Müstəqil Azərbaycan dövlətinin bu günü və sabahı gənclərin biliyi

Bakı:

12 °C

82 %

11 m/s

Əlaqə

AZ RU EN

Ana səhifə / YAP xəbərləri / Müstəqil Azərbaycan dövlətinin bu günü və sabahı gənclərin biliyi

Müstəqil Azərbaycan dövlətinin bu günü və sabahı gənclərin biliyi

02.02.2026 [12:04]

Müstəqil Azərbaycan dövlətinin bu günü və sabahı gənclərin biliyi, təşəbbüskarlığı və cəmiyyətə verdiyi töhfələrlə birbaşa bağlıdır. Gənclər ölkənin intellektual potensialını, sosial inkişaf tempini və milli-mənəvi dəyərlərin gələcək nəsillərə ötürülməsini təmin edən əsas qüvvədir.

Azərbaycan gəncliyinə göstərilən ardıcıl və məqsədyönlü dövlət qayğısının təməli ümummilli lider Heydər Əliyev tərəfindən qoyulmuşdur. Ulu Öndər gəncləri dövlətin strateji resursu hesab etmiş, onların təhsilinə, dünyagörüşünün formalaşmasına və ictimai fəallığına xüsusi önəm vermişdir. Onun “gənclər bizim gələcəyimizdir” fikri bu gün də aktuallığını qoruyur və dövlət siyasətinin əsas istiqamətlərindən biri kimi uğurla həyata keçirilir. Hazırda bu siyasi xətt Azərbaycan Respublikasının Prezidenti cənab İlham Əliyev tərəfindən qətiyyətlə davam etdirilir. Prezident İlham Əliyevin rəhbərliyi ilə gənclərin təhsili, peşə hazırlığı, sosial müdafiəsi və məşğulluğunun təmin edilməsi istiqamətində mühüm proqramlar icra olunur. Nəticə etibarilə Azərbaycan gəncliyi müasir biliklərə yiyələnmiş, milli maraqları qorumağı bacaran və cəmiyyətin bütün sahələrində fəal mövqe tutan bir nəslə çevrilmişdir.

Cəmiyyətin inkişafında qadınların, xüsusilə gənc qadınların rolu da danılmazdır. Bu gün Azərbaycan qadını yalnız ailə institutunun deyil, eyni zamanda təhsilin, elmin, iqtisadiyyatın və ictimai həyatın fəal iştirakçısıdır. Birinci vitse-prezident Mehriban xanım Əliyevanın çoxşaxəli fəaliyyəti Azərbaycan qadınının humanist, savadlı və təşəbbüskar simasını parlaq şəkildə nümayiş etdirir. Onun gördüyü işlər gənc qadınların cəmiyyətdə daha fəal mövqe tutmasına, öz bilik və bacarıqlarını reallaşdırmasına güclü stimul verir. Bu mənada peşə təhsilinin rolu xüsusi qeyd olunmalıdır. Naxçıvan Dövlət Peşə Təhsil Mərkəzi gənclərin əmək bazarının tələblərinə uyğun peşələrə yiyələnməsində, onların müstəqil həyata hazırlanmasında mühüm rol oynayır. Burada təhsil alan gənclər, o cümlədən gənc qadınlar praktiki bacarıqlar əldə edərək ölkənin sosial-iqtisadi inkişafında fəal iştirak etmək imkanına sahib olurlar.

Müasir dövrdə gənclərin qarşısında duran əsas vəzifə əldə etdikləri bilik və bacarıqları ölkənin inkişafına yönəltmək, dövlətin göstərdiyi etimadı doğrultmaqdır. Güclü dövlət – savadlı, məsuliyyətli və vətənpərvər gənclər deməkdir. Bu baxımdan Azərbaycan gəncliyi üzərinə düşən məsuliyyəti dərk edir və gələcəyə inamla addımlayır.

Cəmilə Hüseynova

YAP Naxçıvan şəhər təşkilatının fəalı

Paylaş:

Baxılıb: 335 dəfə