Yeni Azərbaycan Partiyası Nəsimi rayon təşkilatı hesabat-seçki yığıncağı keçirib

Bakı:

25 °C

69 %

4 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası Nəsimi rayon təşkilatı hesabat-seçki yığıncağı keçirib

Yeni Azərbaycan Partiyası Nəsimi rayon təşkilatı hesabat-seçki yığıncağı keçirib

02.02.2026 [09:59]

Yanvarın 30-da Yeni Azərbaycan Partiyası (YAP) Nəsimi rayon təşkilatı “Rəşid Behbudov küçəsi 134” ünvanı üzrə (Azərbaycan Dillər Universiteti) ərazi partiya təşkilatının hesabat-seçki yığıncağı keçirilib.

Yığıncağı giriş sözü ilə açan Yeni Azərbaycan Partiyası Nəsimi rayon təşkilatının sədri Azər Süleymanov tədbir iştirakçılarını salamlayıb, təşkilatı məsələlər barədə məlumat verib. Bildirilib ki, Yeni Azərbaycan Partiyası Azərbaycan xalqının mənafelərinə xidmət etmək və ölkəmizin qarşısında duran bütün məsələlərin həlli üçün zamanın tələblərinə uyğun olaraq zərurətdən yaranıb. Bu gün Ümummilli Liderin ideyalarını uğurla davam etdirən Prezident İlham Əliyevin rəhbərlik etdiyi YAP böyük siyasi gücə çevrilib. Cəmiyyətimizin demək olar ki, bütün təbəqələrini, bütün yaş qruplarını birləşdirən Yeni Azərbaycan Partiyası, sözün əsl mənasında, ümumxalq partiyasıdır. YAP üzvlərinin böyük hissəsi gənclərdən ibarətdir ki, onlar Azərbaycanın bugünkü inkişafına mühüm töhfələr verirlər.

Tədbirdə çıxış edən ADU-nun rektoru, akademik Kamal Abdulla Azərbaycanın ictimai-siyasi həyatında Yeni Azərbaycan Partiyasının oynadığı mühüm roldan danışıb. Bildirilib ki, YAP Azərbaycanı xoşbəxt gələcəyə aparan qurum kimi bu gün də öz missiyasını uğurla həyata keçirir. Bu Partiyanın üzvü olmaq isə şərəfli iş, sədaqət, ləyaqətli missiyadır.

YAP ərazi partiya təşkilatının hesabat dövrü ərzindəki fəaliyyətini qənaətbəxş qiymətləndirən rektor bildirib ki, Prezident İlham Əliyevin göstərdiyi yeni hədəflər bizi yeniliklərə getməyə sövq edir. Bizim ən ümdə vəzifəmiz universitetimizin əməkdaşlarını partiya ətrafında daha da sıx birləşdirməkdir.

Hesabat-seçki yığıncağında çıxış edən dosent Qorxmaz Mustafayev ötən beş il ərzində YAP ərazi partiya təşkilatının gördüyü işlərdən danışıb. Bu fəaliyyət qənaətbəxş hesab edilib və ona YAP Nəsimi rayon təşkilatının Təşəkkürnaməsi təqdim olunub.

Daha sonra yığıncaqda təşkilati məsələlərə baxılıb. Səsləndirilən təkliflərə əsasən, ADU rektorunun inzibati idarəetmə məsələləri üzrə müşaviri Coşqun Dadaş oğlu Dadaşovun ərazi partiya təşkilatının sədri, ADU-nin İngilis və alman dilləri fakültəsinin dekanı, dosent Naibə Elxan qızı Camalzadənin isə sədr müavini vəzifələrinə namizədliyi irəli sürülüb. Səsvermə üzrə hər iki şəxs yekdilliklə qeyd olunan vəzifələrə seçilib. Ərazi partiya təşkilatının yeni seçilmiş sədri çıxış edərək göstərilmiş etimada görə təşəkkürünü bildirib.

İclasın sonunda YAP Nəsimi rayon təşkilatının sədri Azər Süleymanov yeni seçilən sədri və sədr müavinini təbrik edərək işlərində uğurlar arzulayıb, onları daha da fəal olmağa, rayon təşkilatının fəaliyyətində yaxından iştirak etməyə çağırıb.

Paylaş:

Baxılıb: 627 dəfə