Yevlax rayonunda təbliğat-təşviqat kampaniyası uğurla davam edir

Bakı:

13 °C

88 %

6 m/s

Əlaqə

AZ RU EN

Ana səhifə / YAP xəbərləri / Yevlax rayonunda təbliğat-təşviqat kampaniyası uğurla davam edir

Yevlax rayonunda təbliğat-təşviqat kampaniyası uğurla davam edir

02.10.2013 [10:14]

Rayonun bütün sakinləri kimi Gülöyşə və Yenicə kəndlərinin seçiciləri də cənab İlham Əliyevə səs verəcəklər
Məlum olduğu kimi, oktyabrın 9-da ölkəmizdə növbəti prezident seçkiləri keçiriləcək və artıq 2 həftədən çoxdur ki, namizədlərin təbliğat-təşviqat kampaniyası davam edir. Beləliklə, YAP-ın prezidentliyə namizədi cənab İlham Əliyevin Yevlax rayonu üzrə seçki qərargahının üzvləri kampaniya çərçivəsində dünən rayonun Gülöyşə və Yenicə kəndlərində seçicilərlə növbəti görüşlərini keçiriblər.
Görüşləri giriş sözü ilə açan YAP Yevlax rayon təşkilatının Aparat rəhbəri Əli Quliyev ölkəmizdə gedən sürətli inkişaf, həmçinin, Prezident İlham Əliyevin daima xalqımıza göstərdiyi yüksək diqqət və qayğı barədə danışıb. O, dövlətçiliyə hər zaman sədaqət nümayiş etdirən Yevlax seçicilərini 9 oktyabrda seçkilərə gəlməyə və xoşbəxt gələcəyimizə, inamlı sabahımıza səs verməyə çağırıb: “Mən inanıram ki, Yevlağın bütün sakinləri kimi Gülöyşə və Yenicə kəndlərinin sakinləri də İlham Əliyev cənablarına olan sevgisini bildirmək üçün səbirsizliklə 9 oktyabr tarixini gözləyirlər”.
Çıxış edən YAP Yevlax rayon təşkilatının sədri, Milli Məclisin deputatı İlham Məmmədov Prezident İlham Əliyevin 10 illik fəaliyyəti dövründə gördüyü işlərdən danışıb. Millət vəkili vurğulayıb ki, cənab İlham Əliyev ötən 10 ildə Azərbaycanı dünyanın ən sürətlə inkişaf edən ölkəsinə çevirib. Regionların sosial-iqtisadi inkişafına dair Dövlət proqramları çərçivəsində Azərbaycanın hər bir rayonu, hətta kəndləri belə, inkişaf etdirilib. Bu gün rayonlarla Bakı şəhəri arasındakı fərq aradan götürülüb. Onların yolları, küçələri, tikililəri Bakı şəhərindəkindən geridə qalmır: “Təbii ki, bu inkişafdan Yevlağa da pay düşüb. Məhz dövlət başçısının diqqət və qayğısı sayəsində Yevlax rayonu son illərdə çox sürətli inkişaf edib”.
O, vurgulayıb ki, bu gün hər bir yevlaxlı gündən-günə gözəlləşən, abadlaşan öz doğma şəhəri ilə fəxr edir: “Bütün bunlara görə, hər bir yevlaxlı seçici bir daha öz minnətdarlığını və məhəbbətini Yeni Azərbaycan Partiyasının namizədi İlham Əliyevə bildirmək üçün 9 oktyabrda böyük fəallıqla seçki məntəqələrinə gələrək, davamlı, sağlam və işıqlı gələcəyə səs verəcəklər”.
Çıxış edən kənd sakinləri Yusif Qurbanov, Rüstəm Ələkbərov və başqaları vurğulayıblar ki, görülən işlər, qazanılan nailiyyətlər göz qabağındadır. Bunu heç kim dana bilməz: “Xalq artıq öz seçimini edib. Sadəcə o xoşbəxt günü gözləyirik ki, növbəti 5 ilimizin uğuruna imza ataq. İlhamlı gələcəyə səs verək!”.

Paylaş:

Baxılıb: 1180 dəfə