Siyəzən rayonunun Yuxarı Ələz kəndində seçicilərlə görüş keçirilib

Bakı:

13 °C

94 %

6 m/s

Əlaqə

AZ RU EN

Ana səhifə / YAP xəbərləri / Siyəzən rayonunun Yuxarı Ələz kəndində seçicilərlə görüş keçirilib

Siyəzən rayonunun Yuxarı Ələz kəndində seçicilərlə görüş keçirilib

19.09.2013 [10:14]

Görüşdə bir daha vurğulanıb ki, 9 oktyabrda Prezident İlham Əliyevin növbəti dəfə qələbə qazanacağı şübhə doğurmur
Yeni Azərbaycan Partiyasının (YAP) prezidentliyə namizədi İlham Əliyevin təbliğat-təşviqat kampaniyası uğurla davam etdirilir. Bu məqsədlə Azərbaycanın bütün rayonlarında seçicilərlə ardıcıl görüşlər keçirilir. Siyəzən rayonunda da təşviqat kampaniyasına start veriləndən əvvəlcədən müəyyən olunan qrafik üzrə görüşlərə başlanılıb. Növbəti belə görüş Yuxarı Ələz kəndində keçirilib. Tədbiri giriş sözü ilə açan YAP Siyəzən rayon təşkilatının sədri Etibar Heydərov bildirib ki, Ulu öndər Heydər Əliyevin yaratdığı müstəqil Azərbaycan dövlətini Prezident İlham Əliyev ötən 10 ildə əhəmiyyətli dərəcədə inkişaf etdirib: “Azərbaycan iqtisadi cəhətdən dünyanın ən dinamik inkişaf edən ölkəsi imicini qazanıb. Ölkəmizin sürətli inkişafı, iqtisadiyyatın yüksəlişi, həyatımızın digər sahələrində baş verən dəyişikliklər Prezident İlham Əliyevin həyata keçirdiyi siyasətlə bağlıdır. Məmnunluq hissi ilə qeyd etmək lazımdır ki, bir neçə ildir Azərbaycan davamlı olaraq bu imicini qoruyub saxlayır. Bu inkişaf Heydər Əliyev ideyalarından qaynaqlanır, Heydər Əliyev ideyaları əsasında həyata keçirilən siyasətin uğurları hesab olunur. On ilə yaxındır ki, Heydər Əliyev siyasəti cənab İlham Əliyevin rəhbərliyi altında davam etdirilir. Bu illər ərzində əsası Ulu öndər Heydər Əliyev tərəfindən qoyulmuş islahatların gerçəkləşməsi nəticəsində böyük inkişaf, tərəqqi əldə olunub. Əlbəttə ki, gələcəkdə bizi daha da böyük uğurlar gözləyir. Buna görə də hər bir seçici Yeni Azərbaycan Partiyasının namizədi, cənab İlham Əliyevə səs verməlidir”.
Daha sonra çıxış edən millət vəkili Tahir Süleymanov qeyd edib ki, Prezident İlham Əliyev həyata keçirdiyi mükəmməl islahatlar konsepsiyasının müəllifi kimi iqtisadi inkişafın Azərbaycan modelini yaradıb: “Azərbaycan tamamilə yeni inkişaf erasına daxil olub, özünün mükəmməl iqtisadi modelini tətbiq etməklə davamlı və pozitiv artım meyilləri əldə edib. Bu gün Azərbaycan iqtisadiyyatı dünyada dinamik inkişaf edən iqtisadiyyatlardan biridir və son beş il ərzində ÜDM-in artım tempinə görə MDB-də liderlik edir. Ölkəmizdə gedən inkişafı hiss etməmək mümkün deyil. Ümidvarıq ki, bu inkişaf siyəzənliləri daha da ruhlandıracaq və onlar öz doğru seçimlərini seçki məntəqələrində həyata keçirəcəklər”.
Tədbirdə çıxış edən “Səs” qəzetinin baş redaktoru Bəhruz Quliyev qeyd edib ki, Azərbaycan Prezidenti İlham Əliyevin fəaliyyəti ölkənin daha sürətlə inkişaf etməsinə, tərəqqisinə, müasirləşməsinə, ictimai həyatın yeniləşməsinə, demokratiyanın və vətəndaş cəmiyyətinin daha da möhkəmlənməsinə yönəlib: “Azərbaycanın qazandığı uğurların kökündə hər sahə üzrə düşünülmüş proqramların olması dayanır. Siyasi sabitlik və iqtisadi potensial Azərbaycan iqtisadiyyatını böhrana qarşı dayanıqlı edib, ölkəmizi ən yaxşı inkişaf perspektivlərinə malik dövlətlərdən birinə çevirib. Əsası Ulu öndər Heydər Əliyev tərəfindən qoyulan neft strategiyasının uğurla davam etdirilməsi, milli iqtisadiyyatın müxtəlif sferalarına yönələn sərmayələrin qeyri-neft sektoruna, regionların inkişafına yönəldilməsi iqtisadi siyasətin əsas prioritetləri kimi diqqəti cəlb edir. Bölgələrimizdə iqtisadi fəallıq nəzərəçarpacaq dərəcədə yüksəlib, infrastuktur təkmilləşdirilib, sosial sima müasirləşib. Regionlarda mövcud iqtisadi potensialdan səmərəli istifadə olunur, yol şəbəkələrinin bərpası və təkmilləşdirilməsi işləri uğurla reallaşdırılır. Azərbaycanda aparılan köklü islahatları, infrastruktur layihələrini, müasirləşməni ən ucqar kəndlərimizin timsalında, insanların yaşayış tərzindən tutmuş dünyaya baxışında, məişətində də aydın görmək olur. Həm abadlıq-quruculuq sahəsində, həm də sənayeləşmə, kənd təsərrüfatının, emal sənayesinin inkişafı istiqamətində ildən-ilə çox mühüm addımlar atılır. Bu gün bu kənddə bir daha bunun şahidi olduq. Hər kəs yəqin ki, bu uğurun davamını istəyir. Ona görə də sabitliyə və inkişafa səs verməliyik”.
Tədbirdə çıxış edən müəllimə Rəsmiyyə Mürsəliyeva bildirib ki, təhsil sahəsinə ötən müddət ərzində böyük qayğı göstərilib: “Biz siyəzənlilər Azərbaycan Prezidenti İlham Əliyevi dəstəkləyirik və öz gələcəyimizə səs veririk”.
Təqaüdçü Məmmədsəfa Niftəliyev isə qeyd edib ki, Azərbaycan bu gün ciddi mənada inkişaf edir: “Buna görə mən bir təqaüdçü kimi cənab Prezidentə təşəkkür edirəm. Mən və ailəm cənab İlham Əliyevə səs verəcəyik. Biz Prezidentimizə inanırıq”.
Oktay

Paylaş:

Baxılıb: 1352 dəfə