20 sentyabr Neftçilər günü münasibətilə Ərazi Partiya Təşkilatında tədbir keçirilib

Bakı:

15°C

82%

4m/s

Əlaqə

AZ RU EN

Ana səhifə / YAP xəbərləri / 20 sentyabr Neftçilər günü münasibətilə Ərazi Partiya Təşkilatında tədbir keçirilib

20 sentyabr Neftçilər günü münasibətilə Ərazi Partiya Təşkilatında tədbir keçirilib

18.09.2025 [15:58]

20 sentyabr Neftçilər günü münasibətilə Yavər Əliyev küçəsi 4 (SOCAR-ın Geologiya və Geofizika İdarəsi) Ərazi Partiya Təşkilatında tədbir keçirilib.

Əvvəlcə Ulu Öndər Heydər Əliyevin abidəsi önünə gül dəstələri qoyulub, xatirəsi dərin ehtiramla yad edilib.

Tədbirdə Azərbaycan Respublikasının Dövlət Himni səsləndirilib, Ümummilli Lider Heydər Əliyevin və ölkəmizin azadlığı və ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan SOCAR üzrə Ərazi Partiya Təşkilatının sədri Ağəli Hüseynov ilk öncə 20 sentyabr Neftçilər günü münasibətilə peşə sahiblərini təbrik edərək onlara uğurlar arzu edib. Ağəli Hüseynov bildirib ki, respublikamızın regionun ən qüdrətli dövlətlərindən birinə çevrilməsində Azərbaycan neftçilərinin böyük əməyi, müstəsna xidmətləri olub. 1994-cü il sentyabrın 20-i xalqımızın Ümummilli Lideri Heydər Əliyevin rəhbərliyi ilə hazırlanmış və bütün dünyada "Əsrin müqaviləsi" adı ilə tanınmış neft kontraktları imzalandı. Bu kontraktlar müstəqil Azərbaycanın dinamik inkişafının əsasını qoydu. Məhz bu tarixi addımla müstəqilliyini bir daha sübut edən Azərbaycan öz sərvətlərinə tam sahib olduğunu bütün dünyaya nümayiş etdirdi.

YAP Sabunçu rayon Təşkilatının Sədri Araz Xudadanov çıxış edərək bildirib ki, Azərbaycanın müasir tarixinin ən möhtəşəm hadisələrinin sırasında 1994-cü ilin 20 sentyabrında imazalanmış “Əsrin müqaviləsi”nin xüsusi yeri var: “Müasir tariximizin ən önəmli hadisələrini sadalamalı olsaq, onların sırasında Ümummilli Lider Heydər Əliyevin 1993-cü ildə möhtəşəm qayıdışını və bu qayıdışın bilavasitə nəticəsi kimi qiymətləndirilməli olan bu neft sazişinin imzalanmasını qeyd etmək yerinə düşər. Çünki Ulu Öndər Heydər Əliyev hakimiyyətə qayıtmamışdan əvvəl də neft sazişi imzalamaq cəhdləri olmuşdu, amma bu cəhdlər nəticə verməmişdi. Çünki ölkəmizdə ictimai-siyasi sabitlik yox idi, Azərbaycan müharibə vəziyyətində idi, həmçinin ölkəmizin zəngin karbohidrogen ehtiyatlarının işlənilməsi ilə bağlı kənardan təhdid və təzyiqlər də var idi”-deyən, Araz Xudadanov, Azərbaycanın çətin zamanlarında Ümummilli Lider Heydər Əliyev bu müqavilənin imzalanmasına nail oldu. Dünyanın nüfuzlu dövlətləri, nəhəng şirkətləri ölkəmizə cəlb olundu. Bu sazişin imzalanması Azərbaycan iqtisadiyyatının inkişafının əsasını qoydu.

YAP Nərimanov rayon Təşkilatının sədri Elçin Quliyev qeyd edib ki, Ulu Öndər Heydər Əliyevin neft strategiyası bu gün cənab prezident İlham Əliyev tərəfindən uğurla davam etdirilir. Qeyd olunub ki, Ulu Öndərin rəhbərliyi ilə yaranmış Yeni Azərbaycan Partiyasının ötən illər ərzində dövlətçiliyimizin möhkəmlənməsində, Azərbaycan cəmiyyətinin inkişafında və yeniləşməsində müstəsna xidmətləri olub. Bu gün ölkə Prezidenti, Yeni Azərbaycan Partiyasının sədri cənab İlham Əliyevin rəhbərliyi ilə Azərbaycan dinamik inkişaf edir.

Mili Məclisin deputatı, “İki Sahil” qəzetinin baş redaktoru Vüqar Rəhimzadə bildirib ki, Ulu Öndər Heydər Əliyevin fərmanı əsasında 1999-cu ildə Azərbaycan Respublikasının Dövlət Neft Fondu yaradıldı. Bu Fond neft gəlirlərindən səmərəli istifadəni təmin etməklə toplanan vəsaiti Azərbaycanın hərtərəfli inkişafına xidmət edən mühüm sosial-iqtisadi layihələrin uğurlu icrasına yönəldir. Dövlət başçısı İlham Əliyevin qeyd etdiyi kimi, neftçilər hər zaman Azərbaycanda böyük hörmətə layiq insanlar olub. Bu gün də belədir və neftçilərin əməyi əsl qəhrəmanlıqdır. Neftçi peşəsi həm hörmətli, eyni zamanda, riskli, təhlükəli peşədir. Neftçilərin ölkəmizin uğurlu inkişafında çox böyük rolu vardır. Prezident İlham Əliyev bu əminliyi də ifadə edir ki, bu gün ölkə iqtisadiyyatının əsas hissəsi neft-qaz sektoru ilə bağlıdır və bu, bundan sonra uzun illər belə olacaq.

Çıxış edən partiya üzvləri – Əziz Mahmudov, Dadaş Həsənov, Zaur Axundov Yeni Azərbaycan Partiyasının müstəqillik tariximizin ən ağır və keşməkeşli mərhələsinin sınaqlarından keçərək özünü doğrultmasından, ictimai-siyasi mühitdə hakim partiya kimi qalaraq ölkəmizin bütün sahələrinin inkişafına töhfə verəsindən bəhs ediblər.

Çıxışlardan sonra Ərazi Partiya Təşkilatına yeni sədr və sədr müavininin seçilməsi məsələsinə baxılıb. Təşkilatın sədrliyinə Ziya Rəhimovun, sədr müavinliyinə isə Heydər Kazımovun namizədliyi irəli sürülüb. Səsvermə nəticəsində ərazi partiya təşkilatının sədri Ziya Rəhimov, sədr müavini isə Heydər Kazımov seçiliblər. Ərazi Partiya Təşkilatının seçilmiş yeni sədr və sədr müavini göstərilən etimadı doğrultmağa çalışacaqlarını qeyd ediblər.

Tədbirin sonunda bir qrup neftçiyə diplom və xatirə hədiyyələri təqdim olunub.

Paylaş:

Baxılıb: 193 dəfə