“Dünya azərbaycanlılarının sıx birliyi və həmrəyliyi naminə cənab İlham Əliyevə səs verək!”

Bakı:

20°C

60%

5m/s

AZ RU EN

Ana səhifə / YAP xəbərləri / “Dünya azərbaycanlılarının sıx birliyi və həmrəyliyi naminə cənab İlham Əliyevə səs verək!”

“Dünya azərbaycanlılarının sıx birliyi və həmrəyliyi naminə cənab İlham Əliyevə səs verək!”

02.10.2013 [10:18]

YAP tərəfindən namizədliyi irəli sürülən cənab İlham Əliyevin təbliğat – təşviqat kampaniyası Gəncə şəhərində uğurla davam etdirilir
Prezident seçkilərində Yeni Azərbaycan Partiyası (YAP) tərəfindən namizədliyi irəli sürülən cənab İlham Əliyevin YAP Gəncə şəhər təşkilatı tərəfindən təbliğat – təşviqat kampaniyası Gəncənin müxtəlif yaşayış massivlərində, məhəllələrdə, müəyyənləşdirilmiş yerlərdə uğurla davam etdirilir. Növbəti görüş 4-cü mikrorayonda 24 saylı binanın qarşısındakı məhəllədə keçirilib.
Kampaniya çərçivəsində keçirilən növbəti görüşü YAP Gəncə şəhər təşkilatının sədri Naqif Həmzəyev açaraq, dünya azərbaycanlılarının həmrəyliyindən, Azərbaycan həqiqətlərinin dünyaya çatdırılmasından, Azərbaycan Respublikasının uğurlarından, gələcək perspektivlərimizdən bəhs edib: “Prezident cənab İlham Əliyevin hakimiyyətdə olduğu 2003 - 2013 - cü illərdə xarici siyasət konsepsiyasında diaspor quruculuğu işinin daha da təkmilləşdirilməsi, dünya azərbaycanlıları arasında ideya birliyinin möhkəmləndirilməsi, ölkə hüdudlarından kənarda yaşayan soydaşlarımızda milli ruhun yüksəldilməsi, onların vahid ideologiya və məqsədlər ətrafında birləşməsi əsas yer tutdu. Cənab İlham Əliyevin verdiyi göstərişlərə əsasən, dövlət orqanları tərəfindən xaricdə yaşayan soydaşlarımız arasında Azərbaycan dilinin qorunub saxlanılmasına və yeni nəslin bu işə qoşulmasına xüsusi diqqət yetirildi, azərbaycanlıların kompakt halında yaşadığı ərazilərdə ana dilimizin tədris olunduğu məktəblər açıldı və həmin məktəblər dərs vəsaiti ilə təmin olundu.
Görülən bu işlər bir daha təsdiq edir ki, Prezident cənab İlham Əliyevin həm Azərbaycanda, həm də beynəlxalq arenada fəaliyyəti, qazandığı nüfuz və hörmət dünya birliyi, rəsmi dairələr, nüfuzlu sorğu mərkəzləri, media və araşdırma institutları tərəfindən yüksək qiymətləndirilir. Bu diqqət və qayğını yüksək dəyərləndirməklə, ölkə başçısına minnətdarlığımızı bildirməklə 9 oktyabr Prezident seçkiləri günü hamımız bir nəfər kimi seçki məntəqələrinə gələrək, Yeni Azərbaycan Partiyasının namizədi cənab İlham Əliyevə səs verməliyik!”
Çıxış edən təbliğat-təşviqat qrupunun üzvləri və tədbir iştirakçıları bütün gəncəliləri cənab İlham Əliyevə səs verməyə çağırıblar.
Süsən Tağıyeva

Paylaş:

Baxılıb: 1006 dəfə