Qazaxda Ümummilli Lider Heydər Əliyevin anadan olmasının 102-ci ildönümü münasibətilə silsilə tədbirlər davam edir

Bakı:

26 °C

54 %

3 m/s

AZ RU EN

Ana səhifə / YAP xəbərləri / Qazaxda Ümummilli Lider Heydər Əliyevin anadan olmasının 102-ci ildönümü münasibətilə silsilə tədbirlər davam edir

Qazaxda Ümummilli Lider Heydər Əliyevin anadan olmasının 102-ci ildönümü münasibətilə silsilə tədbirlər davam edir

05.05.2025 [18:06]

05 may 2025-ci il tarixdə Yeni Azərbaycan Partiyası Qazax rayon təşkilatı Qazax Dövlət Sosial İqtisadi Kolleci və Daş Salahlı 2 saylı tam orta məktəb ərazi partiya təşkilatlarında 2025-ci il “Konstitusiya və Suverenlik İli” çərçivəsində Ümummilli Lider Heydər Əliyevin anadan olmasının 102 - ci ildönümü münasibətilə “Heydər Əliyev Konstitusiyası müstəqil, suveren, qüdrətli Azərbaycanın dinamik inkişafını təmin edən siyasi, hüquqi sənəddir!” mövzusunda tədbirlər keçirildi.

Azərbaycan Respublikasının Dövlət Himni səsləndirildikdən sonra Ümummilli Lider Heydər Əliyevin və müqəddəs şəhidlərin əziz xatirəsi bir dəqiqəlik sükutla yad edildi.

Tədbirlərin əvvəlində Ümummilli Lider Heydər Əliyevə həsr edilmiş film nümayiş etdirildi.

YAP Qazax rayon təşkilatının sədri Anar Nəbiyev tədbirləri açaraq iştirakçıları salamladı, Möhtərəm Prezidentimizin 28 dekabr 2024-cü il tarixli Sərəncamı ilə 2025-ci ilin “Konstitusiya və Suverenlik İli” elan edildiyini və 10 may 2025- ci il tarixdə Ümummilli Lider Heydər Əliyevin anadan olmasının 102 - ci ildönümünün qeyd olunacağını diqqətə çatdırdı. Rayon təşkilatının sədri keçirilən bu silsilə tədbirlərin mahiyyətindən, əhəmiyyətindən, xalqımızın milli sərvəti sayılan ərazi bütövlüyümüzün, suverenliyimizin bərpa olunmasından, bütün ölkə ərazisində konstitusiya quruluşumuzun bərqərar edilməsindən, Möhtərəm Prezidentimiz İlham Əliyev cənablarının rəhbərliyi altında qazanılan misilsiz qələbə sayəsində Dövlət Bayrağımızın bu gün bütün ərazilərimizdə əzəmətlə dalğalanmasından ətraflı bəhs etdi.

Tədbirlərdə ərazi partiya təşkilatının sədrləri Vüqar Əyyubov, Rəna Bayramova, sədr müavini Elvira Əfəndiyeva, partiya fəallarından Mətanət Kazımova, Turxan Əliyev, Akif İbrahimov, Maya Pirməmmədova, Könül Qasımova çıxış edərək bildirdilər ki, müdrik xalqımız bu il müəllifi Ulu Öndər Heydər Əliyev olan Milli Konstitusiyamızın qəbul edilməsinin 30 illiyini və Vətən müharibəsində qazanılan Möhtəşəm Zəfərin 5 illiyini, Ümummilli Lider Heydər Əliyevin anadan olmasının 102 - ci ildönümünü təntənə ilə qeyd edəcəkdir. Natiqlər Ulu Öndər Heydər Əliyevin şərəfli və mənalı ömür yolundan, onun misilsiz xidmətlərindən, Möhtərəm Prezidentimiz tərəfindən imzalanan Sərəncamın mühüm tarixi əhəmiyyətindən, qazanılan uğurlardan, əldə olunan nailiyyətlərdən, qarşıda duran mühüm vəzifələrdən ətraflı danışdılar. Onlar Ümummilli Lider Heydər Əliyevin siyasi kursunun bu gün uğurla davam etdirildiyini və müstəqil, suveren Azərbaycanın beynəlxalq aləmdə söz, nüfuz sahibi olduğunu və hazırda ölkəmizin yeni bir inkişaf dövrünü yaşadığını xüsusi vurğuladılar.

Tədbirdə tələbə və şagirdlər Ulu Öndər Heydər Əliyevə həsr olunmuş şeirlər səsləndirdilər və müxtəlif ədəbi - bədii kompozisiya ilə çıxlş etdilər.

Tədbirin sonunda rayonun ictimai- siyasi həyatında fərqlənən ən fəal partiya üzvləri YAP Qazax rayon təşkilatının Fəxri Fərmanı ilə təltif olundu, partiya sıralarına yeni qəbul olunmuş üzvlərə partiya üzvlük vəsiqəsi təqdim edildi.

Paylaş:

Baxılıb: 449 dəfə