Xocalıda ucalan ədalət abidəsi

Bakı:

24 °C

78 %

11 m/s

Əlaqə

AZ RU EN

Ana səhifə / YAP xəbərləri / Xocalıda ucalan ədalət abidəsi

Xocalıda ucalan ədalət abidəsi

02.03.2026 [14:32]

İlqar İlyasov

Yeni Azərbaycan Partiyası Laçın rayon təşkilatının sədri

Prezident İlham Əliyevin Xocalı Soyqırımı Memorial Kompleksinin açılışındakı tarixi çıxışı Azərbaycanın həm kədərli keçmişinə, həm də qürurlu bu günü ilə gələcəyinə işıq tutan proqram xarakterli bir müraciətdir. Dövlət başçısı qeyd etmişdir ki, İki il bundan əvvəl Xocalı Soyqırımı Memorial Kompleksinin təməli mənim iştirakımla qoyulmuşdur. Bu açılış sadəcə bir memarlıq abidəsinin təqdimatı deyil, həm də xalqımızın otuz illik həsrətinin və intiqamının simvolik yekunudur.

Xocalı faciəsinin dünyaya tanıdılması və bu qanlı cinayətə hüquqi-siyasi qiymətin verilməsi uzunmüddətli bir mübarizə yoludur. Bu yolda ən böyük dönüş nöqtəsi Heydər Əliyev Fondunun fəaliyyəti ilə bağlıdır. Belə ki, Heydər Əliyev Fondu yarandıqdan dərhal sonra “Xocalıya ədalət!” genişmiqyaslı hərəkatına start verdi. Leyla Əliyevanın təşəbbüsü ilə başlanan bu kampaniya qısa müddətdə beynəlxalq müstəvidə böyük əks-səda doğurdu. Bu illər ərzində “Xocalıya ədalət!” hərəkatının təsiri böyük olmuşdur; onlarla ölkə və beynəlxalq təşkilat Xocalıda baş verənləri rəsmən soyqırımı aktı kimi tanımış, erməni təbliğat maşınının yalanları ifşa edildi.

Azərbaycan xalqı bu ədaləti illərlə səbirlə gözlədi, eyni zamanda öz gücünü topladı. 2020-ci ildə başlanan Vətən müharibəsi bu gücün təcəssümü idi. Cəmi 44 gün ərzində düşməni məğlubiyyətə uğratdıq, düşmən təslim oldu, kapitulyasiya aktına imza atdı və biz müharibəni dayandırdıq. Bu zəfər göstərdi ki, Azərbaycan dövləti heç vaxt işğalla barışmayacaq. Lakin bu mübarizədə bizim ordumuzun nümayiş etdirdiyi mənəvi ucalıq xüsusi vurğulanmalıdır. Ermənilərdən fərqli olaraq günahsız, əliyalın mülki əhaliyə qarşı heç vaxt müharibə aparmamışıq və bu, bizim xalqımızı daha da ucaltdı. Bizim müharibəmiz yalnız işğalçı orduya qarşı idi və döyüş meydanında ləyaqətlə aparıldı.

Bu gün qürurla deyə bilərik ki, ədaləti biz özümüz təmin etdik. Beynəlxalq birliyin və institutların səssiz qaldığı bir şəraitdə Azərbaycan dövləti öz hərbi və siyasi gücü ilə ədaləti bərpa etdi. Dünyada nadir halda ölkələr tapılar ki, həm ədalətli müharibədə tam və mütləq qələbə qazansın, həm öz ərazi bütövlüyünü və suverenliyini hər qarış torpağı azad edərək özü təmin etsin və müharibə cinayətkarlarını məhkəmə qarşısına çıxarsın. Bu gün Xocalı qatillərinin bir qisminin Bakıda ədalət mühakiməsi qarşısında dayanması beynəlxalq hüququn və tarixi ədalətin ən bariz nümunəsidir.

Memorial Kompleksin açılışı, məhz Xocalıda açılışı ədalətin təntənəsidir. Bu kompleks gələcək nəsillərə həm faciəni unutmamağı, həm də bu faciədən necə başı uca çıxdığımızı aşılayır. Memorial Kompleksin timsalında biz Azərbaycan xalqının əyilməz ruhunu görürük. Bu ruh bizi qələbəyə apardı və bu gün Xocalını yenidən qurmağa, onu dirçəltməyə kömək edir.

Lakin regionda hələ də təhdidlər qalmaqdadır. Prezident öz çıxışında mühüm bir xəbərdarlıq da etdi: Əfsuslar olsun ki, Vətən müharibəsi Ermənistan dövlətinə dərs olmadı. Revanşist qüvvələr və onların xaricdəki havadarları hələ də köhnə xülyalarla yaşayırlar. Lakin Azərbaycan dövləti hər zaman ayıq-sayıqdır və hər hansı bir təhdidə cavab verməyə qadirdir. Xocalıda ucalan bu abidə həm də dostlarımıza sevinc, düşmənlərimizə isə sarsılmaz bir mesajdır.

Paylaş:

Baxılıb: 444 dəfə