YAP Abşeron rayon təşkilatı partiyanın yaradılmasının 21-ci ildönümünə həsr olunmuş tədbir keçirib

Bakı:

29 °C

34 %

6 m/s

AZ RU EN

Ana səhifə / YAP xəbərləri / YAP Abşeron rayon təşkilatı partiyanın yaradılmasının 21-ci ildönümünə həsr olunmuş tədbir keçirib

YAP Abşeron rayon təşkilatı partiyanın yaradılmasının 21-ci ildönümünə həsr olunmuş tədbir keçirib

14.11.2013 [09:32]

Dünən Yeni Azərbaycan Partiyası (YAP) Abşeron rayon təşkilatı partiyanın yaradılmasının 21-ci ildönümünə həsr olunmuş tədbir keçirib. Tədbirdə YAP Abşeron rayon təşkilatının sədri Bilman Vəliyev, rayon İcra Hakimiyyəti başçısının birinci müavini Ələkbər Ələkbərzadə, rayon İcra Hakimiyyəti başçısının müavini İradə Gülməmmədova, rayon təşkilatının fəalları və ictimaiyyət nümayəndələri iştirak ediblər.
Tədbiri giriş nitqi ilə açan YAP Abşeron rayon təşkilatının sədri Bilman Vəliyev deyib ki, partiya siyasi səhnəyə XX əsrin 90-cı illərinin əvvəllərində ölkədə yaranmış mürəkkəb ictimai-siyasi şəraitdə gəlib: “YAP Ümummilli lider Heydər Əliyevin ideyalarını həqiqətə çevirən nüfuzlu bir siyasi təşkilatdır. 600 mindən çox üzvü olan partiyamız geridə qoyduğumuz 21 ildə çətin, çətin olduqca da şərəfli, qüdrətli yol keçib. Yeni Azərbaycan Partiyası tarixi zərurətdən yaranan siyasi təşkilatdır. Partiyanın ideyalarına, Azərbaycan dövlətinə, dövlətçiliyinə sadiq insanlar, ziyalılar, ictimai-siyasi xadimlər bu gün də YAP-da təmsil olunmaqla partiyanın fəaliyyətində müstəsna xidmətlər göstərirlər”.
B.Vəliyev, eyni zamanda, vurğulayıb ki, Ulu öndər Heydər Əliyevin rəhbərliyi ilə yaradılmış və bu gün Prezident İlham Əliyevin Sədri olduğu YAP-ın nüfuzu gündən-günə artmaqdadır. YAP-ın cəmiyyətin inkişafını hədəfləyən çoxsaylı sosial layihələr reallaşdırması, gəncləri dövlətçilik, milli maraqlar ətrafında sıx birləşdirməsi partiyanın tərəfdarlarının sayının artmasına səbəb olub: “Əsası Ümummilli lider Heydər Əliyev tərəfindən qoyulan inkişaf strategiyasının Prezident İlham Əliyev tərəfindən uğurla davam etdirilməsi nəticəsində Azərbaycan nəinki Cənubi Qafqazda, ümumiyyətlə, Avropada lider dövlətə çevrilib”.
Tədbirdə çıxış edən rayon İcra Hakimiyyəti başçısının müavini İradə Gülməmmədova partiyanın 21 illik şərəfli və zəngin yol keçdiyini, Ümummilli lider Heydər Əliyevin və Onun layiqli davamçısı partiyanın Sədri, Azərbaycan Respublikasının Prezidenti cənab İlham Əliyevin rəhbərliyi ilə bir sıra uğurlara imza atdığını bildirib. O, qeyd edib ki, Yeni Azərbaycan Partiyasının yaranması ilə ölkədə demokratik cəmiyyətin formalaşmasının əsası qoyulub: “21 il Azərbaycanın möhkəmlənməsi, qüdrətlənməsi və dünyada tanınması ilidir. 21 ildir YAP Azərbaycan miqyasında siyasi nəhəngdir”.
Tədbirdə, həmçinin, rayon Ağsaqqallar Şurasının sədri Nadir Ağayev, YAP Abşeron rayon təşkilatı Qadınlar Şurasının sədri Təyyubə Hüseynova da çıxış edərək, bildiriblər ki, bu gün Azərbaycanın lider dövlətə, bütün dünyada söz sahibinə çevrilməsi, məhz Ulu öndər Heydər Əliyevin tarixi fəaliyyətinin bariz nəticəsidir.
Tədbirin sonunda partiya sıralarına yeni qəbul olunmuş üzvlərə vəsiqələr təqdim olunub.
ZAHİD

Paylaş:

Baxılıb: 1393 dəfə