Abşeronlu gənclər oktyabrın 9-da cənab İlham Əliyevə səs verəcəklərini bəyan ediblər

Bakı:

25 °C

65 %

12 m/s

Əlaqə

AZ RU EN

Ana səhifə / YAP xəbərləri / Abşeronlu gənclər oktyabrın 9-da cənab İlham Əliyevə səs verəcəklərini bəyan ediblər

Abşeronlu gənclər oktyabrın 9-da cənab İlham Əliyevə səs verəcəklərini bəyan ediblər

19.09.2013 [10:19]

Bakı Dövlət İqtisadiyyat və Humanitar kollecinin fəal gənc partiya üzvləri ilə görüş keçirilib
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin Abşeron rayon Seçki Qərargahının sədri Bilman Vəliyev Bakı Dövlət İqtisadiyyat və Humanitar kollecinin fəal gənc partiya üzvləri ilə görüş keçirib.
Görüşdə çıxış edən YAP Abşeron rayon təşkilatının sədri Bilman Vəliyev deyib ki, Azərbaycan daha bir tarixi proses ərəfəsindədir: “Məlum olduğu kimi, oktyabrın 9-da ölkəmizdə növbəti prezident seçkiləri keçiriləcək. O, da kimsəyə sirr deyil ki, Azərbaycanı dünya ölkələri sırasında birincilər zirvəsinə qaldıran, qəsəbələrimizi, kəndlərimizi, rayonlarımızı, şəhərlərimizi abadlaşdıran və gözəlləşdirən, yollarımızı işıqlandıran Prezident İlham Əliyevə xalqın dəstəyi çox yüksəkdir. Azərbaycanın bütün şəhər və rayonlarının, eləcə də, Abşeron rayonunun seçiciləri də Prezident İlham Əliyevi dəstəkləyir”.
Rayon təşkilatının sədri deyib ki, bu gün Azərbaycandakı iqtisadi inkişaf dünyanın heç bir ölkəsində görünməyib: “Azərbaycanın şəhərlərinə, rayonlarına, qəsəbələrinə, kəndlərinə baxın! Bu ərazilərdə bu gün sürətli inkişaf müşahidə edilməkdədir. Azərbaycanın bütün bölgələrində aparılan abadlıq, quruculuq işləri-tikilən körpülər, salınan yollar, açılan yeni iş yerləri məhz Prezident İlham Əliyevin gərgin fəaliyyətinin məhsuludur. Azərbaycanı işıqlı gələcəyə doğru aparan Prezident İlham Əliyev Azərbaycan xalqının alternativsiz lideridir. Çünki bu gün Azərbaycanın elə bir nöqtəsi yoxdur ki, orada müasir tipli təhsil ocağı, müasir səhiyyə və Olimpiya mərkəzləri, qaz, su, elektrik enerjisi və s. olmasın. Prezident İlham Əliyevin imzaladığı sərəncamlar və fərmanlar əsasında Azərbaycan sürətlə inkişaf edir”.
Sonra çıxış edən ərazi ilk partiya təşkilatının sədri İslam Əliyev Prezident İlham Əliyevin 10 illik fəaliyyəti dövründə həyata keçirdiyi işlərdən danışıb: “Reallaşdırılan məqsədyönlü planlar və layihələr əsasında Azərbaycan günü-gündən abadlaşır və gözəlləşir. Qeyd etmək istəyirəm ki, aparılan abadlıq, quruculuq işləri Azərbaycan xalqına Prezident İlham Əliyev tərəfindən göstərilən diqqət və qayğının nəticəsidir. Prezident İlham Əliyevin qısa müddət ərzində həyata keçirdiyi siyasət Azərbaycanın dünya ölkələri sırasında önəmli yer tutmasına səbəb olub. Bununla yanaşı, dövlət başçısının xalqa olan diqqətini Onun şəhər, rayon, kənd sakinləri olan ziyalılara fəxri adların verilməsi haqqında Sərəncamı da sübut edir”.
Görüşdə çıxış edən gənclər oktyabrın 9-da cənab İlham Əliyevə səs verəcəklərini bəyan ediblər.
Zahid İLHAMOĞLU

Paylaş:

Baxılıb: 1315 dəfə