Azərbaycan - Özbəkistan münasibətləri daha da inkişaf edir

Bakı:

25 °C

62 %

4 m/s

Əlaqə

AZ RU EN

Ana səhifə / YAP xəbərləri / Azərbaycan - Özbəkistan münasibətləri daha da inkişaf edir

Azərbaycan - Özbəkistan münasibətləri daha da inkişaf edir

20.11.2025 [10:33]

Azərbaycan və Özbəkistan arasında dövlətlərarası münasibətlər sağlam siyasi təməl üzərində qurulmuş strateji tərəfdaşlıqlardan biridir. İki qardaş ölkənin əlaqələri yalnız ortaq tarix, mədəni kimlik və dil birliyi ilə məhdudlaşmır. Münasibətlərimiz hər iki ölkə liderinin, cənab Prezident İlham Əliyev və cənab Prezident Şavkat Mirziyoyevin siyasi iradəsi, uzaqgörən strategiyası nəticəsində yeni inkişaf müstəvisinə yüksəlib. Rəsmi Bakı və Daşkənd ikitərəfli kontekstlə yanaşı, sevindirici haldır ki, Türk dünyasının inteqrasiya xəritəsində əsas aparıcı sütünlar kimi çıxış edirlər. Dövlət rəhbərimizin qeyd etdiyi kimi , " bizi ortaq köklər, mənəvi dəyərlər, dil, etnik yaxınlıq, zəngin tarixi və mədəni irs birləşdirir. Əsrlər boyu qardaş xalqlarımız bir-birinə dərin rəğbət və hörmət bəsləyiblər. Sevindirici haldır ki, dövlətlərarası münasibətlərimiz bu möhkəm təməl üzərində uğurla inkişaf edir. Münasibətlərimizin inkişafına təsir edən digər, əhəmiyyəti heç də az olmayan amil Özbəkistan Prezidenti Şavkat Miromonoviç Mirziyoyev ilə aramızda yaranan şəxsi etimad və dostluq münasibətləridir. Prezidentin dövlətlərarası münasibətlərimizin inkişafına şəxsi töhfəsini, onun çoxşaxəli əməkdaşlığımızın ardıcıl olaraq gücləndirilməsinə daim diqqət yetirməsini xüsusi vurğulamaq istərdim. Qardaş Özbəkistanın lideri, görkəmli dövlət xadimi və Azərbaycanın böyük dostu Prezident Şavkat Mirziyoyevi ölkəmizdə salamlamaq bizim üçün həmişə böyük şərəf və məmnuniyyətdir. Qeyd etdiyiniz kimi, son bir il yarım ərzində beş belə səfər olub. Bütün bunlar münasibətlərimizin yüksək dinamikasını əyani şəkildə göstərir." Azərbaycan xalqı hər zaman qardaş Özbəkistan xalqının dəstəyini, isti münasibətini hiss etmişdir. Keçmiş Qarabağ münaqişəsi zamanı rəsmi Daşkənd hər zaman ölkəmizin haqlı mövqeyini istər ikitərəfli qaydada, istərsə də beynəlxalq təşkilatlar çərçivəsində müdafiə etmişdir. Xüsusilə, 44 günlük Vətən Müharibəsi zamanı və post müharibə dövründə Özbəkistanın işğaldan azad olunmuş torpaqlarda bərpa-quruculuq işlərinə öz töhfəsini verməsi birliyimizin əyani göstəricisidir.
Özbəkistan dövlətinin ayırdığı vəsait hesabına bu gün işğaldan azad etdiyimiz Füzuli şəhərində böyük özbək alimi Mirzə Uluqbəyin adını daşıyan ən müasir tələblərə cavab verən məktəb kompleksi tikilib istifadəyə verilmişdir. Hazırda həmin məktəbdə 600 şagird təhsil alır. Özbəkistan iş adamları Azərbaycan iqtisadiyyatının müxtəlif sahələrində uğurla təmsil olunur və investisiya qoyuluşu hər keçən gün daha da artır. Artıq qarşımızda yeni çağırışlar və perspektivlər mövcuddur. Zəngəzur dəhlizinin reallaşdırılması fonunda yeni nəqliyyat maşurtlarının formalaşması Cənubi Qafqaz-Orta Asiya xəttində iqtisadi dinamikliyi artıracaq mühüm faktordur və bu əməkdaşlıq çoxvektorludur.

Arifə Abbasova

YAP Tovuz rayon təşkilatının məsləhətçisi

Paylaş:

Baxılıb: 478 dəfə