İkitərəfli münasibətlər tarixində ilk

Bakı:

25 °C

65 %

2 m/s

Əlaqə

AZ RU EN

Ana səhifə / YAP xəbərləri / İkitərəfli münasibətlər tarixində ilk

İkitərəfli münasibətlər tarixində ilk

17.02.2025 [17:22]

Əlişah Rəcəbov,

YAP Ağdaş rayon təşkilatının sədri

Somali Federativ Respublikasının Prezidenti Hasan Şeyx Mahmudun ölkəmizə rəsmi səfəri ilə əlaqədar prezidentlərin mətbuata bəyanatları zamanı Prezident İlham Əliyev qeyd etdi ki, səfər ölkələrimiz arasında ikitərəfli münasibətlərin tarixində ilkdir. Somali Federativ Respublikasının Prezidentinin səfəri ölkələrimiz arasında sıx dostluq münasibətlərində yeni səhifə açacaq. Ölkələrimiz arasında imzalanmış sənədlər ikitərəfli əlaqələri bir çox sahələrdə inkişaf etdirməkdə hüquqi əsas olacaq və münasibətləri daha yüksək səviyyəyə qaldıracaq.

Mətbuata bəyanatında Prezident İlham Əliyev qeyd etdi ki, ölkələrimizin ərazi bütövlüyünə və suverenliyinə qarşılıqlı dəstəyimizi, eləcə də terrorçuluğa və ekstremizmə qarşı mübarizədə ortaq mövqeyimizi bir daha vurğuladıq. Əlbəttə, hər bir ölkə üçün siyasi sabitlik inkişafı təmin edən ilkin şərtdir.

Prezident İlham Əliyev vurğuladı ki, Somali Federativ Respublikası və ölkəmiz arasında münasibətlərin inkişafında müzakirə edilən ən vacib məsələlərdən biri təhsil sahəsidir. Artıq bu sahədə ilkin nailiyyətlər var. Somalidən bir sıra tələbə Azərbaycanda Heydər Əliyev adına təqaüd əsasında təhsil alır. Əldə edilmiş razılaşmaya əsasən Somalidən olan tələbələrin Azərbaycan universitetlərində müasir təhsil proqramlarına çıxış əldə etmək imkanı olacaq və belə fürsət Somalinin iqtisadi inkişafına fayda verəcək.

Prezident İlham Əliyev mətbuata bəyanatında həmçinin bildirdi ki, müdafiə əməkdaşlığımızın mühüm sahələrindən biridir. Ölkəmiz müdafiə avadanlığının əksər hissəsini istehsal edərək, güclü müdafiə sənayesi potensialını yaradıb. Həmin avadanlıq həm ölkəmizə lazımdır, həm də müasir müdafiə avadanlığına malik olan 10-a yaxın ölkənin mühüm ixracatçısına çevrilmək imkanıdır. Müdafiə sahəsində əməkdaşlıq, təlimlər və potensial qaydada müdafiə avadanlığının birgə istehsalı, Azərbaycandan Somaliyə onun təchizatı iki ölkə arasında əməkdaşlığın mühüm sahələrindən biri olacaq.

Mətbuata bəyanatında Prezident İlham Əliyev dövlət xidmətləri sahəsində işbirliyinin əhəmiyyətini də vurğuladı. Somali Federativ Respublikasının Prezidenti Hasan Şeyx Mahmudun ölkəmizə rəsmi səfəri zamanı imzalanmış razılaşmalardan biri məhz bu sahəni əhatə edir. Ölkəmizdə artıq uğurla işləyən ASAN dövlət xidmətləri sistemi bir çox beynəlxalq mükafatlara layiq görülüb. Ölkə başçısı diqqətə çatdırdı ki, ASAN dövlət xidmətləri sisteminə ən mühüm mükafat Azərbaycan xalqının verdiyi qiymətdir. Çünki Azərbaycanda ASAN xidmətlərin bəyənilmə reytinqi 100 faizə yaxındır. Bu da onu göstərir ki, həmin xidmət insanların həyatını daha da asanlaşdırır. Ölkəmiz Somali Federativ Respublikasında oxşar sistemi qura bilər.

Paylaş:

Baxılıb: 462 dəfə