Azərbaycan idman dövləti olaraq tanınır

Bakı:

17 °C

82 %

4 m/s

Əlaqə

AZ RU EN

Ana səhifə / YAP xəbərləri / Azərbaycan idman dövləti olaraq tanınır

Azərbaycan idman dövləti olaraq tanınır

26.12.2024 [16:35]

Sahib Şükürov,

YAP Göyçay rayon təşkilatı

Dövlətimizin başçısı dekabrın 24-də 2024-cü ilin idman yekunlarına həsr olunan mərasimdə çıxış edərək ilk növbədə Azərbaycan idmançılarını bu il əldə edilmiş uğurlar münasibətilə təbrik edib, 2024-cü il də Azərbaycan idmanı üçün uğurlu olduğunu bildirib. Azərbaycan idmançılarının beynəlxalq yarışlarda ölkəmizi ləyaqətlə təmsil etdiklərini, 1700-ə yaxın medal qazandıqlarını diqqətə çatdırıb. Ölkə başçısı qeyd edib ki, Azərbaycan idman dövləti kimi öz gücünü müxtəlif beynəlxalq yarışlarda təsdiqləyir.

Prezident İlham Əliyev çıxışında Azərbaycan idmançılarının beynəlxalq yarışlarda əldə etdikləri uğurlardan bəhs edərək ilin ən böyük yarışı Yay Olimpiya Oyunlarında tarixi nəticə əldə etdiklərini, komanda hesabında Azərbaycan 30- cu yerdə qərarlaşmışdığını və bunun ən yüksək nəticə , çox böyük nailiyyət olduğunu bildirib. Dövlət başçısı həmçinin 60 müsəlman ölkəsi arasında Azərbaycanın üçüncü yerdə qərarlaşmasının da böyük və tarixi nailiyyət olduğunu qeyd edib.

“Gənc nəslin yetişdirilməsi, vətənpərvərlik hisslərinin gənc nəslə aşılanması üçün idman amili çox böyük məna daşıyır”- deyən ölkə başçısı Yay Olimpiya Oyunlarında Azərbaycanın müzəffər ölkə kimi, qalib ölkə kimi, idmançılarımızın isə müzəffər xalqın nümayəndələri kimi iştirak etdiklərini vurğulayıb.

Prezident İlham Əliyev nitqində gələcək fəaliyyətin idmanın inkişafı ilə bağlı olacağını, bütün lazımi qərarların verildiyini, bütün müvafiq strukturların, federasiyaların, klubların, idman cəmiyyətlərinin, Olimpiya Komitəsinin, nazirliyin vahid strategiya əsasında fəaliyyət göstərdiklərini, Federasiyalarda gücləndirmə işləri aparıldığını diqqətə çatdırıb. Bütün bunların həm ənənəvi medal gətirən idman növlərində, həm də bu günə qədər o qədər də inkişaf etməyən idman növlərində növbəti irəliləyiş olacağına ümidvar olduğunu vurğulayıb.

Ölkə başçısı bildirib ki, azad edilmiş ərazilərdə infrastruktur layihələri ilə yanaşı, keçmiş köçkünlərin yaşayışı üçün inşa edilən evlərlə yanaşı, idman infrastrukturu da yaradılır. “Ağdam şəhərində yeni, bütün beynəlxalq standartlara cavab verən stadion inşa edilir”- deyən prezident İlham Əliyev Füzuli şəhərində Olimpiya İdman Kompleksinin təməlinin qoyulduğunu, Suqovuşan və Köndələnçay su anbarlarında artıq beynəlxalq avarçəkmə, Şuşa şəhərində bir neçə idman yarışının keçirildiyini bildirib. Dövlət başçısı həmçinin əlavə edib ki, Azərbaycan büdcəsi hesabına hələ keçən əsrin 50-ci illərində inşa edilmiş Xankəndi şəhərindəki stadion, əsaslı şəkildə təmir edilir, demək olar ki, yenidən qurulur. Bu stadion da bütün beynəlxalq standartlara cavab verəcək.

Prezident İlham Əliyev çıxışında bildirib ki, gələn il Azərbaycan növbəti böyük idman yarışına, Üçüncü MDB Oyunlarına ev sahibliyi edəcək. Bunun üçün 14 şəhərin seçildiyini və əsas oyunların Gəncə şəhərində keçiriləcəyini, Gəncə şəhərinin MDB Oyunlarının mərkəzi olacağını vurğulayıb. Gəncədə yeni stadion inşa edildiyini diqqətə çatdıran ölkə başçısı stadionun Oyunlara qədər istismara veriləcəyini qeyd edib. Cənab Prezident Gəncədə bir neçə ay bundan əvvəl ölkəmizin ən böyük Olimpiya İdman Kompleksinin açılışının olduğunu da bildirib.

Dövlət başçısı idamana və idmançılara göstərilən diqqət və qayğıdan da bəhs ediərək, hər ilin əvvəlində ənənəvi olaraq idmançılarımızın dövlət təltifləri və mənzillərlə təltif edildiklərini, bu prosesin artıq 27 ildir ki, davam etdiyini xatırladıb.

Paylaş:

Baxılıb: 430 dəfə