Böyük imkanlar, geniş hədəflər

Bakı:

27 °C

61 %

8 m/s

Əlaqə

AZ RU EN

Ana səhifə / YAP xəbərləri / Böyük imkanlar, geniş hədəflər

Böyük imkanlar, geniş hədəflər

03.02.2025 [17:20]

Ulu Öndər Heydər Əliyevin siyasi kursu Prezident İlham Əliyev tərəfindən layiqincə davam etdirilir. Dövlət başçısının həyata keçirdiyi balanslaşdırılmış daxili və xarici siyasət Azərbaycan Respublikasının milli təhlükəsizlik maraqlarının qorunmasına və ölkəmizin demokratik inkişafına xidmət edir.

Azərbaycan bütün sahələrdə, o cümlədən nəqliyyat sektorunda mütərəqqi islahatlar dövrünə qədəm qoyub. “Biz bütün imkanlarımızdan istifadə edərək nəqliyyat sektorunu daha sürətlə inkişaf etdirəcəyik”, - deyən cənab İlham Əliyevin rəhbərliyi ilə bu sahədə müxtəlif istiqamətləri əhatə edən çoxsaylı proqramlar uğurla həyata keçirilib.

Yanvarın 28-də nəqliyyat məsələlərinə həsr olunmuş müşavirə bir sıra mühüm məqamlarla yadda qaldı. Dövlət başçısı müşavirədəki çıxışında bildirib ki, biz nəqliyyat məsələlərini həmişə diqqət mərkəzində saxlamışıq və son 15 il ərzində Bakı şəhərində bir çox böyük layihələr icra edildi, yeni metro stansiyaları istifadəyə verildi, yol qovşaqları, tunellər, körpülər inşa edildi, yeni yollar salındı. Əgər biz bu işləri görməsəydik, bu gün, ümumiyyətlə, Bakı şəhərində nəqliyyat iflic vəziyyətinə düşərdi.

Bütün ölkə üzrə son illər ərzində bir çox nəqliyyat layihələri icra edilmişdir. İllər keçdikcə indi əvvəlki vəziyyət yaddan çıxır. Ancaq əgər biz 20 il əvvələ nəzər salsaq görərik ki, o vaxt bizim yollarımız nə vəziyyətdə idi. Hətta Bakı şəhərinin əsas yolları faktiki olaraq heç bir standarta uyğun gəlmirdi.

Azərbaycan beynəlxalq nəqliyyat dəhlizlərinin qovşağında yerləşir. Adətən nəqliyyat mərkəzləri statusuna malik olan ölkələrin açıq dənizlərə çıxışı var. Bizim isə dünya okeanlarına çıxışımız yoxdur. Amma buna baxmayaraq, görülən işlər nəticəsində Azərbaycan əvəzolunmaz nəqliyyat mərkəzlərinin birinə çevrilib. İşlər davam edir, həm Şimal-Cənub, həm Şərq-Qərb nəqliyyat dəhlizləri üzrə indi əlavə tədbirlər görülür. Çünki vaxtilə hesablanmış yüklərin həcmi artıq onu göstərir ki, daha böyük həcmdə yüklər keçəcək. Bu, müxtəlif səbəblərə bağlı olan məsələdir.

Müşavirədə Azərbaycanın əsas hissəsi ilə onun ayrılmaz hissəsi olan Naxçıvan Muxtar Respublikası arasında nəqliyyat bağlantısının vacibliyindən söz açan Prezident İlham Əliyev Ermənistanın qeyri-real layihələrinin davamı olaraq son günlərdə “Sülh kəsişməsi” layihəsini ortaya atdığını qeyd edib.

Nəqliyyat məsələləri ilə bağlı müşavirə şəhər və regionlar arasında əlaqələrin gücləndirilməsi, sərnişin və yük daşımalarının optimallaşdırılması üçün mühüm bir addım olmuşdur. Bu cür tədbirlər nəqliyyat infrastrukturunun müasir standartlara uyğun inkişafını və effektiv idarə edilməsini təmin edəcəkdir. Yeni texnologiyaların tətbiqi və innovativ yanaşmalar sayəsində tıxacların azaldılması və nəqliyyatın daha təhlükəsiz olması mümkündür. İctimai nəqliyyatın təkmilləşdirilməsi və yeni nəqliyyat modellərinin tətbiqi əhalinin rahatlığını artıracaq, sərnişinlərin vaxt itkisinin qarşısını alacaqdır. Eyni zamanda, bu yanaşmalar şəhər iqtisadiyyatını canlandıracaq və daha dayanıqlı nəqliyyat sisteminin formalaşmasına şərait yaradacaqdır. Nəqliyyat sahəsində həyata keçirilən islahatlar gələcəkdə Bakı və digər şəhərlərin inkişafına böyük töhfə verəcəkdir.

Fidan Hüseynova,

YAP Quba rayon təşkilatının sədri

Paylaş:

Baxılıb: 637 dəfə