Azərbaycan və Avropa İttifaqı arasında əməkdaşlığın inkişafı

Bakı:

25 °C

54 %

1 m/s

Əlaqə

AZ RU EN

Ana səhifə / YAP xəbərləri / Azərbaycan və Avropa İttifaqı arasında əməkdaşlığın inkişafı

Azərbaycan və Avropa İttifaqı arasında əməkdaşlığın inkişafı

12.03.2026 [16:49]

Azərbaycan müstəqillik əldə etdikdən sonra beynəlxalq təşkilatlarla əməkdaşlığın genişləndirilməsini xarici siyasətinin əsas prioritetlərindən biri kimi müəyyənləşdirmişdir. Bu istiqamətdə Avropa məkanı ilə münasibətlərin inkişafı xüsusi yer tutur. Ölkəmizin Avropa institutları ilə qurduğu əməkdaşlıq siyasi dialoqun genişlənməsinə, iqtisadi tərəfdaşlığın möhkəmlənməsinə və regional sabitliyin təmin olunmasına mühüm töhfə verir. Azərbaycan Avropa ilə münasibətlərində qarşılıqlı hörmət, bərabərhüquqlu tərəfdaşlıq və beynəlxalq hüquq normalarına əsaslanan əməkdaşlıq prinsiplərini daim ön planda saxlayır.

Məhz bu baxımdan Antonio Koştanın Azərbaycana səfəri və Azərbaycan Respublikasının Prezidenti İlham Əliyev ilə keçirilən görüşlər iki tərəf arasında mövcud tərəfdaşlıq münasibətlərinin daha da inkişaf etdirilməsi baxımından xüsusi əhəmiyyət kəsb edir. Səfər çərçivəsində keçirilən görüşlər və aparılan müzakirələr Azərbaycan ilə Avropa İttifaqı arasında əməkdaşlığın müxtəlif istiqamətlər üzrə genişləndirilməsi üçün yeni imkanlar yaratmışdır.

2026-cı il martın 11-də keçirilən görüşdən sonra Prezident İlham Əliyevin verdiyi bəyanat Azərbaycan ilə Avropa İttifaqı arasında münasibətlərin strateji xarakterini bir daha nümayiş etdirdi. Dövlət başçısı öz çıxışında qeyd etdi ki, Azərbaycan ilə Avropa İttifaqı arasında əməkdaşlıq qarşılıqlı maraqlara əsaslanır və bu münasibətlər hər iki tərəf üçün mühüm əhəmiyyət daşıyır. Prezident vurğuladı ki, son illər ərzində Azərbaycan Avropa üçün etibarlı tərəfdaş kimi öz mövqeyini daha da möhkəmləndirib.

Bəyanatda xüsusilə enerji sahəsində əməkdaşlığın əhəmiyyəti qeyd olundu. Dövlətimizin Başçısı bildirdi ki, Azərbaycan Avropanın enerji təhlükəsizliyinin təmin olunmasında mühüm rol oynayan ölkələrdən biridir. Azərbaycanın təşəbbüsü ilə həyata keçirilən iri enerji layihələri Avropanın enerji mənbələrinin şaxələndirilməsinə və dayanıqlı enerji təminatına mühüm töhfə verir. Bu baxımdan Azərbaycan ilə Avropa ölkələri arasında enerji əməkdaşlığının gələcəkdə daha da genişlənməsi üçün böyük potensial mövcuddur.

Cənab Prezident İlham Əliyev çıxışında həmçinin yaşıl enerji sahəsində əməkdaşlıq perspektivlərinə də toxundu. O qeyd etdi ki, Azərbaycan yalnız ənənəvi enerji resursları ilə deyil, həm də bərpa olunan enerji mənbələrinin inkişafı istiqamətində geniş proqramlar həyata keçirir. Xəzər dənizinin böyük külək enerjisi potensialı, günəş enerjisi layihələri və yaşıl enerji təşəbbüsləri Azərbaycanın enerji strategiyasının mühüm hissəsini təşkil edir. Bu istiqamətdə Avropa şirkətləri ilə əməkdaşlığın genişləndirilməsi qarşılıqlı faydalı tərəfdaşlıq üçün yeni imkanlar yaradır.

Bəyanatda nəqliyyat və logistika sahəsində əməkdaşlıq məsələləri də diqqət mərkəzində oldu. Cənab Prezident qeyd etdi ki, Azərbaycanın əlverişli coğrafi mövqeyi ölkəmizi beynəlxalq nəqliyyat dəhlizlərinin mühüm qovşaqlarından birinə çevirir. Şərq ilə Qərb, həmçinin Şimal ilə Cənub istiqamətində formalaşan nəqliyyat marşrutları beynəlxalq ticarətin inkişafına və iqtisadi əlaqələrin genişlənməsinə mühüm töhfə verir. Bu layihələr Avropa İttifaqı üçün də mühüm iqtisadi imkanlar yaradır.

Görüş zamanı regional sabitlik və təhlükəsizlik məsələləri də geniş müzakirə olundu. Dövlətimizin Başçısı vurğuladı ki, Azərbaycan regionda dayanıqlı sülh və əməkdaşlıq mühitinin yaradılmasına xüsusi önəm verir. Dövlət başçısı bildirdi ki, bölgədə uzunmüddətli sabitliyin təmin olunması beynəlxalq hüququn norma və prinsiplərinə hörmət əsasında mümkündür. Bu baxımdan Avropa İttifaqı ilə aparılan siyasi dialoq regionda sülh təşəbbüslərinin dəstəklənməsinə müsbət təsir göstərir.

Ümumilikdə, Antonio Koştanın Azərbaycana səfəri və Prezident İlham Əliyevin verdiyi bəyanat Azərbaycan ilə Avropa İttifaqı arasında mövcud münasibətlərin inkişaf dinamikasını bir daha nümayiş etdirdi. Bu səfər iki tərəf arasında siyasi dialoqun möhkəmləndirilməsinə, iqtisadi və enerji sahələrində əməkdaşlığın genişləndirilməsinə, həmçinin regional sabitliyin təmin olunmasına yönəlmiş mühüm addım kimi qiymətləndirilə bilər.

Azərbaycanın həyata keçirdiyi balanslaşdırılmış və praqmatik xarici siyasət ölkəmizin beynəlxalq aləmdə mövqelərinin möhkəmlənməsinə xidmət edir. Avropa İttifaqı ilə əməkdaşlığın inkişafı isə Azərbaycanın qlobal iqtisadi və siyasi proseslərdə rolunun artmasına mühüm töhfə verir. Prezident İlham Əliyevin bu səfər çərçivəsində səsləndirdiyi fikirlər və irəli sürdüyü təşəbbüslər Azərbaycan ilə Avropa strukturları arasında tərəfdaşlığın gələcəkdə daha da dərinləşəcəyini göstərir.

Rövşən Əhmədov

YAP Ağcabədi rayon təşkilatının sədri

Paylaş:

Baxılıb: 472 dəfə