“Ulu öndər Heydər Əliyev müasir müstəqil Azərbaycanın banisidir ” adlı tədbir keçirilib

Bakı:

26 °C

50 %

5 m/s

Əlaqə

AZ RU EN

Ana səhifə / YAP xəbərləri / “Ulu öndər Heydər Əliyev müasir müstəqil Azərbaycanın banisidir ” adlı tədbir keçirilib

“Ulu öndər Heydər Əliyev müasir müstəqil Azərbaycanın banisidir ” adlı tədbir keçirilib

08.05.2025 [15:54]

Yeni Azərbaycan Partiyası Nəsimi rayon təşkilatının, Nəsimi Rayon İcra Hakimiyyətinin, rayon Ağsaqqallar Şurasının və Bakı şəhəri üzrə Təhsil İdarəsinin təşkilatçılığı ilə Ümummilli lider Heydər Əliyevin anadan olmasının 102 illiyi münasibətilə “Ulu öndər Heydər Əliyev müasir müstəqil Azərbaycanın banisidir” adlı tədbir keçirilib.

Tədbirdə YAP Nəsimi rayon təşkilatının rəhbərliyi və Nəsimi rayon İcra Hakimiyyətinin, YAP Veteranlar Şurasının üzvü, professor Dilarə Seyidzadə, Nəsimi rayon Ağsaqqallar Şurasının sədri, professor Vaqif Şadlinski, Bakı şəhəri üzrə Təhsil İdarəsinin məsul əməkdaşları, rayon ictimaiyyətinin nümayəndələri və gənclər iştirak edib.

Əvvəlcə tədbir iştirakçıları şagirdlərin əl işlərindən ibarət sərgiyə baxış keçiriblər.

Azərbaycan Respublikasının Dövlət Himni səsləndirildikdən sonra Ulu Öndər Heydər Əliyevin və torpalarımızın bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edildi.
Ulu öndər Heydər Əliyevin həyat və fəaliyyətini əks etdirən videoçarx nümayiş olundu.

Nəsimi rayon Ağsaqallar Şurasının sədri, professor Vaqif Şadlinski Ümummilli Lider Heydər Əliyevin zəngin siyasi irsi və dövlət idarəçiliyi təcrübəsindən danışaraq müdrik rəhbərin mədəniyyət sahəsinin inkişafına xüsusi əhəmiyyət verdiyini bildirdi. Natiq Azərbaycanın müstəqilliyinin bərpasından sonra qarşılaşdığı çətinliklərdən, ölkədə cərəyan edən xaos və anarxiyadan danışaraq vurğuladı ki, belə bir böhranlı və ağır şəraitdə ölkəmizi fəlakətə sürükləyən məkrli planların qarşısını almağa qadir yeganə şəxsiyyət məhz xalqın inam və etimad bəslədiyi Ulu Öndər Heydər Əliyev idi. Bu gün hər bir azərbaycanlı Heydər Əliyev ideyalarından danışarkən Yeni Azərbaycan Partiyasının bilavasitə Ulu Öndər tərəfindən yazılmış məramnaməsinə dönə-dönə nəzər salmalı, orada Ümummilli Liderin qurmaq, görmək istədiyi yeni Azərbaycanın mənzərəsini gözümüz önündə canlandırmalıdır.

YAP Veteranlar Şurasının üzvü, professor Dilarə Seyidzadə Ulu öndərin fəaliyyətindən geniş danışaraq bildirdi ki, Ümummilli lider Heydər Əliyev əbədiyyətə qovuşmasına baxmayaraq, onun ideyaları yaşayır və Azərbaycanın işıqlı gələcəyinə xidmət edir. Azərbaycan xalqı Heydər Əliyev şəxsiyyətini həmişə uca tutaraq, əbədiyaşar liderimizin Vətən uğrunda həyata keçirdiyi tarixi missiyanı yüksək qiymətləndirir. Ulu öndər Heydər Əliyevin əsasını qoyduğu ideyalar bu gün onun layiqli davamçısı Azərbaycan Prezidenti İlham Əliyev tərəfindən qətiyyətlə həyata keçirilir. Ümummilli Liderin siyasi kursuna sadiq qalan Prezident İlham Əliyevin yürütdüyü uğurlu siyasət təkcə Azərbaycanın deyil, bölgə ölkələrinin də rifahına və inkişafına mühüm töhfə verib.

Tədbirdə gəncləri maraqlandıran suallar cavablandırılmış, daha sonra konsert proqramında ifa olunan Ulu Öndərin xatirəsinə həsr edilmiş mahnılar və musiqi kompozisiyaları tədbir iştirakçıları tərəfindən böyük coşqu ilə qarşılanıb.

Sonda “Heydər Əliyev və Azərbaycan tarixi” mövzusunda keçirilən referat-yazı müsabiqəsinin rayon qaliblərinə və onların elmi rəhbərlərinə Nəsimi rayon İvra Hakimiyyəti tərəfindən diplomlar və hədiyyələr təqdim olunub.

Paylaş:

Baxılıb: 609 dəfə