YAP Tərtər rayon təşkilatında yeni işə qəbul olmuş gənc müəllimlərlə görüş keçirilib

Bakı:

19°C

72%

7m/s

Əlaqə

AZ RU EN

Ana səhifə / YAP xəbərləri / YAP Tərtər rayon təşkilatında yeni işə qəbul olmuş gənc müəllimlərlə görüş keçirilib

YAP Tərtər rayon təşkilatında yeni işə qəbul olmuş gənc müəllimlərlə görüş keçirilib

30.09.2025 [16:44]

30 sentyabr 2025-ci il tarixdə YAP Tərtər rayon təşkilatının inzibati binasında Müəllimlərin İşə Qəbul üzrə test imtahanı mərhələsində uğurla keçmiş Tərtər rayonu üzrə yeni işə qəbul olmuş müəllimlərlə görüş keçirilib.

Görüşdə YAP Tərtər rayon təşkilatının sədri Eldar Əsədov , rayon təşkilatının əməkdaşları və müəllimlər iştirak edib.

Əvvəlcə Yeni Azərbaycan Partiyasının yaradıcısı Ümummilli Lider Heydər Əliyevin və torpaqlarımızın suverenliyi uğrunda canlarından keçmiş şəhidlərin ruhu bir dəqiqəlik sükutla yad edilib.

Tədbiri giriş sözü ilə açan YAP Tərtər rayon təşkilatının sədri Eldar Əsədov müəllimləri qazandıqları uğur münasibəti ilə təbrik edib, Azərbaycan müəlliminin keçdiyi uzun və şərəfli yoldan danışıb. Bildirib ki, Ulu Öndər Heydər Əliyevin Azərbaycan tarixində və dövlətçiliyin inkişafında misilsiz xidmətləri olmuşdur. Ümummilli Liderin çoxşaxəli fəaliyyətində təhsil xüsusi yer almışdır. Ulu Öndərin təhsil siyasəti dərin milli mənafelər üzərindən qurularaq ölkəmizin davamlı və dayanıqlı inkişafına xidmət etmişdir. Qeyd edildi ki, Prezident cənab İlham Əliyevin uğurlu təhsil siyasətinin mühüm şərtlərindən biri bu siyasətin əsasında Ulu Öndər Heydər Əliyevin təhsil strategiyasının dayanmasıdır.

E.Əsədov bildirdi ki, əsası Ulu Öndər Heydər Əliyev tərəfindən qoyulmuş Azərbaycan təhsilinin uğurlu inkişafı müasir qlobal çağırışlar, dinamik elmi və elmi-texnoloji inkişaf fonunda Prezident cənab İlham Əliyevin rəhbərliyi altında bundan sonra da dövlətimizin, iqtisadiyyatımızın və cəmiyyətimizin uğurlu gələcəyi naminə sürətlə davam edəcək.

Tədbir zamanı çıxış edən müəllimlər Prezident İlham Əliyev və Birinci vitse-prezident Mehriban Əliyeva tərəfindən təhsilə göstərilən diqqət və qayğının nəticəsi olaraq son illərdə müəllim nüfuzunun, müəllimlərin peşəkarlıq səviyyəsinin yüksəldilməsi, istedadlı insanların müəllim peşəsinə cəlb edilməsi istiqamətində ciddi addımların atıldığını, həyata keçirilən kompleks tədbirlər nəticəsində müəllim nüfuzu və müəllimlik peşəsinə marağın əhəmiyyətli şəkildə artdığını, onlar arasında sağlam rəqabət və motivasiyanın gücləndiyini, təhsilin keyfiyyət göstəricilərinin əhəmiyyətli şəkildə yüksəldiyini qeyd ediblər.

Çıxış edən müəllimlər göstərilən diqqətə görə Prezident İlham Əliyev və Birinci vitse-prezident Mehriban Əliyeva xüsusi minnətdarlıqlarını bildiriblər.

Paylaş:

Baxılıb: 161 dəfə