Qazaxda Yeni Azərbaycan Partiyasının yaradılmasının 33-cü ildönümü qeyd olunub

Bakı:

23 °C

65 %

9 m/s

Əlaqə

AZ RU EN

Ana səhifə / YAP xəbərləri / Qazaxda Yeni Azərbaycan Partiyasının yaradılmasının 33-cü ildönümü qeyd olunub

Qazaxda Yeni Azərbaycan Partiyasının yaradılmasının 33-cü ildönümü qeyd olunub

21.11.2025 [16:41]

21 noyabr 2025-ci il tarixdə YAP Qazax rayon təşkilatının iclas zalında Yeni Azərbaycan Partiyasının yaradılmasının 33-cü ildönümünə həsr olunmuş “Yeni Azərbaycan Partiyası Azərbaycanın müasir tarixində böyük bir fenomendir” mövzusunda tədbir keçirilib. Əvvəlcə Ümummilli Lider Heydər Əliyevin abidəsi önünə tər çiçək dəstələri düzülüb. Ulu Öndərin əziz xatirəsi dərin ehtiramla yad edilib.

Tədbir Azərbaycan Respublikasının Dövlət Himninin səsləndirilməsi ilə başlanıb. Ulu Öndər Heydər Əliyevin və Azərbaycanın ərazi bütövlüyü, suverenliyi uğrunda canlarını qurban vermiş müqəddəs şəhidlərin əziz xatirəsi bir dəqiqəlik sükutla yad edilib.

Tədbirdə çıxış edən YAP Qazax rayon təşkilatının sədri Anar Nəbiyev Azərbaycanın son dərəcə ağır və keşməkeşli günlərində, ölkənin ciddi sınaqlarla üz-üzə qaldığı bir dövrdə Ulu Öndər Heydər Əliyevin rəhbərliyi ilə Yeni Azərbaycan Partiyasının çox çətin, ağır bir şəraitdə yaranması tarixindən, 33 ildə keçdiyi zəngin və şərəfli yoldan, qazanılan uğurlardan, əldə olunan nailiyyətlərdən geniş bəhs edib. A.Nəbiyev Möhtərəm Prezidentimiz, Yeni Azərbaycan Partiyasının sədri İlham Əliyevin rəhbərliyi altında bundan sonra da müstəqil, suveren Azərbaycanımızın yeni - yeni qələbələr, uğurlar qazanacağına, zaman-zaman öz hədəflərinə çatacağına böyük əminliyini ifadə edib. Sonda rayon təşkilatının sədri bu əlamətdar gün münasibətilə tədbir iştirakçılarını təbrik edib.

Qazax Rayon İcra Hakimiyyətinin başçısı Rəcəb Babaşov çıxış edərək yaradıcısı və qurucusu Ümummilli Lider Heydər Əliyev olan Yeni Azərbaycan Partiyasının keçdiyi şərəfli yoldan, partiyanın yarandığı gündən ölkədə cərəyan edən bütün proseslərin mərkəzində olmasından ətraflı danışıb. Rayon İcra Hakimiyyətinin başçısı 21 noyabr 1992-ci il tarixinin məhz, bütün uğurların, qələbələrin, möhtəşəm Zəfərin təməlinin qoyulduğu gün olmasını xüsusi vurğulayaraq, Möhtərəm Prezident, Yeni Azərbaycan Partiyasının sədri İlham Əliyevin rəhbərliyi altında həyatımızın bütün sahələrində əldə olunan uğurlardan da geniş bəhs edib və tədbir iştirakçılarını təbrik edərək, onlara gələcək siyasi fəaliyyətlərində uğurlar arzulayıb.

Tədbirdə partiya veteranlarından Məmməd Yusifov, Gülnaz Alişanova, şəhid atası Qədir Əfəndiyev, gənc partiya fəalı Esmira Qəribova, ətraflı çıxış ediblər. Partiya veteranları şair Cavanşir Rüstəm və Kazım Kazımlı Ulu Öndər Heydər Əliyevə və Yeni Azərbaycan Partiyasına həsr etdikləri şeirlərini səsləndiriblər. Qazax Dövlət Sosial İqtisadi Kollecinin tələbələri müxtəlif ədəbi - bədii kompozisiya ilə çıxış ediblər.

Tədbirin sonunda YAP Qazax rayon təşkilatının yaradılmasında, təşkilatlanmasında və inkişafında xüsusi xidmətlərinə görə bir qrup partiya veteranları və ərazi partiya təşkilatının sədrləri YAP Qazax rayon təşkilatının Fəxri Fərmanı ilə təltif olunub və onlara hədiyyələr verilib.

YAP sıralarına yeni qəbul olunmuş gənclərə partiya üzvlük vəsiqələri təqdim edilib.

Paylaş:

Baxılıb: 381 dəfə