YAP Nəsimi rayon təşkilatında gənclərlə veteranların görüşü təşkil edilib

Bakı:

25 °C

64 %

0 m/s

Əlaqə

AZ RU EN

Ana səhifə / YAP xəbərləri / YAP Nəsimi rayon təşkilatında gənclərlə veteranların görüşü təşkil edilib

YAP Nəsimi rayon təşkilatında gənclərlə veteranların görüşü təşkil edilib

19.11.2025 [12:21]

21 noyabr Yeni Azərbaycan Partiyasının təsis edilməsinin 33-cü il dönümü ərəfəsində YAP Nəsimi rayon təşkilatında gənclərlə veteranların görüşü təşkil edilmişdir. Yerli təşkilat partiya veteranlarını daima diqqət mərkəzində saxlayır, onların qayğıları və problemləri ilə maraqlanır, onlarla mütəmadi görüşlər təşkil edir. Növbəti görüş noyabrın 18-də bir qrup partiya veteranı ilə gənclər arasında keçirilmişdir.

Öncə YAP Nəsimi rayon təşkilatının sədri Azər Süleymanov, YAP Veteranlar Şurasının üzvü, “91-lər”-in üzvü Rafiq Məmmədhəsənov YAP Mərkəzi Aparatının Gender siyasəti və gənclərlə iş şöbəsinin müdiri Zəkiyyə Musayeva, Nəsimi Rayon Ağsaqqallar Şurasının sədri Vaqif Şadlinski və Azərbaycan Dillər Universiteti rektorunun müşaviri-partiya veteranı Ələddin Əliyev, “Kliniki Tibbi Mərkəz” PHŞ-də baş həkimin müavini Məhəbbət Ibrahimova Ulu Öndər Heydər Əliyevin abidəsinin önünə gül dəstələri qoyub, Ulu Öndərə sonsuz ehtiramlarını bildiriblər.

Eyni zamanda, rayon təşkilatının sədri Azər Süleymanov Yeni Azərbaycan Partiyasının sədri, Prezident İlham Əliyev cənablarının xüsusi yanaşması nəticəsində gənc nəslin partiya veteranlarının siyasi təcrübəsindən geniş yararlana bilməsi üçün Yeni Azərbaycan Partiyasında Veteranlar Şurası yaradıldığını qeyd etdi. Yeni Azərbaycan Partiyasının nüfuzunun gündən-günə artdığını bildirib. O, partiyanın Nəsimi rayon təşkilatının rayonun ictimai-siyasi həyatında fəal şəkildə iştirak etdiyini söyləyib.

Daha sonra tədbirdə çıxış edən YAP Veteranlar Şurasının üzvü, “91-lər”-in üzvü Rafiq Məmmədhəsənov partiyanın qurucular dövründəki nailiyyətlərini xatırladaraq, gənclərə səmimiyyət və məsuliyyət prinsipləri üzərində siyasi fəaliyyət aparmağı tövsiyə etdi.

YAP Mərkəzi Aparatının Gender siyasəti və gənclərlə iş şöbəsinin müdiri Zəkiyyə Musayeva qeyd etdi ki, partiyanın qadın və gənclər sahəsində həyata keçirdiyi layihələr Azərbaycanın sosial harmoniyasını gücləndirir.

Nəsimi Rayon Ağsaqqallar Şurasının sədri Vaqif Şadlinski isə veteranların təcrübəsinin gənc nəsl üçün əbədi mənbə olduğunu vurğulayaraq, birlik və vətənpərvərlik dəyərlərinin qorunmasını vacib hesab etdi.

Tədbir zamanı bu il yubileyi olan bir qrup partiya veteranı dəyərli hədiyyələr təqdim edildi. Sonda gənclər partiya veteranlarına bir sıra suallar ünvanladılar. Görüşdə YAP Nəsimi rayon təşkilatının gənc partiya fəalları partiya veteranlarından dəyərli məsləhət və tövsiyələrini, o cümlədən partiyanın rayon təşkilatının yaradılması tarixi barədə maraqlı söhbətlərini dinlədilər.

Sonda Yeni Azərbaycan Partiyasının himni səsləndirildi.

Paylaş:

Baxılıb: 473 dəfə