin açılış mərasimində çıxışı zamanı Prezident İlham Əliyev vurğuladı ki, Azərbaycanın başladığı meqalayihələr Avrasiyada enerji və daşımalar yollarını dəyişib. Şimal, Cənub, Qərb və Şərq məhz Azərbaycanın qovuşduğu bir məkandır. Burada enerji, mədəniyyət, o cümlədən daşımalar müxtəlif beynəlxalq iştirakçılar arasında baş tutur. Bu da o deməkdir ki, Azərbaycan məhsuldar çoxtərəfli əməkdaşlıq formatı yaradıb. Ölkə başçısı onu da bəyan etdi ki, COP29-un sədri kimi Azərbaycan çalışacaq ki, inkişaf etmiş və inkişaf edən ölkələr arasında konsensusun tapılmasına töhfə versin və Qlobal Cənubla Qlobal Şimal arasında əlaqələr qurulsun.

Paylaş:

Baxılıb: 602 dəfə