Ağcabədidə “Zəfər günü” və Dövlət Bayrağı Günü münasibətilə tədbir keçirilib

Bakı:

25 °C

64 %

4 m/s

Əlaqə

AZ RU EN

Ana səhifə / YAP xəbərləri / Ağcabədidə “Zəfər günü” və Dövlət Bayrağı Günü münasibətilə tədbir keçirilib

Ağcabədidə “Zəfər günü” və Dövlət Bayrağı Günü münasibətilə tədbir keçirilib

07.11.2025 [16:09]

Noyabr ayının 6-da YAP Ağcabədi rayon təşkilatında “Konstitusiya və Suverenlik İli” çərçivəsində “Zəfər günü” və Dövlət Bayrağı Günü münasibətilə tədbir keçirmişdir.

Tədbir iştirakçıları əvvəlcə müstəqil və müasir Azərbaycanın banisi, Ümummilli Lider Heydər Əliyevin abidəsi önünə gül dəstələri düzərək onun əziz xatirəsini ehtiramla yad etdilər.

Tədbir YAP Ağcabədi rayon təşkilatının inzibati binasında davam etdirilmişdir.

Tədbirin əvvəlində Azərbaycanın Dövlət Himni səsləndirilmişdir.

Tədbir iştirakçıları Ulu Öndər Heydər Əliyevin və xalqımıza qələbə sevinci yaşadan, dövlət müstəqilliyimiz və ərazi bütövlüyümüz uğrunda canından keçən şəhidlərin əziz xatirəsi 1 dəqiqəlik sükutla yad etdilər.

YAP Ağcabədi rayon təşkilatının sədri Rövşən Əhmədov tədbiri açaraq qeyd etdi ki, noyabrın 8-də erməni işğalçıları üzərində Zəfər Qələbəsinin 5-ci ili tamam olur. Bu münasibətlə YAP Ağcabədi rayon təşkilatı da bir qrup qəhrəman hərbçilərimizi, şəhid ailələrinin üzvlərini, qaziləri, müharibə veteranlarını, ərazi təşkilat sədrlərini dəvət edərək sizlərlə görüşməyi qərara alıb.

Tədbir iştirakçıları Ulu Öndər Heydər Əliyevin və xalqımıza Qələbə sevinci yaşadan, dövlət müstəqilliyimiz və ərazi bütövlüyümüz uğrunda canından keçən şəhidlərin əziz xatirəsi 1 dəqiqəlik sükutla yad etdilər.

Tədbirdə açılış nitqi ilə çıxış edən YAP Ağcabədi rayon təşkilatının sədri Rövşən Əhmədov Qarabağ Zəfərinə aparan yolun və Vətən müharibəsinin, rəşadətli Ordumuzun keçdiyi döyüş yolunun bəzi məqamlarına diqqət şəkdi.

Sədr Rövşən Əhmədov bildirdi ki, xalqımız Prezident cənab İlham Əliyevin qurub yaratmaq əzminin, Vətən müharibəsində olduğu kimi, quruculuq işlərində də sonsuz qətiyyət və əzmkarlığının şahididir. Şanlı Zəfərdən Böyük Qayıdışa doğru inamlı addımlar atılır, doğma Qarabağımıza yenidən həyat qayıdır. Artıq minlərlə ailənin azad edilmiş şəhər və kəndlərə qayıdışı təmin olunub, onlara yeni evlərin açarları təqdim edilib.

Bu gün Ulu Öndərimiz Heydər Əliyevin ruhu şaddır. Çünki onun illər öncə başlatdığı Qarabağ savaşı məntiqi sonluğuna çatıb, şanlı Zəfərlə yekunlaşıb. Azərbaycan xalqı əmindir ki, bu zəfərlərin davamı gələcək, cənab Prezident İlham Əliyevin liderliyi ilə yeni-yeni uğur zirvələri fəth ediləcək.

27 sentyabr 2020-ci ildə çıxdığımız haqq savaşında əldə edilən Böyük Zəfər, 9 noyabra-Dövlət Bayrağı Gününə təsadüf etdi. Bu zəfərlər fonunda Azərbaycan xalqı Dövlət Bayrağı Gününü tamam başqa əhvali-ruhiyyədə, böyük sevinc və qürurla qeyd edir. Yüksəklərdə dalğalanan bayrağımız hər birimizə qürur, müstəqillik və azadlığın dərin hislərini yaşadır.

Tədbirdə Səfərbərlik və Hərbi Xidmətə Çağırış üzrə Dövlət Xidmətinin Ağcabədi rayon şöbəsinin rəisi Vasif Rzayev, 7 saylı məktəbin hərbi rəhbəri, Vətən Müharibəsi veteranı Sədrəddin Əsədov, “N” saylı hərbi hissənin ideoloji iş və mənəvi-psixoloji təminat bölməsi rəisinin köməkçisi İsmayıl Əhmədzadə və Qaradolaq məktəbinin müəllimi, şair-publisist Mübariz Əliyev çıxış edərək, qazanılan Böyük Zəfər barədə öz təəssüratlarını bölüşdülər.

YAP Ağcabədi rayon təşkilatı tərəfindən rayonun ictimai-siyasi həyatında fərqlənən bir qrup şəhid ailəsi, qazi, partiya veteranı və fəallara Fəxri Fərman və hədiyyələr təqdim edildi.

Təltif edilənlər göstərilən diqqət və qayğıya görə minnətdarlıqlarını bildirdilər.

Tədbir Yeni Azərbaycan Partiyasının Himninin səsləndirilməsi ilə başa çatdı.

Sonda tədbir iştirakçıları xatirə şəkili çəkdirdilər.

Tədbir çərçivəsində YAP Ağcabədi rayon təşkilatının kollektivi bir qrup şəhid aliləsini və qazini ziyarət etmiş, ailələrə bayram sovqatı verilmişdir.

Paylaş:

Baxılıb: 395 dəfə