YAP Kəlbəcər rayon təşkilatında “Müasir tariximizin ən yeni səhifəsi

Bakı:

27 °C

54 %

6 m/s

AZ RU EN

Ana səhifə / YAP xəbərləri / YAP Kəlbəcər rayon təşkilatında “Müasir tariximizin ən yeni səhifəsi - 27 Sentyabr” adlı tədbir keçirilib

YAP Kəlbəcər rayon təşkilatında “Müasir tariximizin ən yeni səhifəsi - 27 Sentyabr” adlı tədbir keçirilib

26.09.2025 [17:27]

YAP Kəlbəcər rayon təşkilatı 26 sentyabr 2025–ci il tarixində 27 Sentyabr – Anım Günü ilə əlaqədar “Müasir tariximizin ən yeni səhifəsi - 27 Sentyabr” adlı tədbir keçirilib.

Tədbirdə YAP Kəlbəcər rayon təşkilatının sədri Həbib Misirov, Kəlbəcər rayon İcra hakimiyyətinin məsul əməkdaşı Murov Həsənov, Kəlbəcər rayon Ağsaqqalar şurasının sədri Aqil Məmmədov, idarə-müəsissə rəhbərləri, Şəhid ailələri, qazilər, Qarabağ müharibəsi iştirakçıları, veteranlar, rayon ictimaiyyətinin nümayəndələri və partiya fəalları iştirak ediblər.

Əvvəlcə Ulu Öndər Heydər Əliyevin və ərazi bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad olunub. Çıxış edənlər YAP Kəlbəcər rayon təşkilatının sədri Həbib Misirov, Kəlbəcər rayon İcra hakimiyyətinin məsul əməkdaşı Murov Həsənov, Kəlbəcər rayon Ağsaqqalar Şurasının sədri Aqil Məmmədov, Vətən müharibəsi qəhrəmanı şəhid Anar Əliyevin atası Kəlbəcər rayon Ağsaqqalar Şurasının üzvü Vaqif Əliyev, rayon Həmkarlar Komitəsinin sədri Əli Bağırov, rayon SMSİİ-nin rəisi Azər Xankişiyev, DSMF Şərqi Zəngəzur Regional filialın müdiri Amil Salmanov,Kəlbəcər rayon Günəşli kənd mədəniyyət evinin bədii rəhbəri Elburus Hüseynov və 1-ci Qarabağ müharibəsinin veteranı Əziz Abbasov bildiriblər ki, Prezident, Müzəffər Ali Baş Komandan İlham Əliyevin rəhbərliyi ilə 2020-ci ilin 27 sentyabrında başlanan Vətən müharibəsi Azərbaycan xalqının milli iradəsinin, birliyinin və dövlətçilik əzminin parlaq təcəssümü olub. 44 gün davam edən müharibə nəticəsində torpaqlarımız işğaldan azad edilib, tarixi ədalət və beynəlxalq hüququn tələbləri bərpa olunub. Məhz biz bundan sonra tarixi yurd yerimizə sahib olduq. Prezident İlham Əliyev iki əsrlik tariximizdə Vətəni bütövləşdirən lider kimi qəhrəmanlıq səhifəsi yaradaraq fenomen kimi ilkə imza atdı. 44 günlük münaqişə dövründə düşmənlə ideoloji, diplomatik, hərbi savaşlardan qalib ayrılaraq ümumxalq sevgisi qazandı və mütləq qəhrəman oldu. Çünki Azərbaycan 44 günlük Vətən müharibəsində möhtəşəm Zəfər qazanmaqla şanlı tarix yazdı. Bundan sonrakı mərhələdə isə cəmi birgünlük antiterror tədbirləri nəticəsində ölkəmizin suverenliyi tam təmin edildi, sərhədlərimiz bütövləşdi. Bu tarixi uğurlar dünya durduqca Azərbaycan xalqının əbədi qürur mənbəyi olacaq.

Natiqlər qeyd ediblər ki, 27 Sentyabr – Anım Günü xalqımızın qəhrəman övladlarının xatirəsinə ehtiramın ifadəsi olmaqla yanaşı, həm də gələcək nəsillərə vətənpərvərlik nümunəsi kimi əhəmiyyət daşıyır. Qəhrəman şəhidlərimizin qanı bahasına əldə olunan tarixi Qələbə Azərbaycanın dövlətçilik salnaməsində əbədi yaşayacaq.

Paylaş:

Baxılıb: 384 dəfə